ಕೆಲವೇ ವಾರಗಳಲ್ಲಿ ಸ್ಪುಟ್ನಿಕ್​ ವಿ ಲಸಿಕೆಗೆ ಭಾರತ ಅನುಮೋದನೆ: ಡಾ.ರೆಡ್ಡಿಸ್​ ವಿಶ್ವಾಸ

ರಷ್ಯಾದಲ್ಲಿ ಅಭಿವೃದ್ಧಿಪಡಿಸಿದ ಸ್ಪುಟ್ನಿಕ್-ವಿ ಲಸಿಕೆಯನ್ನು ಭಾರತದಲ್ಲಿ ಅಂಗೀಕರಿಸಬೇಕಾದರೆ, ಲಸಿಕೆಯ ಎರಡನೇ ಮತ್ತು ಮೂರನೇ ಹಂತದ ಪ್ರಯೋಗಗಳನ್ನು ಇಲ್ಲಿಯೂ ನಡೆಸಬೇಕಾಗುತ್ತದೆ. ಇದರ ಭಾಗವಾಗಿ ಡಾ.ರೆಡ್ಡಿಸ್ ಲ್ಯಾಬ್ಸ್ ಭಾರತದಲ್ಲಿ ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸುತ್ತಿದೆ.

ಹೈದರಾಬಾದ್:ರಷ್ಯಾ ಅಭಿವೃದ್ಧಿಪಡಿಸಿದ ಸ್ಪುಟ್ನಿಕ್ ವಿ ಲಸಿಕೆ ಬಳಕೆಯನ್ನು ಕೆಲವೇ ವಾರಗಳಲ್ಲಿ ಭಾರತದಲ್ಲಿ ಅನುಮೋದಿಸುವ ಸಾಧ್ಯತೆಯಿದೆ ಎಂದು ಡಾ. ರೆಡ್ಡಿಸ್ ಲ್ಯಾಬ್ಸ್ ಸಿಇಒ ದೀಪಕ್ ಸಪ್ರಾ ಮತ್ತು ಎಪಿಐ ತಿಳಿಸಿದೆ.

ಭಾರತದಲ್ಲಿ ಲಸಿಕೆ ಪೂರೈಸಲು ಡಾ. ರೆಡ್ಡಿಸ್ ರಷ್ಯಾದ ನೇರ ಹೂಡಿಕೆ ನಿಧಿ (ಆರ್‌ಡಿಐಎಫ್) ಜತೆಗೆ ಒಪ್ಪಂದ ಮಾಡಿಕೊಂಡಿದೆ. ಇದರ ಭಾಗವಾಗಿ ಎರಡನೇ ಮತ್ತು ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗಗಳನ್ನು ಭಾರತದಲ್ಲಿ ನಡೆಸಲಾಯಿತು. ಪ್ರಯೋಗದ ಮಧ್ಯಂತರ ಫಲಿತಾಂಶಗಳನ್ನು ಭಾರತದ ಔಷಧ ಆಡಳಿತಕ್ಕೆ ಹಸ್ತಾಂತರಿಸಲಾಯಿತು.

ಸ್ಪುಟ್ನಿಕ್-ವಿ ಎರಡು ಡೋಸ್ ನೀಡಬೇಕಾಗುತ್ತದೆ ಎಂದು ದೀಪಕ್ ಹೇಳಿದ್ದಾರೆ. ಮೊದಲ ಡೋಸ್ ನಂತರ 21ನೇ ದಿನದಂದು ಎರಡನೇ ಡೋಸ್ ನೀಡಬೇಕು. 28ರಿಂದ 42 ದಿನಗಳ ನಡುವೆ ಕೊರೊನಾ ವೈರಸ್ ಪರಿಣಾಮಕಾರಿ ರೋಗ ನಿರೋಧಕ ಶಕ್ತಿಯನ್ನು ಅಭಿವೃದ್ಧಿಪಡಿಸುತ್ತದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಸ್ಮಾರ್ಟ್​ಫೋನ್​ ಮಾರಾಟದಲ್ಲಿ ನಂ.1 ಸ್ಥಾನಕ್ಕೇರಿದ ಸ್ಯಾಮ್​ಸಂಗ್​: ಯಾರ ಪಾಲು ಎಷ್ಟಿದೆ?

ಭಾರತ, ರಷ್ಯಾ ಮತ್ತು ಯುಎಇ ಸೇರಿದಂತೆ ಇನ್ನೂ ಕೆಲವು ದೇಶಗಳಲ್ಲಿ ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸಲಾಗಿದೆ. ಶೇ 91.6ರಷ್ಟು ದಕ್ಷತೆಯನ್ನು ಬಹಿರಂಗಪಡಿಸಲಾಗಿದೆ. ಪ್ರಮುಖ ವೈದ್ಯಕೀಯ ಜರ್ನಲ್ ಲ್ಯಾನ್ಸೆಟ್​ನಲ್ಲಿ ಫಲಿತಾಂಶಗಳು ಪ್ರಕಟಣೆಯಾಗಿವೆ.

ರಷ್ಯಾದಲ್ಲಿ ಅಭಿವೃದ್ಧಿಪಡಿಸಿದ ಸ್ಪುಟ್ನಿಕ್-ವಿ ಲಸಿಕೆಯನ್ನು ಭಾರತದಲ್ಲಿ ಅಂಗೀಕರಿಸಬೇಕಾದರೆ, ಲಸಿಕೆಯ ಎರಡನೇ ಮತ್ತು ಮೂರನೇ ಹಂತದ ಪ್ರಯೋಗಗಳನ್ನು ಇಲ್ಲಿಯೂ ನಡೆಸಬೇಕಾಗುತ್ತದೆ. ಇದರ ಭಾಗವಾಗಿ ಡಾ.ರೆಡ್ಡಿಸ್ ಲ್ಯಾಬ್ಸ್ ಭಾರತದಲ್ಲಿ ಕ್ಲಿನಿಕಲ್ ಪ್ರಯೋಗಗಳನ್ನು ನಡೆಸುತ್ತಿದೆ. ಪ್ರಯೋಗಗಳ ನಂತರ ಭಾರತದಲ್ಲಿ ಹತ್ತು ಕೋಟಿ ಡೋಸ್​ ಪೂರೈಸಲು ಸಹ ಒಪ್ಪಿಕೊಂಡಿತು.