ಟಾಟಾ ಗ್ರೂಪ್​ ಅಧ್ಯಕ್ಷರಿಗೆ ಪ್ರತಿಷ್ಠಿತ 'ಗ್ಲೋಬಲ್​ ಲೀಡರ್​ಶಿಪ್' ಪ್ರಶಸ್ತಿ

ಪ್ರತಿ ವರ್ಷವು ಯುಎಸ್ಐಬಿಸಿ ಗ್ಲೋಬಲ್ ಲೀಡರ್​ಶಿಪ್ ಪ್ರಶಸ್ತಿಗಳನ್ನು ಉದ್ಯಮಿಗಳ ಕಾರ್ಯನಿರ್ವಾಹಕರಿಗೆ ಅವರ ಅತ್ಯುತ್ತಮ ನಾಯಕತ್ವ ಗುರುತಿಸಿ ಮತ್ತು ಇಂಡೋ-ಅಮೆರಿಕ ವ್ಯಾಪಾರ ಮತ್ತು ವ್ಯವಹಾರ ಉತ್ತೇಜನೆಗೆ ನೀಡಲಾಗುತ್ತದೆ ಎಂದು ವಾಷಿಂಗ್ಟನ್ ಮೂಲದ ಯುಎಸ್-ಇಂಡಿಯಾ ಬಿಸಿನೆಸ್ ಕೌನ್ಸಿಲ್ ಹೇಳಿದೆ. ಇದಕ್ಕೂ ಮೊದಲು ಗೂಗಲ್ ಸಿಇಒ ಸುಂದರ್ ಪಿಚೈ, ಗೂಗಲ್ ಸಿಇಒ ಅಡೆನಾ ಫ್ರೀಡ್ಮನ್, ಅಮೆಜಾನ್ ಸಿಇಒ ಜೆಫ್ ಬೆಜೋಸ್ ಮತ್ತು ಸನ್ ಫಾರ್ಮಾಸ್ಯುಟಿಕಲ್ಸ್ ಸಂಸ್ಥಾಪಕ/ ವ್ಯವಸ್ಥಾಪಕ ನಿರ್ದೇಶಕ ದಿಲೀಪ್ ಶಾಂಘ್ವಿ ಸ್ವೀಕರಿಸಿದ್ದರು.

ನವದೆಹಲಿ: ಟಾಟಾ ಸಮೂಹದ ಅಧ್ಯಕ್ಷ ಎನ್.ಚಂದ್ರಶೇಖರನ್ ಮತ್ತು ಲಾಕ್​ಹೀಡ್ ಮಾರ್ಟಿನ್ ಸಿಇಒ ಜಿಮ್ ತೈಕ್ಲೆಟ್ ಅವರು ಪ್ರಸಕ್ತ ವರ್ಷದ ಯುಎಸ್ಐಬಿಸಿ ಗ್ಲೋಬಲ್​ ಲೀಡರ್​ ಪ್ರಶಸ್ತಿಯನ್ನು ಸ್ವೀಕರಿಸಲಿದ್ದಾರೆ ಎಂದು ವ್ಯಾಪಾರ ಸಲಹಾ ಗ್ರೂಪ್​ ಯುಎಸ್ಐಬಿಸಿ ತಿಳಿಸಿದೆ.

ಪ್ರತಿ ವರ್ಷವು ಯುಎಸ್ಐಬಿಸಿ ಗ್ಲೋಬಲ್ ಲೀಡರ್​ಶಿಪ್ ಪ್ರಶಸ್ತಿಗಳನ್ನು ಉದ್ಯಮಿಗಳ ಕಾರ್ಯನಿರ್ವಾಹಕರಿಗೆ ಅವರ ಅತ್ಯುತ್ತಮ ನಾಯಕತ್ವ ಗುರುತಿಸಿ ಮತ್ತು ಇಂಡೋ-ಅಮೆರಿಕ ವ್ಯಾಪಾರ ಮತ್ತು ವ್ಯವಹಾರ ಉತ್ತೇಜನೆಗೆ ನೀಡಲಾಗುತ್ತದೆ ಎಂದು ವಾಷಿಂಗ್ಟನ್ ಮೂಲದ ಯುಎಸ್-ಇಂಡಿಯಾ ಬಿಸಿನೆಸ್ ಕೌನ್ಸಿಲ್ (ಯುಎಸ್ಐಬಿಸಿ) ಹೇಳಿದೆ.

ಈ ವರ್ಷದ ಪ್ರತಿಷ್ಠಿತ ವಾರ್ಷಿಕ ಪ್ರಶಸ್ತಿಯನ್ನು ಲಾಕ್​ಹೀಡ್ ಮಾರ್ಟಿನ್ ಮುಖ್ಯ ಕಾರ್ಯನಿರ್ವಾಹಕ/ ಯುಎಸ್-ಇಂಡಿಯಾ ಸಿಇಒ ಫೋರಂನ ಸಹ ಅಧ್ಯಕ್ಷ ಜಿಮ್ ತೈಕ್ಲೆಟ್ ಮತ್ತು ಟಾಟಾ ಸಮೂಹದ ಅಧ್ಯಕ್ಷ ಮತ್ತು ಯುಎಸ್ ಸಹ-ಅಧ್ಯಕ್ಷ ನಟರಾಜನ್ ಚಂದ್ರಶೇಖರನ್ ಅವರಿಗೆ ನೀಡಲಾಗುವುದು ಎಂದು ಅದು ಹೇಳಿದೆ.

ಈ ಪ್ರಶಸ್ತಿಯನ್ನು ಇದಕ್ಕೂ ಮೊದಲು ಸ್ವೀಕರಿಸಿದವರು ಗೂಗಲ್ ಸಿಇಒ ಸುಂದರ್ ಪಿಚೈ, ಗೂಗಲ್ ಸಿಇಒ ಅಡೆನಾ ಫ್ರೀಡ್ಮನ್, ಅಮೆಜಾನ್ ಸಿಇಒ ಜೆಫ್ ಬೆಜೋಸ್ ಮತ್ತು ಸನ್ ಫಾರ್ಮಾಸ್ಯುಟಿಕಲ್ಸ್ ಸಂಸ್ಥಾಪಕ/ ವ್ಯವಸ್ಥಾಪಕ ನಿರ್ದೇಶಕ ದಿಲೀಪ್ ಶಾಂಘ್ವಿ.

ಯುಎಸ್ಐಬಿಸಿಯ ಗ್ಲೋಬಲ್​ ಲೀಡರ್ ಪ್ರಶಸ್ತಿಗಳನ್ನು ಸ್ವೀಕರಿಸಲು ನನಗೆ ಗೌರವವಿದೆ. ಈ ವೇಳೆ ಅಮೆರಿಕ ಮತ್ತು ಭಾರತದಲ್ಲಿನ ಸರ್ಕಾರಗಳೊಂದಿಗೆ ವ್ಯವಹಾರವನ್ನು ಸಂಪರ್ಕಿಸುವ ಕೌನ್ಸಿಲ್​ನ ಕಾರ್ಯವು ಹೆಚ್ಚು ವಿಮರ್ಶಾತ್ಮಕವಾಗಿಲ್ಲ ಎಂದು ಟೈಕ್ಲೆಟ್ ಹೇಳಿದರು.

ಜಾಗತಿಕ ಲೀಡರ್​ ಪ್ರಶಸ್ತಿ ಪಡೆದಿರುವುದು ಒಂದು ದೊಡ್ಡ ಗೌರವ ಮತ್ತು ಅದೊಂದು ಸವಲತ್ತು. ಈ ಪ್ರಶಸ್ತಿಗಾಗಿ ಯುಎಸ್ಐಬಿಸಿಗೆ ಧನ್ಯವಾದಗಳು. ಈ ಸವಾಲಿನ ಕಾಲದಲ್ಲಿ ಭಾರತ-ಯುಎಸ್ ಸಹಭಾಗಿತ್ವಕ್ಕೆ ಉತ್ತಮ ಭವಿಷ್ಯವನ್ನು ನಿರ್ಮಿಸಲು ಅವರು ಮಾಡುತ್ತಿರುವ ಪ್ರಯತ್ನಗಳು ಶ್ಲಾಘನೀಯ ಎಂದು ಚಂದ್ರಶೇಖರನ್ ಹೇಳಿದರು.