ರಾಜ್ಯಗಳಿಗೆ ₹ 1.65 ಲಕ್ಷ ಕೋಟಿ GST ಬಾಕಿ ಪಾವತಿ: ಹಣಕಾಸು ಕಾರ್ಯದರ್ಶಿ

ಮಾರ್ಚ್‌ನಲ್ಲಿನ 13,806 ಕೋಟಿ ರೂ. ಸೇರಿದಂತೆ 2019-20ನೇ ಸಾಲಿನ ರಾಜ್ಯಗಳಿಗೆ ಜಿಎಸ್‌ಟಿ ಪರಿಹಾರವಾಗಿ ಕೇಂದ್ರ ಸರ್ಕಾರ 1.65 ಲಕ್ಷ ಕೋಟಿ ರೂ. ನೀಡಿದೆ. 2019-20ನೇ ಸಾಲಿನ ಒಟ್ಟು ಪರಿಹಾರದ ಮೊತ್ತ 1.65 ಲಕ್ಷ ಕೋಟಿ ರೂ. ಆಗಿದೆ. ಆದರೆ ಸಂಗ್ರಹಿಸಿದ ಸೆಸ್ ಮೊತ್ತ 95,444 ಕೋಟಿ ರೂ. ಇದೆ ಎಂದು ಹಣಕಾಸು ಕಾರ್ಯದರ್ಶಿ ಅಜಯ್ ಭೂಷಣ್ ಪಾಂಡೆ ಮಾಹಿತಿ ನೀಡಿದರು.

ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್​ಟಿ) ಮಂಡಳಿಯ 41ನೇ ಸಭೆಯು ವಿಡಿಯೋ ಕಾನ್ಫರೆನ್ಸ್ ಮೂಲಕ ನಡೆಯಿತು.

ಕೇಂದ್ರದ ಬಿಡುಗಡೆಯ ವಿಳಂಬದಿಂದ ಕೊರೊನಾ ಪೀಡಿತ ರಾಜ್ಯಗಳಿಗೆ ಜಿಎಸ್​ಟಿ ಪರಿಹಾರದ ಏಕಮುಖ ಕಾರ್ಯಸೂಚಿ ಬಗ್ಗೆ ಚರ್ಚಿಸಲಾಯಿತು. ಸಭೆಯ ಬಳಿಕ ಮಾತನಾಡಿದ ಹಣಕಾಸು ಕಾರ್ಯದರ್ಶಿ ಅಜಯ್ ಭೂಷಣ್ ಪಾಂಡೆ, ಕೋವಿಡ್​-19 ಸಾಂಕ್ರಾಮಿಕ ರೋಗದಿಂದಾಗಿ ಈ ವರ್ಷ ಜಿಎಸ್​​ಟಿ ಸಂಗ್ರಹದ ಮೇಲೆ ತೀವ್ರವಾದ ಪರಿಣಾಮ ಬೀರಿದೆ. ಜಿಎಸ್​​ಟಿ ಪರಿಹಾರ ಕಾನೂನಿನ ಪ್ರಕಾರ, ರಾಜ್ಯಗಳಿಗೆ ಬಾಕಿ ಪರಿಹಾರ ನೀಡಬೇಕಾಗಿದೆ ಎಂದರು.

ಮಾರ್ಚ್‌ನಲ್ಲಿನ 13,806 ಕೋಟಿ ರೂ. ಸೇರಿದಂತೆ 2019-20ನೇ ಸಾಲಿನ ರಾಜ್ಯಗಳಿಗೆ ಜಿಎಸ್‌ಟಿ ಪರಿಹಾರವಾಗಿ ಕೇಂದ್ರ ಸರ್ಕಾರ 1.65 ಲಕ್ಷ ಕೋಟಿ ರೂ. ನೀಡಿದೆ. 2019-20ನೇ ಸಾಲಿನ ಒಟ್ಟು ಪರಿಹಾರದ ಮೊತ್ತ 1.65 ಲಕ್ಷ ಕೋಟಿ ರೂ. ಆಗಿದೆ. ಆದರೆ ಸಂಗ್ರಹಿಸಿದ ಸೆಸ್ ಮೊತ್ತ 95,444 ಕೋಟಿ ರೂ. ಇದೆ ಎಂದು ಮಾಹಿತಿ ನೀಡಿದರು.

ಸಂರಕ್ಷಿತ ಆದಾಯವನ್ನು ರಕ್ಷಿಸಬೇಕಾದ ಅಗತ್ಯವಿದೆ. ಆದರೆ ಸೆಸ್ ಫಂಡ್‌ನಿಂದ ಪರಿಹಾರದ ಅಂತರವನ್ನು ಪೂರೈಸಬೇಕಾಗಿದೆ. ಇದಕ್ಕೆ ಪ್ರತಿಯಾಗಿ ಸೆಸ್ ವಿಧಿಸುವುದರಿಂದ ಹಣವನ್ನು ಪಡೆಯಬೇಕಾಗುತ್ತದೆ ಎಂದು ಭಾರತದ ಅಟಾರ್ನಿ ಜನರಲ್ ಹೇಳಿದ್ದಾರೆ ಎಂದು ವಿವರಿಸಿದರು.

ಮಾರ್ಚ್​ನಲ್ಲಿ ನಡೆದ ಜಿಎಸ್​ಟಿ ಮಂಡಳಿ ಸಭೆಯಲ್ಲಿ ಹಣಕಾಸು ಸಚಿವರು ಪ್ರಸ್ತಾಪಿಸಿದಂತೆ, ಈ ವಿಷಯದ ಬಗ್ಗೆ ಕಾನೂನು ಅಭಿಪ್ರಾಯಗಳನ್ನು ಅಟಾರ್ನಿ ಜನರಲ್ ಅವರಿಂದ ಕೋರಲಾಯಿತು. ಅವರು 2017ರ ಜುಲೈನಿಂದ 2022ರ ಜೂನ್​ ರವರೆಗೆ ಪರಿವರ್ತನೆಯ ಅವಧಿಗೆ ಜಿಎಸ್​ಟಿ ಪರಿಹಾರವನ್ನು ಪಾವತಿಸಬೇಕಾಗಿದೆ ಎಂದು ಸೂಚಿಸಿದ್ದಾರೆ ಎಂದರು.

ಈ ವರ್ಷ ಉದ್ಭವಿಸಿರುವ ಪರಿಹಾರದ ಅಂತರಕ್ಕೆ (2.35 ಲಕ್ಷ ಕೋಟಿ ರೂ. ಎಂದು ನಿರೀಕ್ಷಿಸಲಾಗಿದೆ) ಕೋವಿಡ್​-19 ಸಹ ಕಾರಣವಾಗಿದೆ. ಜಿಎಸ್‌ಟಿ ಜಾರಿಯಿಂದಾಗಿ ಪರಿಹಾರದ ಕೊರತೆಯು 97,000 ಕೋಟಿ ರೂ.ಯಷ್ಟಿದೆ ಎಂದು ಪಾಂಡೆ ಹೇಳಿದರು.