ರಾಜಕೀಯ ಜಾಹೀರಾತು ನಿಷೇಧಿಸಿದ ಟ್ವಿಟರ್​...ಫೇಸ್​ಬುಕ್​ ಮೇಲೆ ಹಿಲರಿ ಕ್ಲಿಂಟನ್ ಕೆಂಗಣ್ಣು

ವಾಣಿಜ್ಯ ಜಾಹೀರಾತುದಾರರಿಗೆ ಲಾಭದಾಯಕ ಆಗಿರುವ ಇಂಟರ್​ನೆಟ್, ರಾಜಕೀಯ ಜಾಹೀರಾತುಗಳು ನಂಬಿಕೆಗೆ ಅರ್ಹವಲ್ಲ. ಇದು ರಾಜಕೀಯಕ್ಕೆ ಗಮನಾರ್ಹ ಅಪಾಯಗಳನ್ನು ತಂದೊಡ್ಡಲಿದೆ ಟ್ವಿಟ್ಟರ್​ ರಾಜಕೀಯ ಜಾಹೀರಾತುಗಳ ಪ್ರಚಾರಕ್ಕೆ ನಿಷೇದಿಸಿದೆ. ಇದರ ಪ್ರತಿಸ್ಪರ್ಧಿ ಫೇಸ್​ಬುಕ್​, ರಾಜಕೀಯ ಜಾಹೀರಾತು ನಿಷೇಧಿಸುವುರಿಂದ ಅಧಿಕಾರಸ್ಥರಿಗೆ ಅನುಕೂಲವಾಗುತ್ತದೆ ಎಂದು ನಿಷೇಧವನ್ನು ತಳ್ಳಿಹಾಕಿದೆ.

ಸ್ಯಾನ್​ಫ್ರಾನ್ಸಿಸ್ಕೋ:ಟ್ವಿಟರ್​​​ ಎಲ್ಲ ವಿಧದ ರಾಜಕೀಯ ಜಾಹೀರಾತುಗಳನ್ನು ಜಾಗತಿಕವಾಗಿ ನಿಲ್ಲಿಸಲು ನಿರ್ಧರಿಸಿದೆ ಎಂದು ಕಂಪನಿಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಜ್ಯಾಕ್ ಡಾರ್ಸೆ ತಿಳಿಸಿದ್ದಾರೆ.

ಸರಣಿ ಟ್ವೀಟ್ ಮಾಡಿರುವ ಜ್ಯಾಕ್​, ಕಂಪನಿಯ ನಿಲುವು ರಾಜಕೀಯ ಸಂದೇಶವನ್ನು ತಲುಪಬೇಕು ಮತ್ತು ಅವುಗಳನ್ನು ಖರೀದಿಸಬಾರದು. ಜನರು ಇನ್ನೊಬ್ಬರ ಖಾತೆಯನ್ನು ಅನುಸರಿಸಲು ಅಥವಾ ರಿಟ್ವೀಟ್ ಮಾಡುತ್ತಿದ್ದಂತೆ ರಾಜಕೀಯ ಸಂದೇಶಗಳು ಹರಡುತ್ತವೆ ಎಂದಿದ್ದಾರೆ.

ವಾಣಿಜ್ಯ ಜಾಹೀರಾತುದಾರರಿಗೆ ಲಾಭದಾಯಕ ಆಗಿರುವ ಇಂಟರ್​ನೆಟ್, ರಾಜಕೀಯ ಜಾಹೀರಾತುಗಳು ನಂಬಿಕೆಗೆ ಅರ್ಹವಲ್ಲ. ಇದು ರಾಜಕೀಯಕ್ಕೆ ಗಮನಾರ್ಹ ಅಪಾಯಗಳನ್ನು ತಂದೊಡ್ಡಲಿದೆ. ಲಕ್ಷಾಂತರ ಮತದಾರರ ಮೇಲೆ ಪ್ರಭಾವ ಬೀರಿ ಅವರನ್ನು ತಪ್ಪು ದಾರಿಗೆ ಎಳೆಯಬಹುದು. ಉದ್ದೇಶ ಪೂರ್ವಕವಾಗಿ ತಪ್ಪು ದಾರಿಗೆ ತರುವ ರಾಜಕೀಯ ಜಾಹೀರಾತುಗಳನ್ನು ಬಳಸದೇ ಇರಲು ನಿರ್ಧರಿಸಿದ್ದೇವೆ ಎಂದು ಜ್ಯಾಕ್ ಬರೆದುಕೊಂಡಿದ್ದಾರೆ.

ಟ್ವಟರ್​​​​​ನ ಈ ನಿಲುವಿಗೆ ಪ್ರತಿಯಾಗಿ ಪ್ರತಿಸ್ಪರ್ಧಿ ಫೇಸ್​ಬುಕ್​, ಇದಕ್ಕೆ ತದ್ವಿರುದ್ಧವಾದ ನಿರ್ಧಾರ ತೆಗೆದುಕೊಂಡಿದೆ. ರಾಜಕೀಯ ಜಾಹೀರಾತುಗಳ ನಿಷೇಧವನ್ನು ತಳ್ಳಿಹಾಕಿದೆ.

ಈ ಬಗ್ಗೆ ಸುದ್ದಿಗೋಷ್ಠಿ ನಡೆಸಿದ ಫೇಸ್​ಬುಕ್ ಸಂಸ್ಥಾಪಕ ಮಾರ್ಕ್​ ಜುಕರ್​​ಬರ್ಗ್​​​, ರಾಜಕೀಯ ಜಾಹೀರಾತುಗಳು ಆದಾಯದ ಮೂಲವಲ್ಲ. ಬದಲಾಗಿ ಪ್ರತಿಯೊಬ್ಬರ ಧ್ವನಿಗೆ ವೇದಿಕೆ ಕಲ್ಪಿಸುವುದು ಮುಖ್ಯವಾಗುತ್ತದೆ. ರಾಜಕೀಯ ಜಾಹೀರಾತು ನಿಷೇಧಿಸುವುರಿಂದ ಅಧಿಕಾರಸ್ಥರಿಗೆ ಅನುಕೂಲವಾಗುತ್ತದೆ ಎಂದು ಹೇಳಿದ್ದಾರೆ.

ಡೆಮಾಕ್ರಟಿಕ್ ಪಕ್ಷದ ಹಿಲರಿ ಕ್ಲಿಂಟನ್ ಹಿಲರಿ ಕ್ಲಿಂಟನ್ ಅವರು ಟ್ವಿಟ್ಟರ್​ ಈ ನಡೆಯನ್ನು ಬೆಂಬಲಿಸಿ, 'ಪ್ರಜಾಪ್ರಭುತ್ವವಾದಿ ಅಮೆರಿಕ ಸೇರಿದಂತೆ ಎಲ್ಲ ರಾಷ್ಟ್ರಗಳಿಗೆ ಇದೊಂದ ಸರಿಯಾದ ನಿರ್ಧಾರವಾಗಿದೆ. ಈ ಬಗ್ಗೆ ಫೇಸ್​ಬುಕ್​ ಏನು ಹೇಳುತ್ತದೆ?' ಎಂದು ಪ್ರಶ್ನಿಸಿದ್ದಾರೆ.