ನವದೆಹಲಿ:ನೊವೆಲ್ ಕೊರೊನಾ ವೈರಸ್ ಹರಡುವಿಕೆ ನಿಯಂತ್ರಿಸಲು ಇಡೀ ದೇಶಾದ್ಯಂತ ಮೂರು ವಾರಗಳ ಸಂಪೂರ್ಣ ಲಾಕ್‌ಡೌನ್‌ಗೆ ಕೇಂದ್ರ ಸರ್ಕಾರ ಕಠಿಣ ಮತ್ತು ಆಕ್ರಮಣಕಾರಿ ನಿರ್ಧಾರ ತೆಗೆದುಕೊಂಡಿದೆ. ಇದು ದೇಶಿ ಜಿಡಿಪಿಯ ಮೇಲೆ ಪರಿಣಾಮ ಬೀರಲಿದೆ ಎಂದು ಬಾರ್ಕ್ಲೇಸ್ ಅಂದಾಜಿಸಿದೆ.
21 ದಿನಗಳ ವರೆಗೆ ಇರುವ ಲಾಕ್ಡೌನ್, ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ದೇಶದ ಜಿಡಿಪಿಯ ಮೇಲೆ ತೀವ್ರ ಪರಿಣಾಮ ಬೀರಲಿದೆಯಂತೆ. ಬದಲಾದ ಸನ್ನಿವೇಶಗಳಿಂದಾಗಿ ಬ್ಯಾಂಕ್, ತನ್ನ 2020ರ ಕ್ಯಾಲೆಂಡರ್ ವರ್ಷದ ಜಿಡಿಪಿ ಮುನ್ಸೂಚನೆಯು ಹಿಂದಿನ ಶೇ 4.5 ರಿಂದ ಶೇ 2.5ಕ್ಕೆ ಇಳಿಸಿದೆ. 2020-21ರ ವಿತ್ತೀಯ ವರ್ಷದಲ್ಲಿ ಹಿಂದಿನ ಶೇ 5.2 ರಿಂದ ಶೇ 3.5ಕ್ಕೆ ಇಳಿಯಲಿದೆ ಎಂದು ಭವಿಷ್ಯ ನುಡಿದಿದೆ.
ಆದರೆ, ಬಾರ್ಕ್ಲೇಸ್ 2021 ಕ್ಯಾಲೆಂಡರ್ ವರ್ಷದಲ್ಲಿ ಜಿಡಿಪಿ ಚೇತರಸಿಕೊಳ್ಳಲಿದೆ. ಮತ್ತೆ ಈ ಹಿಂದನ ಲಯಕ್ಕೆ ಮರಳಲಿದೆ. ಅದರ ಅಂದಾಜಿನಂತೆ, ಜಿಡಿಪಿ ಶೇ 8.2ರಷ್ಟು ಇದ್ದರೇ 2021-22ರಲ್ಲಿ ಶೇ 8.0 ರಷ್ಟು ಏರಿಕೆಯಾಗಿದೆ ಎಂದಿದೆ.
ಈ ನಾಲ್ಕು ವಾರಗಳ ಸಂಪೂರ್ಣ ಸ್ಥಗಿತಕ್ಕೆ ಆಧಾರದ ಮೇಲೆ ಅಂದಾಜಿಸಲಾಗಿದೆ. ಈ ಬಳಿಕ ಮೇ ಅಂತ್ಯದವರೆಗೆ ದೇಶಾದ್ಯಂತ ಮತ್ತೆ ಎಂಟು ವಾರಗಳ ಭಾಗಶಃ ಸ್ಥಗಿತಗೊಳಿಸುವಿಕೆ ಇರಬಹುದು. (ಅದರಲ್ಲಿ ಈಗಾಗಲೇ ಒಂದು ವಾರ ಕಳೆದು ಹೋಗಿದೆ). ಇವೆಲ್ಲವು ನಡೆಯುತ್ತಿರುವುದು ಕೋವಿಡ್-19 ಸಂಬಂಧಿತ ಮುನ್ನೆಚ್ಚರಿಕೆ ಕ್ರಮಗಳಿಗಾಗಿ ಎಂದು ಬಾರ್ಕ್ಲೇಸ್‌ನ ಮುಖ್ಯ ಭಾರತ ಅರ್ಥಶಾಸ್ತ್ರಜ್ಞ ರಾಹುಲ್ ಬಜೋರಿಯಾ ಅಭಿಪ್ರಾಯಪಟ್ಟಿದ್ದಾರೆ.
ಭಾರತದಲ್ಲಿ ಈಗಿನ ಲಾಕ್ಡೌನ್ನಿಂದಾಗುವ ವೆಚ್ಚವು ಸುಮಾರು 120 ಬಿಲಿಯನ್ ಡಾಲರ್ ಅಥವಾ ಜಿಡಿಪಿಯ ಶೇ 4ರಷ್ಟು ಎಂದು ಬ್ಯಾಂಕ್ ಅಂದಾಜಿಸಿದೆ. 120 ಬಿಲಿಯನ್ ಡಾಲರ್ನಲ್ಲಿ ಮತ್ತೊಂದು ಸುತ್ತಿನ ಬಂದ್ನಿಂದಾಗಿ ಸುಮಾರು 90 ಬಿಲಿಯನ್ ಡಾಲರ್ ಹೆಚ್ಚುವರಿ ಪ್ರಭಾವ ಬೀರಬಹುದು. ಉತ್ಪಾದನೆಯಲ್ಲಿನ ನಷ್ಟದ ಸುಮಾರು 2 ಪಿಪಿಗಳಷ್ಟು ಆಗಲಿದೆ. ಇದರ ಪರಿಣಾಮವಾಗಿ ಜಿಡಿಪಿ ಬೆಳವಣಿಗೆಯನ್ನು ಕಡಿತ ಮಾಡಲಾಗಿದೆ ಎಂದು ಸ್ಪಷ್ಟನೆ ನೀಡಿದೆ.
