ಕೊಚ್ಚಿ:ಕೋವಿಡ್ -19 ಸಾಂಕ್ರಾಮಿಕ ಹಿನ್ನೆಲೆಯಲ್ಲಿ ಕೇರಳಕ್ಕೆ 2,100ಕ್ಕೂ ಅಧಿಕ ವಲಸಿಗರು ಇಲ್ಲಿನ ವಿಮಾನ ನಿಲ್ದಾಣಕ್ಕೆ ಬರುವ ನಿರೀಕ್ಷೆಯಿದೆ. ಅವರನ್ನು ಬರಮಾಡಿಕೊಳ್ಳಲು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವ್ಯಾಪಕ ಸಿದ್ಧತೆಗಳು ನಡೆಯುತ್ತಿವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ತವರಿಗೆ ಬರುವ ವಿದೇಶಿ ವಲಸಿಗರ ಸ್ವಾಗತಿಸಲು ವಿಮಾನ ನಿಲ್ದಾಣ ಸಜ್ಜು - ವಲಸಿಗ ಭಾರತೀಯರು
ಗುರುವಾರ ಆರಂಭವಾಗುವ ಮೊದಲ ಹಂತದ ಸ್ಥಳಾಂತರಿಸುವ ಕಾರ್ಯಾಚರಣೆಯಲ್ಲಿ ಯುಎಇ, ಬಹ್ರೇನ್, ಕುವೈತ್, ಒಮಾನ್, ಮಲೇಷ್ಯಾ ಮತ್ತು ಸೌದಿ ಅರೇಬಿಯಾ ಸೇರಿದಂತೆ ವಿವಿಧ ದೇಶಗಳ 10 ವಿಮಾನಗಳ ಮೂಲಕ 2,150 ಸ್ವದೇಶಕ್ಕೆ ವಲಸಿಗರು ಆಗಮಿಸಲಿದ್ದಾರೆ.
ಕೊಚ್ಚಿ ವಿಮಾನ ನಿಲ್ದಾಣ
ಕೋವಿಡ್-19 ವಲಸಿಗರ ಪ್ರೋಟೋಕಾಲ್ ಮತ್ತು ಸಾಮಾಜಿಕ ಅಂತರ ಕಾಪಾಡುವ ಮಾನದಂಡಗಳ ಪಾಲನೆಗೆ ವ್ಯಾಪಕ ಸಿದ್ಧತೆಗಳು ಕೊಚ್ಚಿನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಲಿಮಿಟೆಡ್‌ನಲ್ಲಿ ನಡೆಯುತ್ತಿವೆ ಎಂದು ನಿಲ್ದಾಣದ ವಕ್ತಾರರು ತಿಳಿಸಿದ್ದಾರೆ.
ವಿಮಾನ ನಿಲ್ದಾಣದಲ್ಲಿ ಮೂರು ಹಂತಗಳಲ್ಲಿ ತಪಾಸಣೆ ಯೋಜನೆ ನಡೆಯುತ್ತಿದ್ದು, ವಿವಿಧ ವ್ಯವಸ್ಥೆಗಳನ್ನು ಪರೀಕ್ಷಿಸುವ ಅಣಕು ಕಸರತ್ತುಗಳು ಈಗಾಗಲೇ ಪೂರ್ಣಗೊಂಡಿವೆ. ಪ್ರಯಾಣಿಕರ ಜ್ವರ ಪರೀಕ್ಷೆಗೆ ಆಗಮನ ಪ್ರದೇಶದಲ್ಲಿ ಥರ್ಮಲ್ ಸ್ಕ್ಯಾನರ್‌ಗಳನ್ನು ಅಳವಡಿಸುವ ಪ್ರಕ್ರಿಯೆ ನಡೆಯುತ್ತಿದೆ ಎಂದರು.