ಮುಂಬೈ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್ಐಎಲ್) ಮತ್ತು ಸೌದಿ ಅರಮ್ಕೊ (Saudi Aramco) ಆರ್‌ಐಎಲ್‌ನ 'ಒ2ಸಿ' ಯಲ್ಲಿನ (Oil 2 Chemical) ಉದ್ದೇಶಿತ ಹೂಡಿಕೆಯನ್ನು ಮರು ಮೌಲ್ಯಮಾಪನ ಮಾಡಲು ಪರಸ್ಪರ ಒಪ್ಪಿಕೊಂಡಿವೆ.
ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಹೇಳಿರುವ ಪ್ರಕಾರ, ತೈಲ-ರಾಸಾಯನಿಕಗಳ (Oil 2 Chemical) ವ್ಯವಹಾರವನ್ನು ಪ್ರತ್ಯೇಕ ಘಟಕವನ್ನಾಗಿ ಮಾಡುವ ಸಲುವಾಗಿ ಅಗತ್ಯವಾದ ಅನುಮೋದನೆಗಳನ್ನು ಪಡೆಯಲು ಸಲ್ಲಿಸಿದ್ದ ಅರ್ಜಿ ಹಿಂತೆಗೆದುಕೊಳ್ಳುತ್ತಿದೆ. ರಿಲಯನ್ಸ್ನಿಂದ O2C ವ್ಯವಹಾರವನ್ನು ಪ್ರತ್ಯೇಕಿಸಲು NCLTಯೊಂದಿಗೆ ಸದ್ಯಕ್ಕೆ ಅರ್ಜಿಯನ್ನು ಹಿಂತೆಗೆದುಕೊಳ್ಳಲಾಗುತ್ತಿದೆ ಎಂದು ಕಂಪನಿಯು ನವೆಂಬರ್ 19ರಂದು ವಿನಿಮಯ ಫೈಲಿಂಗ್‌ನಲ್ಲಿ ತಿಳಿಸಿದೆ.
ಬದಲಾದ ಸನ್ನಿವೇಶದ ಹಿನ್ನೆಲೆ O2C ವ್ಯವಹಾರದಲ್ಲಿನ ಉದ್ದೇಶಿತ ಹೂಡಿಕೆ ಮರು ಮೌಲ್ಯಮಾಪನ ಮಾಡುವುದು ಎರಡೂ ಪಾರ್ಟಿಗಳಿಗೆ ಪ್ರಯೋಜನಕಾರಿಯಾಗಿದೆ ಎಂದು ಸೌದಿ ಅರಾಮ್ಕೊದೊಂದಿಗೆ ಪರಸ್ಪರ ನಿರ್ಧರಿಸಿರುವುದಾಗಿ ರಿಲಯನ್ಸ್ ಹೇಳಿದೆ.
O2C ವ್ಯವಹಾರದಿಂದ (Oil 2 Chemical) ಹೊರಗುಳಿಯುವುದರಿಂದ ಸೌದಿ ಅರಾಮ್ಕೊಗೆ ಹೊಸ ಕಂಪನಿಯಲ್ಲಿ ಪಾಲು ಮಾರಾಟ ಮಾಡಲು ದಾರಿ ಮಾಡಿಕೊಟ್ಟಿದೆ. ಭಾರತದಲ್ಲಿ ಖಾಸಗಿ ವಲಯದಲ್ಲಿ ಹೂಡಿಕೆಗಾಗಿ ಸೌದಿ ಅರಾಮ್ಕೊದ ಆದ್ಯತೆಯ ಪಾಲುದಾರನಾಗಿ ಮುಂದುವರಿಯುವುದಾಗಿ ರಿಲಯನ್ಸ್ ಹೇಳಿದೆ.
ಸೌದಿ ಅರೇಬಿಯಾದ ಸರ್ಕಾರಿ ಸ್ವಾಮ್ಯದ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಕಂಪನಿ ಮತ್ತು ಸೌದಿ ಅರೇಬಿಯಾದಲ್ಲಿ ಹೂಡಿಕೆಗಾಗಿ ಅದರ ರಾಸಾಯನಿಕ ಉತ್ಪಾದನಾ ಶಾಖೆ SABICನೊಂದಿಗೆ ಸಹಕರಿಸುತ್ತದೆ. ವಿಶ್ವದ ಅತಿದೊಡ್ಡ ಸಂಸ್ಕರಣಾ ಸಮುಚ್ಚಯದ ನಿರ್ವಹಣೆ ಮಾಡುತ್ತಿರುವ ರಿಲಯನ್ಸ್, ವಿಶ್ವದ ಅಗ್ರ ತೈಲ ರಫ್ತುದಾರರಾದ ಸೌದಿ ಅರಾಮ್ಕೊದೊಂದಿಗೆ 2019ರ ಆಗಸ್ಟ್ನಲ್ಲಿ 15 ಶತಕೋಟಿ ಡಾಲರ್ ಒಪ್ಪಂದ ಘೋಷಿಸಿತು.
O2C ವ್ಯವಹಾರದಲ್ಲಿ ಶೇ 20ರಷ್ಟು ಪಾಲನ್ನು ಮಾರಾಟ ಮಾಡುವ ಅರಾಮ್ಕೊ ಜೊತೆಗಿನ ಒಪ್ಪಂದವು 2020ರ ಮಾರ್ಚ್ ವೇಳೆಗೆ ಪೂರ್ಣಗೊಳ್ಳುತ್ತದೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಅದು ವಿಳಂಬವಾಯಿತು.
ರಿಲಯನ್ಸ್ ಹೇಳಿಕೆಯ ಪ್ರಕಾರ, ಆರ್ಐಎಲ್ ಭಾರತದಲ್ಲಿ ಖಾಸಗಿ ವಲಯದಲ್ಲಿ ಹೂಡಿಕೆಗಾಗಿ ಸೌದಿ ಅರಾಮ್ಕೊ ಆದ್ಯತೆಯ ಪಾಲುದಾರನಾಗಿ ಮುಂದುವರಿಯುತ್ತದೆ ಮತ್ತು ಸೌದಿ ಅರೇಬಿಯಾದಲ್ಲಿ ಹೂಡಿಕೆಗಾಗಿ ಸೌದಿ ಅರಾಮ್‌ಕೋ ಮತ್ತು ಎಸ್‌ಎಬಿಐಸಿಯೊಂದಿಗೆ ಸಹಯೋಗ ಮಾಡುತ್ತದೆ.
ಸೌದಿ ಅರಾಮ್ಕೊ ಮತ್ತು RIL ಬಹಳ ಬಲವಾದ ಮತ್ತು ಪರಸ್ಪರ ಲಾಭದಾಯಕ ಸಂಬಂಧವನ್ನು ಹೊಂದಿವೆ. ಇದನ್ನು ಕಳೆದ 25 ವರ್ಷಗಳಲ್ಲಿ ಎರಡೂ ಕಂಪನಿಗಳು ಅಭಿವೃದ್ಧಿಪಡಿಸಿವೆ ಮತ್ತು ಪೋಷಿಸುತ್ತಿವೆ. ಇಬ್ಬರೂ ಸಹಭಾಗಿತ್ವದಲ್ಲಿ ಮತ್ತು ಮುಂದಿನ ವರ್ಷಗಳಲ್ಲಿ ಸಂಬಂಧವನ್ನು ಇನ್ನಷ್ಟು ಬಲಪಡಿಸಲು ಬದ್ಧರಾಗಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.
