ಖಾತೆಗೆ ಹಣ ಜಮಾ ಮಾಡಲು ಗ್ರಾಹಕರ ಹಿಂದೇಟು: ಜನರನ್ನು ಆಕರ್ಷಿಸುತ್ತಿವೆ ಸಣ್ಣ ಬ್ಯಾಂಕ್​ಗಳು!

ಹಣದುಬ್ಬರದಿಂದಾಗಿ ಹಲವು ಬ್ಯಾಂಕ್‌ಗಳು ಬಡ್ಡಿದರ ಕಡಿತಗೊಳಿಸಿವೆ. ಇದರಿಂದ ಬ್ಯಾಂಕ್‌ಗಳಲ್ಲಿ ಉಳಿತಾಯ ಖಾತೆಗೆ ಹಣ ಜಮಾ ಮಾಡಲು ಜನರು ಹಿಂದೇಟು ಹಾಕುತ್ತಿದ್ದಾರೆ. ಇದನ್ನೇ ಲಾಭ ಮಾಡಿಕೊಂಡ ಕೆಲವು ಸಣ್ಣ ಬ್ಯಾಂಕ್‌ಗಳು ಹೆಚ್ಚಿನ ಬಡ್ಡಿ ದರ ನೀಡಿ ಜನರನ್ನು ಆಕರ್ಷಿಸುತ್ತಿವೆ.

ಹೈದರಾಬಾದ್:ಹಣದುಬ್ಬರ ಏರಿಕೆಯಿಂದಾಗಿ ಬ್ಯಾಂಕ್ ಬಡ್ಡಿ ದರಗಳು ಕೆಲ ದಿನಗಳಿಂದ ಇಳಿಕೆಯಾಗುತ್ತಲೇ ಸಾಗುತ್ತಿವೆ. ಪರಿಣಾಮ, ಬ್ಯಾಂಕ್‌ಗಳು ಉಳಿತಾಯ ಖಾತೆಯ ಮೇಲಿನ ಬಡ್ಡಿದರವನ್ನು ಶೇ. 3 ರಿಂದ 3.5 ರವರೆಗೆ ಒದಗಿಸುತ್ತಿವೆ. ಅದೇ ರೀತಿ, ಸ್ಥಿರ ಠೇವಣಿಗಳ ಮೇಲಿನ ಆದಾಯವು ಶೇ. 5.5 ರಷ್ಟು ಮೀರುವುದಿಲ್ಲ. ಇದರಿಂದಾಗಿ ಜನರು ಉಳಿತಾಯ ಖಾತೆಗೆ ಹಣ ಹಾಕಲು ಇಷ್ಟಪಡುತ್ತಿಲ್ಲ.

ಕೊರೊನಾ ನಂತರ ಅನೇಕ ಯುವಕರು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಆಸಕ್ತಿ ತೋರಿಸುತ್ತಿದ್ದಾರೆ. ಇದರ ಜೊತೆಗೆ, ಕ್ರಿಪ್ಟೋಕರೆನ್ಸಿಗಳು ಹೆಚ್ಚು ಹೆಚ್ಚು ಜನಪ್ರಿಯವಾಗುತ್ತಿವೆ. ಅಲ್ಪಾವಧಿಯಲ್ಲಿ ಕಂಡು ಬರುವ ಹೆಚ್ಚಿನ ಆದಾಯ ಇದಕ್ಕೆ ಕಾರಣ. ನೀವು ಅನೇಕ ಹೂಡಿಕೆಗಳನ್ನು ಹೊಂದಿದ್ದರೂ ಉಳಿತಾಯ ಖಾತೆಯ ಅವಶ್ಯಕತೆಯಿದೆ.

ಓದಿ:ಉಕ್ರೇನ್​​ನಲ್ಲಿ ರಷ್ಯಾ ಪತ್ರಕರ್ತೆ ಶೆಲ್​​ ದಾಳಿಗೆ ಬಲಿ..ಈ ಜರ್ನಲಿಸ್ಟ್​ ಹಿನ್ನೆಲೆ ಏನು ಎಂದರೆ?

ಹೆಚ್ಚಿನ ಬಡ್ಡಿ ದರ ನೀಡುವ ಬ್ಯಾಂಕುಗಳು:ಈಗ ಕೆಲವು ಬ್ಯಾಂಕ್‌ಗಳು ಉಳಿತಾಯ ಖಾತೆಗೆ ಉತ್ತಮ ಬಡ್ಡಿದರಗಳನ್ನು ನೀಡುತ್ತಿವೆ. AU ಸ್ಮಾಲ್ ಫೈನಾನ್ಸ್ ಬ್ಯಾಂಕ್ 2,000 ರಿಂದ 5,000 ರೂ.ವರೆಗಿನ ಮಾಸಿಕ ನಗದು ಬ್ಯಾಲೆನ್ಸ್ ಹೊಂದಿರುವ ಉಳಿತಾಯ ಖಾತೆಗಳ ಮೇಲೆ ಶೇ.7ರಷ್ಟು ವಾರ್ಷಿಕ ಬಡ್ಡಿ ದರ ನೀಡುತ್ತಿದೆ. ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನಲ್ಲಿ 5 ಲಕ್ಷದಿಂದ 50 ಲಕ್ಷ ರೂ.ವರೆಗೆ ಠೇವಣಿ ಇಟ್ಟರೆ ಅದು ಸಹ ಶೇ.7ರ ಬಡ್ಡಿ ನೀಡುತ್ತಿದೆ.

ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಉಳಿತಾಯ ಖಾತೆಗೆ ಶೇ.7 ಬಡ್ಡಿಯನ್ನು ನೀಡುತ್ತಿದೆ. ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ತನ್ನ ಉಳಿತಾಯ ಖಾತೆಯ ಗ್ರಾಹಕರಿಗೆ ಶೇಕಡಾ 6.25 ರಷ್ಟು ಬಡ್ಡಿ ನೀಡುತ್ತಿದೆ. ಗ್ರಾಹಕರು ಸರಾಸರಿ 2,000 ರೂ.ಗಿಂತ ಕಡಿಮೆಯಿಲ್ಲದ ಮಾಸಿಕ ಬ್ಯಾಲೆನ್ಸ್ ಕಾಪಾಡಿಕೊಳ್ಳಬೇಕು ಎಂಬ ನಿಯಮವಿದೆ. ಹೆಚ್ಚುವರಿಯಾಗಿ, ಕೆಲವು ನಿಯೋ - ಬ್ಯಾಂಕ್‌ಗಳು ಮತ್ತು ಪೇಮೆಂಟ್ಸ್​ ಬ್ಯಾಂಕ್‌ಗಳು ಉಳಿತಾಯ ಖಾತೆಗಳ ಮೇಲೆ ಸ್ವಲ್ಪ ಹೆಚ್ಚಿನ ಬಡ್ಡಿದರಗಳನ್ನು ನೀಡುತ್ತವೆ. ಇವುಗಳನ್ನು ಆಯ್ಕೆಮಾಡುವಾಗ ನೀವು ಕೇವಲ ಬಡ್ಡಿದರಗಳನ್ನು ಪರಿಗಣಿಸಬಾರದು. ನೆಟ್ ಬ್ಯಾಂಕಿಂಗ್ ಸೇವೆಗಳು, ಎಟಿಎಂಗಳು ಮತ್ತು ಶಾಖೆಗಳನ್ನು ಸಹ ಪರಿಗಣಿಸಬೇಕು.

ಓದಿ:ಉಕ್ರೇನ್‌ ಮಾನವೀಯ ಪರಿಸ್ಥಿತಿ: ರಷ್ಯಾ ನಡೆಸಿದ ಮತದಾನದಿಂದಲೂ ದೂರ ಉಳಿದ ಭಾರತ

ನಿಯೋ - ಬ್ಯಾಂಕ್‌ಗಳನ್ನು ಯಾವುದೇ ಭೌತಿಕ ಶಾಖೆಗಳನ್ನು ಹೊಂದಿರದ ಡಿಜಿಟಲ್ ಬ್ಯಾಂಕ್‌ಗಳು ಎಂದು ಹೇಳಬಹುದು. ಇದನ್ನು ಶಾಖೆಗಳಿಲ್ಲದ ಡಿಜಿಟಲ್ ಬ್ಯಾಂಕ್ ಎಂದು ಕರೆಯಬಹುದು. ಭೌತಿಕ ಶಾಖೆಗಳ ಬದಲಿಗೆ ನಿಯೋ - ಬ್ಯಾಂಕ್‌ಗಳು ಆನ್‌ಲೈನ್‌ನಲ್ಲಿ ತಮ್ಮ ಅಸ್ತಿತ್ವವನ್ನು ಹೊಂದಿವೆ. ನಿಯೋ - ಬ್ಯಾಂಕ್‌ಗಳು ತಮ್ಮ ಮೊಬೈಲ್ ಅಪ್ಲಿಕೇಶನ್ ಅಥವಾ ಇತರ ಡಿಜಿಟಲ್ ಮಾಧ್ಯಮದ ಮೂಲಕ ಹೆಚ್ಚಿನ ಹಣ ನಿರ್ವಹಣೆಗೆ ಆದ್ಯತೆ ನೀಡುವ ತಂತ್ರಜ್ಞಾನ - ಬುದ್ಧಿವಂತ ಬಳಕೆದಾರರನ್ನು ಗುರಿಯಾಗಿರಿಸಿಕೊಳ್ಳುತ್ತವೆ. ನಿಯೋ - ಬ್ಯಾಂಕ್‌ಗಳು ಹಣ ವರ್ಗಾವಣೆ, ಹಣದ ಸಾಲ ನೀಡುವಿಕೆ, ಮೊಬೈಲ್-ಮೊದಲ ಹಣಕಾಸು ಪರಿಹಾರಗಳು ಮತ್ತು ಇನ್ನೂ ಅನೇಕ ರೀತಿಯ ಹಣಕಾಸು ಸೇವೆಗಳನ್ನು ಒದಗಿಸುತ್ತವೆ.

ಪೇಮೆಂಟ್ಸ್​ ಬ್ಯಾಂಕ್ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಅಡಿ ರಚಿಸಲಾದ ಬ್ಯಾಂಕ್‌ನ ಹೊಸ ರೂಪವಾಗಿದೆ. ಪೇಮೆಂಟ್ಸ್​ ಬ್ಯಾಂಕ್‌ಗಳು ಪ್ರತಿ ಗ್ರಾಹಕರಿಂದ ರೂ 1,00,000 ಸೀಮಿತ ಠೇವಣಿ ಸ್ವೀಕರಿಸಬಹುದು ಮತ್ತು ಮತ್ತಷ್ಟು ಹೆಚ್ಚಿಸಬಹುದು. ಈ ಬ್ಯಾಂಕ್‌ಗಳು ಸಾಲ ನೀಡಲು ಮತ್ತು ಕ್ರೆಡಿಟ್ ಕಾರ್ಡ್‌ಗಳನ್ನು ನೀಡಲು ಸಾಧ್ಯವಿಲ್ಲ. ಆದರೆ, ಅವರು ನೆಟ್ ಬ್ಯಾಂಕಿಂಗ್, ಎಟಿಎಂ ಕಾರ್ಡ್‌ಗಳು, ಡೆಬಿಟ್ ಬ್ಯಾಂಕ್‌ಗಳು ಮತ್ತು ಮೊಬೈಲ್ ಬ್ಯಾಂಕಿಂಗ್‌ನಂತಹ ಸೇವೆಗಳನ್ನು ನೀಡಬಹುದು.