ಜಾಗತಿಕ ಜಿಡಿಪಿ ಶ್ರೇಣಿಯಲ್ಲಿ 7ನೇ ಸ್ಥಾನಕ್ಕೆ ಕುಸಿದ ಭಾರತ..!

ಆರ್ಥಿಕತೆಯಲ್ಲಿ ನಿರೀಕ್ಷಿತ ಮಟ್ಟದ ಸುಧಾರಣೆಯಿಂದ 2017ರಲ್ಲಿ 6ನೇ ಅತಿದೊಡ್ಡ ಆರ್ಥಿಕತೆ ಹೊರಹೊಮ್ಮಿದ್ದ ಭಾರತ, 2018ನೇ ಸಾಲಿನಲ್ಲಿ 2.7 ಟ್ರಿಲಿಯನ್ ಡಾಲರ್​​ ಜಿಡಿಪಿಯಿಂದ 7ನೇ ಸ್ಥಾನಕ್ಕೆ ಕುಸಿದಿದೆ.

ನವದೆಹಲಿ:2018ರ ಸಾಲಿನ ಜಾಗತಿಕ ಆರ್ಥಿಕ ರಾಷ್ಟ್ರಗಳ ಜಿಡಿಪಿ ಶ್ರೇಣಿಯಲ್ಲಿ ಭಾರತ 7ನೇ ಸ್ಥಾನಕ್ಕೆ ಕುಸಿದಿದ್ದು, 2017ರ ವರ್ಷಕ್ಕಿಂತ ಒಂದು ಸ್ಥಾನ ಕೆಳಗಿಳಿದಿದೆ.

ಕಳೆದ ವರ್ಷದ ಆರ್ಥಿಕತೆಯಲ್ಲಿ ನಿರೀಕ್ಷಿತ ಮಟ್ಟದ ಸುಧಾರಣೆ ಕಾಣದ ಹಿನ್ನಲೆಯಲ್ಲಿ 2.7 ಟ್ರಿಲಿಯನ್​ ಡಾಲರ್​ನ ಜಿಡಿಪಿಯಿಂದಾಗಿ 7ನೇ ಸ್ಥಾನಕ್ಕೆ ಬಂದಿದೆ. 2.8 ಟ್ರಿಲಿಯನ್​ ಡಾಲರ್​ ಹೊಂದಿರುವ ಫ್ರಾನ್ಸ್​ 6ನೇ ಸ್ಥಾನಕ್ಕೆ ಲಗ್ಗೆ ಇಟ್ಟಿದೆ ಎಂದು ವಿಶ್ವಬ್ಯಾಂಕ್ ಈಚೆಗೆ ಬಿಡುಗಡೆ ಮಾಡಿದ ವರದಿಯಲ್ಲಿ ತಿಳಿಸಿದೆ.

ಅಮೆರಿಕ 20.5 ಟ್ರಿಲಿಯನ್ ಡಾಲರ್​ ಜಿಡಿಪಿ ಮುಖೇನ ಮೊದಲ ಸ್ಥಾನದಲ್ಲಿದ್ದು, ನೆರೆಯ ಚೀನಾ 13.6 ಟ್ರಿಲಿಯನ್ ಡಾಲರ್​ನಿಂದ 2ನೇ ಸ್ಥಾನದಲ್ಲಿದೆ. ಜಪಾನ್​- 5 ಟ್ರಿಲಿಯನ್ ಡಾಲರ್​​, ಜರ್ಮನ್​- 4.0 ಟ್ರಿಲಿಯನ್ ಡಾಲರ್​ ಹಾಗೂ ಇಂಗ್ಲೆಂಡ್​- 2.8 ಟ್ರಿಲಿಯನ್ ಡಾಲರ್​ ಜಿಡಿಪಿ ಕ್ರಮವಾಗಿ 3, 4 ಮತ್ತು 5ನೇ ಸ್ಥಾನದಲ್ಲಿವೆ ಎಂದು ವರದಿಯಲ್ಲಿ ಉಲ್ಲೇಖಿಸಿದೆ.ಡಾಲರ್​ ಎದುರು ರೂಪಾಯಿ ಏರಿಳಿತ ಮತ್ತು ಮಂದಗತಿ ಆರ್ಥಿಕ ಬೆಳವಣಿಗೆಯಿಂದ ಜಾಗತಿಕ ಜಿಡಿಪಿ ಶ್ರೇಣಿಯಲ್ಲಿ ಭಾರತ 7ನೇ ಸ್ಥಾನಕ್ಕೆ ಕುಸಿದಿದೆ ಎಂದು ಎಕನಾಮಿಸ್ಟ್​ ಇಂಡಿಯಾ ರೇಟಿಂಗ್ಸ್ ಮತ್ತು ರೀಸರ್ಚ್​ನ ಮುಖ್ಯಸ್ಥ ದೇವೇಂದ್ರ ಪಂತ್​ ವಿಶ್ಲೇಷಿಸಿದ್ದಾರೆ.

ಭಾರತ ಅಭಿವೃದ್ಧಿಶೀಲ ರಾಷ್ಟ್ರವಾಗಿದ್ದು, ಪ್ರಸಕ್ತ ಆರ್ಥಿಕತೆ ವರ್ಷದಲ್ಲಿ (ಮಾರ್ಚ್​ವರೆಗೆ) ಶೇ.7ರಷ್ಟು ಬೆಳವಣಿಗೆ ಹೊಂದುವ ಗುರಿ ಹಾಕಿಕೊಂಡಿದೆ. ಚೀನಾ-ಅಮೆರಿಕ ನಡುವೆ ಟ್ರೇಡ್ ವಾರ್ ಆರಂಭವಾಗಿದ್ದು, ಈ ವಾಣಿಜ್ಯ ಸಮರ ಭಾರತಕ್ಕೆ ಲಾಭ ತಂದುಕೊಡಲಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ.ಪ್ರಧಾನಿ ನರೇಂದ್ರ ಮೋದಿ ಅವರು 2025 ವೇಳೆಗೆ 5ಟ್ರಿಲಿಯನ್​ ಡಾಲರ್ ಆರ್ಥಿಕತೆ ತಲುಪುವ ಗುರಿ ಇರಿಸಿಕೊಂಡಿದ್ದಾಗಿ ಹೇಳಿದ್ದಾರೆ. ಆದರೆ, ಈ ಅಂಕಿ-ಅಂಶ ನೋಡಿದರೆ ಅಂದುಕೊಂಡ ಗುರಿ ತಲುಪಲು ಪ್ರಸ್ತುತ ಆರ್ಥಿಕ ನೀತಿಗಳಲ್ಲಿ ಬದಲಾವಣೆ ತರುವ ಅಗತ್ಯವಿದೆ ಎಂಬುದು ಕಂಡುಬರುತ್ತಿದೆ.

ಅಂಕಿ-ಅಂಶ

ದಲ್ಲಿ ವಿಶ್ವದ ಬಲಾಢ್ಯ ಜಿಡಿಪಿ ರಾಷ್ಟ್ರಗಳು

ಶ್ರೇಣಿ	ದೇಶ	ಜಿಡಿಪಿ (ಶೇ) ಡಾಲರ್​ಗಳಲ್ಲಿ
1	ಅಮೆರಿಕ	20.5
2	ಚೀನಾ	13.6
3	ಜಪಾನ್	5.0
4	ಜರ್ಮನಿ	4.0
5	ಇಂಗ್ಲೆಂಡ್	2.8
6	ಫ್ರಾನ್ಸ್	2.8
7	ಭಾರತ	2.7
8	ಇಟಲಿ	2.1
9	ಬ್ರೆಜಿಲ್	1.9
10	ಕೆನಡಾ	1.7
11	ರಷ್ಯಾ	1.7
12	ದಕ್ಷಿಣ​ ಕೊರಿಯಾ	1.6
13	ಆಸ್ಟ್ರೇಲಿಯಾ	1.4
14	ಸ್ಪೇನ್​	1.4