ಜಗತ್ತು ಗೆಲ್ಲಲು ಧೋನಿಯಂತೆ ಚಾಣಾಕ್ಷತನ ತೋರಿ: ಬ್ಯಾಂಕರ್​ಗಳಿಗೆ​ ಚೀಫ್ ಎಕಾನಮಿಸ್ಟ್ ಸಲಹೆ

ವಿದೇಶಿ ಪಿಚ್​ನಲ್ಲಿ ಹೇಗೆ ಗೆಲ್ಲಬೇಕು ಎಂಬುದನ್ನು ಕ್ರಿಕೆಟಿಗ ಎಂ.ಎಸ್. ಧೋನಿ ಅವರು ದೇಶಕ್ಕೆ ಕಲಿಸಿಕೊಟ್ಟಿದ್ದಾರೆ. ಧೋನಿ ಅವರ ತಂತ್ರಗಾರಿಕೆಯಂತೆ ಭಾರತೀಯ ಬ್ಯಾಂಕಿಂಗ್ ವ್ಯವಸ್ಥೆಯು ಜಾಗತಿಕ ಮಟ್ಟಕ್ಕೆ ಏರುವ ಅಗತ್ಯವಿದೆ ಎಂದು ಮುಖ್ಯ ಆರ್ಥಿಕ ಸಲಹೆಗಾರ ಕೆ ವಿ ಸುಬ್ರಮಣಿಯನ್ ರೂಪಕವಾಗಿ ಬ್ಯಾಂಕ್​ರಗಳಿಗೆ ಹೇಳಿದರು.

ನವದೆಹಲಿ:2024 - 25ರ ವೇಳೆಗೆ ಭಾರತವು 5 ಟ್ರಿಲಿಯನ್ ಡಾಲರ್​ ಆರ್ಥಿಕತೆಯ ಗುರಿ ಸಾಧಿಸಲು ನೆರವಾಗಲು ದೇಶಕ್ಕೆ ಹೆಚ್ಚಿನ ಜಾಗತಿಕ ಗಾತ್ರದ ಬ್ಯಾಂಕ್​ಗಳ ಅಗತ್ಯವಿದೆ ಎಂದು ಮುಖ್ಯ ಆರ್ಥಿಕ ಸಲಹೆಗಾರ ಕೆ ವಿ ಸುಬ್ರಮಣಿಯನ್ ಹೇಳಿದ್ದಾರೆ.

ಟಾಪ್ 100 ಜಾಗತಿಕ ಬ್ಯಾಂಕ್​ಗಳ ಪಟ್ಟಿಯಲ್ಲಿ ಭಾರತದ ಕೇವಲ ಒಂದು ಬ್ಯಾಂಕ್ ಮಾತ್ರವಿದೆ. ಗಾತ್ರದಲ್ಲಿ ಚಿಕ್ಕದಾದ ದೇಶವು ಅಂತಹ ಹೆಚ್ಚಿನ ಬ್ಯಾಂಕುಗಳನ್ನು ಹೊಂದಿದೆ ಎಂಬ ಅಂಶವನ್ನು ಅವರು ತಳ್ಳಿಹಾಕಿದರು. 55ನೇ ಸ್ಥಾನದಲ್ಲಿರುವ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಜಾಗತಿಕ ಟಾಪ್ 100 ಪಟ್ಟಿಯಲ್ಲಿರುವ ಭಾರತದ ಏಕೈಕ ಬ್ಯಾಂಕ್ ಆಗಿದೆ. ಚೀನಾದ 18 ಬ್ಯಾಂಕ್​ಗಳು ಹಾಗೂ ಅಮೆರಿಕದ12 ಬ್ಯಾಂಕ್​ಗಳು ಟಾಪ್​ 100ರಲ್ಲಿವೆ.

ಭಾರತವು ವಿಶ್ವದ ಐದನೇ ಅತಿದೊಡ್ಡ ಆರ್ಥಿಕತೆ ರಾಷ್ಟ್ರವಾಗಿದೆ. ಆದ್ದರಿಂದ, ಭಾರತೀಯ ಬ್ಯಾಂಕಿಂಗ್ ಕ್ಷೇತ್ರವು ತನ್ನ ಆರ್ಥಿಕತೆಯ ಗಾತ್ರದ ಅನುಪಾತದಲ್ಲಿದ್ದರೆ, ಜಾಗತಿಕ ಅಗ್ರ ನೂರರಲ್ಲಿ ಆರು ಬ್ಯಾಂಕ್​ಗಳನ್ನು ಹೊಂದಿರುವ ದಕ್ಷಿಣ ಕೊರಿಯಾ ಇರುವಲ್ಲಿ ಭಾರತ ಇರಬೇಕಿತ್ತು. ಆದರೆ ಇದಕ್ಕೆ ವಿರುದ್ಧವಾಗಿ, ಜಾಗತಿಕ ಅಗ್ರ ನೂರರಲ್ಲಿ ಭಾರತದ ಕೇವಲ ಒಂದು ಬ್ಯಾಂಕ್ ಇದೆ ಎಂದು ಒಪ್ಪಿಕೊಂಡರು.

ಉದಾ: ಭಾರತದ ಗಾತ್ರಕ್ಕಿಂತ ಚಿಕ್ಕದಾದ ದೇಶಗಳಾದ ಫಿನ್​ಲ್ಯಾಂಡ್, ಡೆನ್ಮಾರ್ಕ್, ಬೆಲ್ಜಿಯಂ, ಆಸ್ಟ್ರಿಯಾ, ನಾರ್ವೆ ಜಾಗತಿಕ ಅಗ್ರ ನೂರರಲ್ಲಿ ಒಂದು ಬ್ಯಾಂಕ್ ಹೊಂದಿವೆ ಎಂದು ಬಂಧನ್ ಬ್ಯಾಂಕ್​ನ ಐದನೇ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಉಪನ್ಯಾಸ ನೀಡಿ ಹೇಳಿದರು.

ವಿದೇಶಿ ಪಿಚ್​ನಲ್ಲಿ ಹೇಗೆ ಗೆಲ್ಲಬೇಕು ಎಂಬುದನ್ನು ಕ್ರಿಕೆಟಿಗ ಎಂ.ಎಸ್. ಧೋನಿ ಅವರು ದೇಶಕ್ಕೆ ಕಲಿಸಿಕೊಟ್ಟಿದ್ದಾರೆ. ಧೋನಿ ಅವರ ತಂತ್ರಗಾರಿಕೆಯಂತೆ ಭಾರತೀಯ ಬ್ಯಾಂಕಿಂಗ್ ವ್ಯವಸ್ಥೆಯು ಜಾಗತಿಕ ಮಟ್ಟಕ್ಕೆ ಏರುವ ಅಗತ್ಯವಿದೆ ಎಂದು ಸುಬ್ರಮಣಿಯನ್ ಅವರು ರೂಪಕವಾಗಿ ಹೇಳಿದರು.

ಭಾರತೀಯ ಬ್ಯಾಂಕಿಂಗ್ ವ್ಯವಸ್ಥೆಯು ವಿಶ್ವವನ್ನು ಗೆಲ್ಲುವ ಅಗತ್ಯವಿದೆ. ಇದಕ್ಕಾಗಿ ಮನೆಯ ಹುಲಿಗಳಾಗದೆ ವಿಶ್ವ ಶ್ರೇಯಾಂಕದಲ್ಲಿ ತನ್ನ ಅಸ್ತಿತ್ವ ಹೆಚ್ಚಿಸಿಕೊಳ್ಳಬೇಕು. ಜಾಗತಿಕ ಮಟ್ಟದಲ್ಲಿ ಚೀನಾ ಬ್ಯಾಂಕ್​ಗಳ ಸಂಖ್ಯೆ ಅಗ್ರಸ್ಥಾನದಲ್ಲಿದೆ. ಇದರ ನಂತರ ಅಮೆರಿಕ ಇದೆ ಎಂದು ಹೇಳಿದರು.