ಮಾರ್ಚ್​ ತಿಂಗಳ ಚಿಲ್ಲರೆ ಹಣದುಬ್ಬರ ಶೇ 5.9ಕ್ಕೆ ಇಳಿಕೆ

ರಾಷ್ಟ್ರೀಯ ಸಾಂಖಿಕ್ಯ ಕಚೇರಿ (ಎನ್‌ಎಸ್‌ಒ) ಬಿಡುಗಡೆ ಮಾಡಿದ ಸಿಪಿಐ ಮಾಹಿತಿ ಅನ್ವಯ, ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ) ಆಧಾರಿತ ಚಿಲ್ಲರೆ ಹಣದುಬ್ಬರವು 2020ರ ಫೆಬ್ರವರಿಯಲ್ಲಿ ಶೇ 6.58ರಷ್ಟು ಮತ್ತು 2019ರ ಮಾರ್ಚ್​ನಲ್ಲಿ 2.86ರಷ್ಟಿತ್ತು. ಆಹಾರ ಪದಾರ್ಥ ವಿಭಾಗದಲ್ಲಿನ ಹಣದುಬ್ಬರವು 2020ರ ಮಾರ್ಚ್​ನಲ್ಲಿ ಶೇ 8.76ರಷ್ಟಿತ್ತು. ಹಿಂದಿನ ತಿಂಗಳಲ್ಲಿ ಇದು ಶೇ 10.81 ಮಟ್ಟದಲ್ಲಿತ್ತು.

ನವದೆಹಲಿ: ಮಾರ್ಚ್​ ತಿಂಗಳ ಚಿಲ್ಲರೆ ಹಣದುಬ್ಬರವು ಈ ಹಿಂದಿನ ಮಾಸಿಕಕ್ಕೆ ಹೋಲಿಸಿದೆ ಶೇ 5.9ಕ್ಕೆ ಇಳಿಕೆಯಾಗಿದೆ.

ಮುಖ್ಯವಾಗಿ ಆಹಾರ ಬೆಲೆಗಳಲ್ಲಿನ ವ್ಯತ್ಯಾಸದ ಕಾರಣದಿಂದಾಗಿ ಈ ಬದಲಾವಣೆ ಆಗಿದೆ ಎಂದು ಸರ್ಕಾರದ ಅಂಕಿ ಅಂಶಗಳು ತಿಳಿಸಿವೆ.

ರಾಷ್ಟ್ರೀಯ ಸಾಂಖಿಕ್ಯ ಕಚೇರಿ (ಎನ್‌ಎಸ್‌ಒ) ಬಿಡುಗಡೆ ಮಾಡಿದ ಸಿಪಿಐ ಮಾಹಿತಿ ಅನ್ವಯ, ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ) ಆಧಾರಿತ ಚಿಲ್ಲರೆ ಹಣದುಬ್ಬರವು 2020ರ ಫೆಬ್ರವರಿಯಲ್ಲಿ ಶೇ 6.58ರಷ್ಟು ಮತ್ತು 2019ರ ಮಾರ್ಚ್​ನಲ್ಲಿ 2.86ರಷ್ಟಿತ್ತು. ಆಹಾರ ಪದಾರ್ಥ ವಿಭಾಗದಲ್ಲಿನ ಹಣದುಬ್ಬರವು 2020ರ ಮಾರ್ಚ್​ನಲ್ಲಿ ಶೇ 8.76ರಷ್ಟಿತ್ತು. ಹಿಂದಿನ ತಿಂಗಳಲ್ಲಿ ಇದು ಶೇ 10.81 ಮಟ್ಟದಲ್ಲಿತ್ತು.

ಭಾರತೀಯ ರಿಸರ್ವ್ ಬ್ಯಾಂಕ್ ಮುಖ್ಯವಾಗಿ ಚಿಲ್ಲರೆ ಹಣದುಬ್ಬರದ ಆಧಾರದಲ್ಲಿ ಎರಡು ಮಾಸಿಕ ವಿತ್ತೀಯ ನೀತಿಯನ್ನು ನಿರ್ಧರಿಸುತ್ತದೆ. ಹಣದುಬ್ಬರವನ್ನು ಶೇಕಡಾ 4ರ ಮಟ್ಟದಲ್ಲಿ ಉಳಿಸಿಕೊಳ್ಳಲು ಸರ್ಕಾರ ಕೇಂದ್ರ ಬ್ಯಾಂಕ್‌ಗೆ ಆದೇಶಿಸಿದೆ.