ಸಿಮ್ ಬಳಕೆದಾರರ ವ್ಯಾಲಿಡಿಟಿ ಅವಧಿ ವಿಸ್ತರಣೆಗೆ ಟ್ರಾಯ್ ಸೂಚನೆ

ಪ್ರಿಪೇಯ್ಡ್​ ಸೇವೆಯಲ್ಲಿ ತೊಂದರೆ ಆಗದಂತೆ ತೆಗೆದುಕೊಂಡ ಕ್ರಮಗಳ ಕುರಿತು ಮಾಹಿತಿ ನೀಡುವಂತೆ ಟ್ರಾಯ್ ಟೆಲಿಕಾಂ ಆಪರೇಟರ್​ಗಳನ್ನು ಮನವಿ ಮಾಡಿದೆ. ಇಂತಹ ಬಿಕ್ಕಟ್ಟಿನ ಲಾಕ್​ಡೌನ್ ಸಂದರ್ಭದಲ್ಲಿ ಪ್ರಿಪೇಯ್ಡ್​ ಬಳಕೆದಾರರಿಗೆ ಪಾವತಿ, ರಿಚಾರ್ಜ್​ ವೋಚರ್​ ಲಭ್ಯತೆ ಹಾಗೂ ಸೇವಾ ಅವಧಿಯನ್ನು ವಿಸ್ತರಿಸುವ ಮೂಲಕ ತಡೆರಹಿತ ಸೇವೆ ನೀಡಬೇಕು ಎಂದು ಆದೇಶಿಸಿದೆ.

ನವದೆಹಲಿ:ರಾಷ್ಟ್ರಾದ್ಯಂತ 21 ದಿನಗಳವರೆಗೆ ಲಾಕ್​ಡೌನ್​ ಜಾರಿಯಲಿದ್ದು, ಈ ವೇಳೆಯಲ್ಲಿ ಪ್ರಿಪೇಯ್ಡ್​ ಸಿಮ್​ ಬಳಕೆದಾರರ ಸೇವಾ ವ್ಯಾಲಿಡಿಟಿ ಅವಧಿ ಮುಂದೂಡುವಂತೆ ಭಾರತೀಯ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಕೋರಿದೆ.

ಲಾಕ್​ಡೌನ್ ಸಂದರ್ಭದಲ್ಲಿ ಯಾವುದೇ ಬಳಕೆದಾರ ದೂರ ಸಂಪರ್ಕ ಸೇವೆಯಿಂದ ವಂಚಿತರಾಗದಂತೆ ಕ್ರಮವಹಿಸಬೇಕು. ಪ್ರಿಪೇಯ್ಡ್​ ಸೇವೆಯಲ್ಲಿ ತೊಂದರೆ ಆಗದಂತೆ ತೆಗೆದುಕೊಂಡ ಕ್ರಮಗಳ ಕುರಿತು ಮಾಹಿತಿ ನೀಡುವಂತೆ ಟ್ರಾಯ್ ಟೆಲಿಕಾಂ ಆಪರೇಟರ್​ಗಳನ್ನು ಮನವಿ ಮಾಡಿದೆ. ಇಂತಹ ಬಿಕ್ಕಟ್ಟಿನ ಲಾಕ್​ಡೌನ್ ಸಂದರ್ಭದಲ್ಲಿ ಪ್ರಿಪೇಯ್ಡ್​ ಬಳಕೆದಾರರಿಗೆ ಪಾವತಿ, ರಿಚಾರ್ಜ್​ ವೋಚರ್​ ಲಭ್ಯತೆ ಹಾಗೂ ಸೇವಾ ಅವಧಿಯನ್ನು ವಿಸ್ತರಿಸುವ ಮೂಲಕ ತಡೆರಹಿತ ಸೇವೆ ನೀಡಬೇಕು ಎಂದು ಆದೇಶಿಸಿದೆ.

ದೂರ ಸಂಪರ್ಕ ಸೇವೆಯನ್ನು ಅಗತ್ಯ ಸೇವೆಗಳ ಸಾಲಿಗೆ ಸೇರಿಸಲಾಗಿದೆ. ಆದರೆ, ಟೆಲಿಕಾಂ ಕಂಪನಿಗಳು ಗ್ರಾಹಕ ಸೇವಾ ಕೇಂದ್ರಗಳು, ಮಾರಾಟ ಕೇಂದ್ರಗಳಲ್ಲಿ ಸಿಬ್ಬಂದಿ ಸೇವೆಗೆ ತೊಂದರೆ ಉಂಟಾಗಿದೆ.