ನವದೆಹಲಿ: ಸಣ್ಣ ಉದ್ಯಮಗಳಿಗೆ ಮೇಲಾಧಾರ ರಹಿತ ಸಾಲ ಒದಗಿಸಲು 3 ಲಕ್ಷ ಕೋಟಿ ರೂ. ಸಾಲ ಖಾತರಿ ಯೋಜನೆಯನ್ನು ಅಗತ್ಯ ಬಿದ್ದರೆ ಮತ್ತಷ್ಟು ಬದಲಾವಣೆ ಮಾಡಲು ಸರ್ಕಾರ ಮುಕ್ತವಾಗಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.
ಕೈಗಾರಿಕಾ ಒಕ್ಕೂಟ ಸಿಐಐ ಅನ್ವಯ, ಸಚಿವರು ಇತ್ತೀಚೆಗೆ ಗೌಪ್ಯ ಸಭೆ ನಡೆಸಿ ಈ ಬಗ್ಗೆ ಮಾತನಾಡಿದ್ದಾರೆ ಎಂದು ಹೇಳಿದೆ. 'ಪ್ರವಾಸೋದ್ಯಮ, ರಿಯಲ್ ಎಸ್ಟೇಟ್, ಆತಿಥ್ಯ ಮತ್ತು ವಿಮಾನಯಾನ ಸಂಸ್ಥೆಗಳಂತಹ ಕ್ಷೇತ್ರಗಳ ಮೇಲೆ ಕೋವಿಡ್-19 ಸೋಂಕಿನಿಂದ ಅಸಮರ್ಪಕವಾದ ಪರಿಣಾಮ ಬೀರಿರುವುದರಿಂದ ದೇಶಿಯ ಆದಾಯದ ಉತ್ಪಾದನೆ ಕಳವಳಕಾರಿಯಾಗಿದೆ' ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ರಚನಾತ್ಮಕ ಸುಧಾರಣೆಯು ಸರ್ಕಾರದ ಪ್ರಮುಖ ಆದ್ಯತೆಯಾಗಿದೆ. ಬ್ಯಾಂಕ್ಗಳು ಸೇರಿದಂತೆ ಕ್ಯಾಬಿನೆಟ್-ತೆರವುಗೊಳಿಸಿದ ಹೂಡಿಕೆ ಪ್ರಸ್ತಾಪಗಳ ಮೇಲೆ ತ್ವರಿತ ಕ್ರಮ ತೆಗೆದುಕೊಳ್ಳಲಿದೆ. 3 ಲಕ್ಷ ಕೋಟಿ ರೂ. ಯೋಜನೆಯ ವೃತ್ತಿಪರತೆಗೆ ಈಗಲೂ ಮುಕ್ತವಾಗಿದ್ದೇವೆ. ಹೆಚ್ಚಿನ ಬದಲಾವಣೆಗಳು ಅಗತ್ಯವಿದ್ದರೆ ಸರ್ಕಾರ ಅದಕ್ಕೆ ಮುಕ್ತವಾಗಿದೆ ಸಿಐಐಗೆ ಸೀತಾರಾಮನ್ ಭರವಸೆ ನೀಡಿದ್ದಾರೆ.
ತಿಂಗಳ ಆರಂಭದಲ್ಲಿ ಸರ್ಕಾರವು 3 ಲಕ್ಷ ಕೋಟಿ ರೂ. ಸಾಲ ಖಾತರಿ ಯೋಜನೆಯ ವ್ಯಾಪ್ತಿಯನ್ನು 50 ಕೋಟಿ ರೂ. ಬಾಕಿ ಸಾಲಗಳ ಮೇಲೆಯೂ ದ್ವಿಗುಣಗೊಳಿಸಿತು. ಈ ಮೂಲಕ ಎಂಎಸ್ಎಂಇ ಹೊರತುಪಡಿಸಿ ವ್ಯಾಪಾರ ಉದ್ದೇಶಗಳಿಗೆ ವೈದ್ಯರು, ವಕೀಲರು ಮತ್ತು ಚಾರ್ಟರ್ಡ್ ಅಕೌಂಟೆಂಟ್‌ಗಳಂತಹ ವೃತ್ತಿಪರರಿಗೆ ವೈಯಕ್ತಿಕ ಸಾಲದ ವ್ಯಾಪ್ತಿ ವಿಸ್ತರಿಸಿತ್ತು.
ಆಗಸ್ಟ್ 20ರವರೆಗೆ ಬ್ಯಾಂಕ್ಗಳು 3 ಲಕ್ಷ ಕೋಟಿ ರೂ. ತುರ್ತು ಕ್ರೆಡಿಟ್ ಲೈನ್ ಗ್ಯಾರಂಟಿ ಸ್ಕೀಮ್ (ಇಸಿಎಲ್ಜಿಎಸ್) ಅಡಿಯಲ್ಲಿ 1 ಲಕ್ಷ ಕೋಟಿ ರೂ.ಗಿಂತ ಹೆಚ್ಚಿನ ಸಾಲ ವಿತರಿಸಿವೆ. ಇದನ್ನು ಆತ್ಮನಿರ್ಭಾರ ಭಾರತ ಪ್ಯಾಕೇಜ್ನ ಭಾಗವಾಗಿ ಘೋಷಿಸಲಾಗಿದೆ.
ಸರ್ಕಾರವು ಕಾಳಜಿಗಳನ್ನು ಅರ್ಥಮಾಡಿಕೊಂಡು ಉದ್ಯಮದ ಬೇಡಿಕೆಗಳಿಗೆ ಸ್ಪಂದಿಸಲಿದೆ. ರಚನಾತ್ಮಕ ಸುಧಾರಣೆಗಳು ಸರ್ಕಾರದ ಪ್ರಮುಖ ಆದ್ಯತೆಯಾಗಿದ್ದು, ಕೋವಿಡ್-19 ಸವಾಲು ಎದುರಿಸಲು ಸರ್ಕಾರದ ಪ್ರಕಟಿಸಿದ್ದ ಪ್ರಕಟಣೆಗಳು ಪ್ರತಿಫಲಿಸುತ್ತಿವೆ ಎಂದು ಸೀತಾರಾಮನ್ ಹೇಳಿದರು.
ಪ್ರವಾಸೋದ್ಯಮ, ರಿಯಲ್ ಎಸ್ಟೇಟ್, ಆತಿಥ್ಯ, ವಿಮಾನಯಾನ ಸಂಸ್ಥೆಗಳಂತಹ ಕೆಲವು ಕ್ಷೇತ್ರಗಳ ಮೇಲೆ ಅಸಮರ್ಪಕ ಪರಿಣಾಮ ಬೀರಿವೆ. ದೇಶಿಯ ಆದಾಯದ ಉತ್ಪಾದನೆಯು ಕಳವಳಕಾರಿಯಾಗಿದೆ. ಬ್ಯಾಂಕ್ಗಳಿಗೆ ಸಮರ್ಪಕ ಬೆಂಬಲ ಖಾತ್ರಿಪಡಿಸಿಕೊಳ್ಳಲು ಸರ್ಕಾರ ಭಾರತೀಯ ರಿಸರ್ವ್ ಬ್ಯಾಂಕ್‌ನೊಂದಿಗೆ ಕೆಲಸ ಮಾಡುತ್ತಿದೆ ಎಂದು ತಿಳಿಸಿದರು.
