ಕೊರೊನಾ ಬಿಕ್ಕಟ್ಟಿನ ಮಧ್ಯೆ ಇನ್ಫೋಸಿಸ್​ನ ಲಾಭ-ನಷ್ಟ, ಲಾಭಾಂಶದ ಬ್ಯಾಲೆನ್ಸ್​​ಶೀಟ್​ ಹೀಗಿದೆ...

ಕೋವಿಡ್​-19 ಸಾಂಕ್ರಾಮಿಕ ರೋಗದ ಮಧ್ಯೆಯೂ ಹೂಡಿಕೆಗಳು ನಮ್ಮನ್ನು ಉತ್ತಮವಾಗಿ ಇರಿಸಿವೆ. ಅಸಾಧಾರಣವಾದ ಸಾಂಕ್ರಾಮಿಕವು ಪ್ರತಿ ದೇಶ, ವ್ಯವಹಾರ ಮತ್ತು ವ್ಯಕ್ತಿಗಳ ಮೇಲೆ ಪರಿಣಾಮ ಬೀರಿದೆ. ಕಂಪನಿಯು ತನ್ನ ಮಾಪನ, ಬ್ರ್ಯಾಂಡ್​ ಮತ್ತು ತ್ವರಿತ ಪ್ರತಿಕ್ರಿಯೆ ಹಾಗೂ ಚುರುಕುತನದ ಸಂಯೋಜನೆಯ ಮೂಲಕ ಜಾಗತಿಕ ಬಿಕ್ಕಟ್ಟಿನಿಂದ ಹೊರ ಬಂದಿದೆ ಎಂದು ಇನ್ಫೋಸಿಸ್ ಅಧ್ಯಕ್ಷ ನಂದನ್ ನಿಲೇಕಣಿ ಹೂಡಿಕೆದಾರರಿಗೆ ತಿಳಿಸಿದರು.

ಬೆಂಗಳೂರು: ಕಳೆದ ಕೆಲವು ವರ್ಷಗಳಿಂದ ಮಾಡಿದ ಹೂಡಿಕೆಗಳು ಕಂಪನಿಯನ್ನು ಉತ್ತಮ ಸ್ಥಾನದಲ್ಲಿರಿಸಿವೆ ಎಂದು ಸಿಲಿಕಾನ್​ ಸಿಟಿಯ ಟೆಕ್ ದೈತ್ಯ ಇನ್ಫೋಸಿಸ್ ತನ್ನ ಷೇರು ಹೂಡಿಕೆದಾರರಿಗೆ ತಿಳಿಸಿದೆ.

ಕಂಪನಿಯ ವಾರ್ಷಿಕ ಸಭೆಯಲ್ಲಿ ಮಾತನಾಡಿದ ಇನ್ಫೋಸಿಸ್ ಅಧ್ಯಕ್ಷ ನಂದನ್ ನಿಲೇಕಣಿ, ಕಳೆದ ಕೆಲವು ವರ್ಷಗಳಿಂದ ನಾವು ಇನ್ಫೋಸಿಸ್​ ಕಂಪನಿಯನ್ನು ಬಲಿಷ್ಠ ಮತ್ತು ಹೆಚ್ಚು ಸುಧಾರಣೆ ತರುವ ಭಾಗವಾಗಿ ಎಲ್ಲದರಲ್ಲೂ ಚುರುಕುತನ ಮತ್ತು ವೇಗದ ಹೂಡಿಕೆ ಮಾಡಿದ್ದೇವೆ. ಇವುಗಳು ನಮ್ಮ ಸಂಸ್ಥಯನ್ನು ಸದೃಢವಾಗಿ ಇರಿಸಿವೆ ಎಂದರು.

ಕೋವಿಡ್​-19 ಸಾಂಕ್ರಾಮಿಕ ರೋಗದ ಮಧ್ಯೆಯೂ ಹೂಡಿಕೆಗಳು ನಮ್ಮನ್ನು ಉತ್ತಮವಾಗಿ ಇರಿಸಿವೆ. ಅಸಾಧಾರಣವಾದ ಸಾಂಕ್ರಾಮಿಕವು ಪ್ರತಿ ದೇಶ, ವ್ಯವಹಾರ ಮತ್ತು ವ್ಯಕ್ತಿಗಳ ಮೇಲೆ ಪರಿಣಾಮ ಬೀರಿದೆ. ಕಂಪನಿಯು ತನ್ನ ಮಾಪನ, ಬ್ರ್ಯಾಂಡ್​ ಮತ್ತು ತ್ವರಿತ ಪ್ರತಿಕ್ರಿಯೆ ಹಾಗೂ ಚುರುಕುತನದ ಸಂಯೋಜನೆಯ ಮೂಲಕ ಜಾಗತಿಕ ಬಿಕ್ಕಟ್ಟಿನಿಂದ ಹೊರ ಬಂದಿದೆ ಎಂದು ಹೂಡಿಕೆದಾರರಿಗೆ ತಿಳಿಸಿದರು.

ನಮ್ಮ ದೃಢವಾದ ಬ್ಯಾಲೆನ್ಸ್ ಶೀಟ್ ಸ್ಥಿರ ಬೆಳವಣಿಗೆಯ ವೇಗ ಕಾಯ್ದುಕೊಂಡಿದೆ. ಜನರಿಗೆ ಅಗತ್ಯವಾದ ಡಿಜಿಟಲ್ ವ್ಯವಸ್ಥೆಗಳು ಮತ್ತು ಕಾರ್ಯತಂತ್ರಗಳನ್ನು ಕಾರ್ಯಗತಗೊಳಿಸುವಿಕೆಯತ್ತ ನಮ್ಮ ತಂಡ ನಿರತವಾಗಿದೆ ಎಂದರು.

ಆಡಳಿತ ಮಂಡಳಿಯು 2020ರ ಹಣಕಾಸು ವರ್ಷದಲ್ಲಿ ಪ್ರತಿ ಷೇರಿಗೆ 9.5 ರೂ. ಲಾಭಾಂಶ (ಡಿವಿಡೆಂಡ್) ನೀಡಲು ಶಿಫಾರಸು ಮಾಡಿದೆ. ಒಟ್ಟಾರೆ ಆದಾಯವು ಸ್ಥಿರ ಕರೆನ್ಸಿ ಪರಿಭಾಷೆಯಲ್ಲಿ ಹೇಳುವುದಾದರೆ ಶೇ 9.8ರಷ್ಟು ಏರಿಕೆಯಾಗಿದೆ. 2019ರ ಒಟ್ಟು ಲಾಭಾಂಶ ಪಾವತಿಯು 8,120 ಕೋಟಿ ರೂ. ಆಗಿದ್ದು, 2019ರ ಅಕ್ಟೋಬರ್‌ನಲ್ಲಿ ಪ್ರತಿ ಷೇರಿಗೆ 8 ರೂ. ಲಾಭಾಂಶ ಪಾವತಿಸಲಾಗಿತ್ತು ಎಂದರು.

2020ರ ಆರ್ಥಿಕ ಅವಧಿಯಲ್ಲಿ ಒಟ್ಟಾರೆ ಆದಾಯವು ಸ್ಥಿರ ಕರೆನ್ಸಿ ಪರಿಭಾಷೆಯಲ್ಲಿ ಶೇ 9.8ರಷ್ಟು ಏರಿಕೆಯಾಗಿದ್ದು, ಒಟ್ಟು 12.8 ಬಿಲಿಯನ್ ಡಾಲರ್​ಗೆ ತಲುಪಿದೆ ಎಂದು ನಿಲೇಕಣಿ ಹೇಳಿದರು.