ರಫ್ತು ವಹಿವಾಟು ಏರಿಕೆ... ವ್ಯಾಪಾರ ಕೊರತೆ ಅಂತರ ಇಳಿಕೆ

ರಸಾಯನಿಕ, ಕಬ್ಬಿಣ ಮತ್ತು ಔಷಧ ವಲಯಗಳು ಸಕಾರಾತ್ಮಕ ಪ್ರಗತಿ ಕಂಡಿವೆ. ಇನ್ನೊಂದು ಕಡೆ ಹರಳು, ಚಿನ್ನಾಭರಣ, ಎಂಜಿನಿಯರಿಂಗ್‌, ಪೆಟ್ರೋಲಿಯಂ ಉತ್ಪನ್ನಗಳು ನಕಾರಾತ್ಮಕ ಪ್ರಗತಿ ದಾಖಲಿಸಿವೆ.

ನವದೆಹಲಿ: ದೇಶದ ರಫ್ತು ವಹಿವಾಟು ಜುಲೈನಲ್ಲಿ ಶೇ 2.25ರಷ್ಟು ಹೆಚ್ಚಾಗಿ ₹ 1.86 ಲಕ್ಷ ಕೋಟಿಗೆ ಏರಿಕೆಯಾಗಿದೆ ಎಂದು ಸರ್ಕಾರ ತಿಳಿಸಿದೆ.

ರಸಾಯನಿಕ, ಕಬ್ಬಿಣ ಮತ್ತು ಔಷಧ ವಲಯಗಳು ಸಕಾರಾತ್ಮಕ ಪ್ರಗತಿ ಕಂಡಿವೆ. ಇನ್ನೊಂದು ಕಡೆ ಹರಳು, ಚಿನ್ನಾಭರಣ, ಎಂಜಿನಿಯರಿಂಗ್‌, ಪೆಟ್ರೋಲಿಯಂ ಉತ್ಪನ್ನಗಳು ನಕಾರಾತ್ಮಕ ಪ್ರಗತಿ ದಾಖಲಿಸಿವೆ.

ಆಮದು ಪ್ರಮಾಣ ಶೇ. 10.43ರಷ್ಟು ಏರಿಕೆಯಾಗಿ ₹ 2.84 ಲಕ್ಷ ಕೋಟಿಗೆ ತಲುಪಿದೆ. ಇದರಿಂದ ದೇಶಿಯ ವ್ಯಾಪಾರ ಕೊರತೆಯ ಅಂತರವು ನಾಲ್ಕು ತಿಂಗಳ ಕನಿಷ್ಠ ಮಟ್ಟವಾದ ₹ 1.34 ಲಕ್ಷ ಕೋಟಿಯಿಂದ ₹ 92,300 ಕೋಟಿಗೆ ಇಳಿಕೆ ಕಂಡಿದೆ.

ತೈಲ ಆಮದು ಶೇ. 22.15ರಿಂದ 9.6 ಬಿಲಿಯನ್​ ಡಾಲರ್​ಗೆ, ತೈಲಯೇತರ ಆಮದು ಶೇ. 5.92 ರಿಂದ 30.16 ಬಿಲಿಯನ್​ ಡಾಲರ್​ಗೆ ಮತ್ತು ಚಿನ್ನದ ಆಮದು ಶೇ. 42.2ರಿಂದ 1. 71 ಬಿಲಿಯನ್​ ಡಾಲರ್​ಗೆ ಕಡಿಮೆಯಾಗಿದೆ.