ರಾಜ್ಯಗಳ ಪರವಾಗಿ ₹ 1.1 ಲಕ್ಷ ಕೋಟಿ ಸಾಲ ಎತ್ತಲಿರುವ ಕೇಂದ್ರ: ಬಡ್ಡಿ ಕಟ್ಟುವವರು ಯಾರು?

ಈಗ ಉಂಟಾಗಿರುವ ಕೊರತೆ ನೀಗಿಸಲು, ಮಾರುಕಟ್ಟೆಯಿಂದ ಸಾಲ ಪಡೆಯುವುದನ್ನು ಪ್ರಸ್ತಾಪಿಸಲಾಯಿತು. ಕೊರತೆ ನೀಗಿಸಲು ರಾಜ್ಯಗಳಿಗೆ ತಮ್ಮ ಅಸ್ತಿತ್ವದಲ್ಲಿರುವ ಮಿತಿಗಿಂತ 1.1 ಲಕ್ಷ ಕೋಟಿ ರೂ. ಎರವಲು ಪಡೆಯಲು ವಿಶೇಷ ಏಕಗವಾಕ್ಷಿ ನೀಡಲಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.

ನವದೆಹಲಿ: ಜಿಎಸ್‌ಟಿ ಸಂಗ್ರಹದ ಕೊರತೆ ನೀಗಿಸಲು ಕೇಂದ್ರ ಸರ್ಕಾರವು ರಾಜ್ಯಗಳ ಪರವಾಗಿ 1.1 ಲಕ್ಷ ಕೋಟಿ ರೂ.ವರೆಗೆ ಸಾಲ ಎತ್ತಲಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಕಳೆದ ಹಣಕಾಸು ವರ್ಷದಿಂದ ಆರ್ಥಿಕತೆ ಕುಸಿತವು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಸಂಗ್ರಹಗಳಲ್ಲಿ ಇಳಿಕೆಗೆ ಕಾರಣವಾಗಿದೆ. 2017ರ ಜುಲೈನಲ್ಲಿ ಜಿಎಸ್​​ಟಿ ಪರಿಚಯಿಸಿದಾಗ ಸ್ಥಳೀಯ ತೆರಿಗೆಗಳಾದ ಮಾರಾಟ ತೆರಿಗೆ ಅಥವಾ ವ್ಯಾಟ್ ವಿಧಿಸುವ ಹಕ್ಕನ್ನು ಬಿಟ್ಟುಕೊಟ್ಟ ರಾಜ್ಯಗಳಿಗೆ ಪರಿಹಾರ ನೀಡಬೇಕಿದೆ.

ಈಗ ಉಂಟಾಗಿರುವ ಕೊರತೆ ನೀಗಿಸಲು, ಮಾರುಕಟ್ಟೆಯಿಂದ ಸಾಲ ಪಡೆಯುವುದನ್ನು ಪ್ರಸ್ತಾಪಿಸಲಾಯಿತು. ಕೊರತೆ ನೀಗಿಸಲು ರಾಜ್ಯಗಳಿಗೆ ತಮ್ಮ ಅಸ್ತಿತ್ವದಲ್ಲಿರುವ ಮಿತಿಗಿಂತ 1.1 ಲಕ್ಷ ಕೋಟಿ ರೂ. ಎರವಲು ಪಡೆಯಲು ವಿಶೇಷ ಏಕಗವಾಕ್ಷಿ ನೀಡಲಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ.

ವಿಶೇಷ ವಿಂಡೋ ಅಡಿ ಅಂದಾಜು ಕೊರತೆ ತುಂಬಲು 1.1 ಲಕ್ಷ ಕೋಟಿ ರೂ. (ಎಲ್ಲಾ ರಾಜ್ಯಗಳು ಸೇರಿ) ಕೇಂದ್ರ ಸರ್ಕಾರವು ಸಾಲ ಪಡೆಯುತ್ತದೆ. ಜಿಎಸ್​ಟಿ ಪರಿಹಾರ ಸೆಸ್ ಬಿಡುಗಡೆಗಳಿಗೆ ಬದಲಾಗಿ ಎರವಲು ಪಡೆದ ಮೊತ್ತವನ್ನು ಸಾಲವಾಗಿ ರಾಜ್ಯಗಳಿಗೆ ರವಾನಿಸಲಾಗುತ್ತದೆ ಎಂದು ತಿಳಿಸಿದೆ. ಆದರೆ, ಬಡ್ಡಿ ಮತ್ತು ಪ್ರಧಾನ ಪಾವತಿ ಯಾರು ಪೂರೈಸುತ್ತಾರೆ ಎಂಬುದನ್ನು ತಿಳಿಸಿಲ್ಲ.

ರಾಜ್ಯಗಳ ಪರವಾಗಿ ಕೇಂದ್ರ ಸಾಲ ಪಡೆಯುವುದರಿಂದ ಒಂದೇ ದರದಲ್ಲಿ ಸಾಲ ವಿಧಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳುವ ಸಾಧ್ಯತೆಯಿದೆ. ಇದರಿಂದ ಆಡಳಿತ ನಡೆಸಲು ಸಹ ಸುಲಭವಾಗುತ್ತದೆ. ಸಾಲ ಪಡೆಯುವುದರಿಂದ ಕೇಂದ್ರ ಸರ್ಕಾರದ ಹಣಕಾಸಿನ ಕೊರತೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಸ್ಪಷ್ಟನೆ ನೀಡಿದೆ.

ಈ ಮೊತ್ತವನ್ನು ರಾಜ್ಯ ಸರ್ಕಾರಗಳ ಬಂಡವಾಳ ಸ್ವೀಕೃತಿಯಾಗಿ ಮತ್ತು ಆಯಾ ಹಣಕಾಸಿನ ಕೊರತೆಗಳ ಹಣಕಾಸಿನ ಭಾಗವಾಗಿದೆ ಎಂದು ಹೇಳಿದೆ.

ಕೇಂದ್ರವೇ ಕೊರತೆಯ ಮೊತ್ತ ಎರವಲು ಪಡೆಯುವುದರಿಂದ ಪ್ರತ್ಯೇಕವಾಗಿ ರಾಜ್ಯಗಳಿಗೆ ವಿಧಿಸಬಹುದಾದ ಬಡ್ಡಿದರಗಳು ತಪ್ಪಿಸುತ್ತದೆ. ಇದು ಆಡಳಿತಾತ್ಮಕವಾಗಿ ಸುಲಭವಾದ ವ್ಯವಸ್ಥೆಯಾಗಿದೆ ಎಂದಿದೆ.

ಈ ಹಂತದ ಮೂಲಕ ಸಾಮಾನ್ಯ ಸರ್ಕಾರ (ರಾಜ್ಯ+ಕೇಂದ್ರ) ಸಾಲಗಳು ಹೆಚ್ಚಾಗುವುದಿಲ್ಲ. ವಿಶೇಷ ಏಕಗವಾಕ್ಷಿ ಲಾಭ ಪಡೆಯುವ ರಾಜ್ಯಗಳು ಆತ್ಮನಿರ್ಭರ ಪ್ಯಾಕೇಜ್ ಅಡಿ ಜಿಎಸ್​​ಡಿಪಿಯ 2 ಪ್ರತಿಶತದಷ್ಟು (ಶೇ 3ರಿಂದ 5ವರೆಗೆ) ಹೆಚ್ಚುವರಿ ಸಾಲ ಸೌಲಭ್ಯದ ಕಡಿಮೆ ಮೊತ್ತ ಎರವಲು ಪಡೆಯುವ ಸಾಧ್ಯತೆಯಿದೆ.