ಶ್ಯೂರಿಟಿ ಇಲ್ಲದೆ 75 ಲಕ್ಷ ರೂ. ತನಕ ಕ್ರೆಡಿಟ್​: ಸಾಲ ಪಡೆಯಲು ಅರ್ಹತೆ ಘೋಷಿಸಿದ ಕೇಂದ್ರ!

ಆತ್ಮನಿರ್ಭರ ಭಾರತ ಆರ್ಥಿಕ ಪ್ಯಾಕೇಜ್ ಅಡಿಯಲ್ಲಿ ಘೋಷಿಸಲಾದ ಅಧೀನ ಸಾಲ ಖಾತರಿ ಯೋಜನೆಗೆ ಬುಧವಾರ ಎಂಎಸ್‌ಎಂಇಗಳ ಸಚಿವಾಲಯ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಟ್ವಿಟ್ಟರ್​​ನಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, ಎಲ್ಲಾ ಸಾರ್ವಜನಿಕ ವಲಯದ ಬ್ಯಾಂಕ್​ಗಳು ಮತ್ತು ಕೆಲವು ಖಾಸಗಿ ಬ್ಯಾಂಕ್​ಗಳಿಗೆ ಇದು ಅನ್ವಯಿಸಲಿದೆ ಎಂದು ಸಚಿವಾಲಯ ಹೇಳಿದೆ.

ನವದೆಹಲಿ:ಕೇಂದ್ರ ಸರ್ಕಾರವು ಆರ್ಥಿಕ ಉತ್ತೇಜನಾ ಕೊಡುಗೆಗಳ ಭಾಗವಾಗಿ, ಕಿರು, ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳಿಗೆ (ಎಂಎಸ್‌ಎಂಇ) 20,000 ಕೋಟಿ ರೂ. ಅಧೀನ ಸಾಲ ಖಾತರಿ ಯೋಜನೆಯನ್ನು ಪ್ರಾರಂಭಿಸಿದೆ.

ಆತ್ಮನಿರ್ಭರ ಭಾರತ ಆರ್ಥಿಕ ಪ್ಯಾಕೇಜ್ ಅಡಿಯಲ್ಲಿ ಘೋಷಿಸಲಾದ ಈ ಯೋಜನೆಗೆ ಬುಧವಾರ ಎಂಎಸ್‌ಎಂಇಗಳ ಸಚಿವಾಲಯ ಮಾರ್ಗಸೂಚಿಗಳನ್ನು ಹೊರಡಿಸಿದೆ. ಟ್ವಿಟ್ಟರ್​​ನಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, ಎಲ್ಲಾ ಸಾರ್ವಜನಿಕ ವಲಯದ ಬ್ಯಾಂಕ್​ಗಳು ಮತ್ತು ಕೆಲವು ಖಾಸಗಿ ಬ್ಯಾಂಕ್​ಗಳು ಮಂಡಳಿಯಲ್ಲಿವೆ ಎಂದು ಸಚಿವಾಲಯ ಹೇಳಿದೆ.

ತೀವ್ರ ಆರ್ಥಿಕ ಒತ್ತಡಕ್ಕೊಳಗಾದ ಎಂಎಸ್‌ಎಂಇಗಳಿಗೆ ಸರ್ಕಾರ ಮತ್ತೊಂದು ಸೌಲಭ್ಯ ನೀಡಿದೆ. ಉಪ ಸಾಲ ಯೋಜನೆ ಪ್ರಾರಂಭಿಸಲಾಗಿದೆ. ಅಗತ್ಯವಾದ ಎಲ್ಲಾ ತಯಾರಿಗಳನ್ನು ಮಾಡಲಾಗುತ್ತದೆ. ಎಲ್ಲಾ ಪಿಎಸ್‌ಯು ಬ್ಯಾಂಕ್​ಗಳು ಮತ್ತು ಕೆಲವು ಪ್ರೈವೇಟ್ ಬ್ಯಾಂಕ್​ಗಳು ಮಂಡಳಿಯಲ್ಲಿವೆ ಎಂದು ಹೇಳಿದೆ.

ಸಿಜಿಎಸ್‌ಎಸ್‌ಡಿ ಅಡಿಯಲ್ಲಿ ಮಂಜೂರಾದ ಎಲ್ಲಾ ಸಾಲ ಸೌಲಭ್ಯಗಳಿಗೆ ಗ್ಯಾರಂಟಿ ಲಭ್ಯತೆ ದಿನಾಂಕದಿಂದ ಅಥವಾ 2021ರ ಮಾರ್ಚ್ 31ರಿಂದ ಗರಿಷ್ಠ 10 ವರ್ಷಗಳವರೆಗೆ ಈ ಯೋಜನೆ ಅನ್ವಯಿಸುತ್ತದೆ. ಇದಕ್ಕಾಗಿ 20,000 ಕೋಟಿ ರೂ. ಅಧೀನ ಖಾತರಿ ಮೊತ್ತ ಅನುಮೋದಿಸಲಾಗಿದೆ.

ಮಾರ್ಗಸೂಚಿಗಳ ಪ್ರಕಾರ, 2018ರ ಮಾರ್ಚ್ 31 ವೇಳೆಗೆ ಪ್ರಮಾಣಿತವಾದ ಮತ್ತು ನಿಯಮಿತವಾಗಿ ಕಾರ್ಯಾಚರಣೆಯಲ್ಲಿ ಇರುವ ಎಂಎಸ್ಎಂಇಗಳಿಗೆ ಹಾಗೂ 2018-19ರ ಮತ್ತು 2019 ಹಣಕಾಸು ವರ್ಷದಲ್ಲಿ ಎನ್‌ಪಿಎ ಖಾತೆಗಳು ಈ ಯೋಜನೆಗೆ ಅನ್ವಯಿಸುತ್ತವೆ.

ಆರ್‌ಬಿಐ ಮಾರ್ಗಸೂಚಿಗಳ ಅನ್ವಯ, ಸಾಲ ಪುನರ್ರಚನೆಗೆ ಅರ್ಹರಾಗಿರುವ ಎಸ್‌ಎಂಎ -2 ಮತ್ತು ಎನ್‌ಪಿಎ ಖಾತೆಗಳಡಿ 2020ರ ಏಪ್ರಿಲ್ 30ರ ವೇಳೆಗೆ ಒತ್ತಡಕ್ಕೊಳಗಾದ ಎಂಎಸ್‌ಎಂಇ ಘಟಕಗಳಿಗೆ ಸಾಲ ಸೌಲಭ್ಯ ಸಿಗಲಿದೆ.

ಎಂಎಸ್‌ಎಂಇ ಘಟಕದ ಪ್ರವರ್ತಕರಿಗೆ ಅವನ/ಅವಳ ಪಾಲಿನ 15 ಪ್ರತಿಶತದಷ್ಟು (ಈಕ್ವಿಟಿ ಜೊತೆಗೆ ಸಾಲ) ಅಥವಾ 75 ಲಕ್ಷ ರೂ.ಗಳಲ್ಲಿ ಯಾವುದು ಕಡಿಮೆಯೋ ಅದಕ್ಕೆ ಸಾಲ ನೀಡಲಾಗುವುದು ಎಂದು ಮಾರ್ಗಸೂಚಿ ತಿಳಿಸಿದೆ.

ಯೋಜನೆಯ ಅಡಿಯಲ್ಲಿ ಯಾವುದೇ ವಿಧದ ಶ್ಯೂರಿಟಿ ಅನ್ನು ಅನುಮೋದಿಸಲಾಗುತ್ತದೆ. ಟ್ರಸ್ಟ್‌ನಿಂದ ಮಂಜೂರಾದ ಅಸ್ತಿತ್ವದಲ್ಲಿರುವ ಸಾಲ / ಗ್ಯಾರಂಟಿಗಿಂತ ಹೆಚ್ಚಿನದಾಗಿರಬೇಕು. ಈ ಖಾತೆಗಳ ಎನ್‌ಪಿಎ ವರ್ಗೀಕರಣವು ಅಸ್ತಿತ್ವದಲ್ಲಿರುವ ಆದಾಯ ಗುರುತಿಸುವಿಕೆ ಮತ್ತು ಆಸ್ತಿ ವರ್ಗೀಕರಣ (ಐಆರ್‌ಎಸಿ) ಮಾನದಂಡಗಳ ಪ್ರಕಾರ ಇರಬೇಕೆಂಬ ನಿಯಮವಿದೆ.