ದೆಹಲಿ, ಮುಂಬೈ- ಲಂಡನ್​ ನಡುವೆ ನಾನ್​ ಸ್ಟಾಪ್ ವಿಮಾನ ಹಾರಾಟ: ಯಾವ ದಿನ ಶುರು?

ಸ್ಪೈಸ್‌ಜೆಟ್ ಯುಕೆಗೆ ನೇರ ವಿಮಾನಗಳನ್ನು ನಿರ್ವಹಿಸುವ ಮೊದಲ ಭಾರತೀಯ ಕಡಿಮೆ ವೆಚ್ಚದ ವಿಮಾನಯಾನ ಸಂಸ್ಥೆಯಾಗಲಿದೆ. ಈ ವಿಮಾನಗಳು ಯುಕೆ ಜೊತೆಗಿನ ಏರ್ ಬಬಲ್ ಒಪ್ಪಂದದಡಿ ಕಾರ್ಯನಿರ್ವಹಿಸಲಿವೆ.

ನವದೆಹಲಿ:ಬಜೆಟ್ ವಿಮಾನಯಾನ ಸಂಸ್ಥೆ ಸ್ಪೈಸ್ ಜೆಟ್, ಡಿಸೆಂಬರ್ 4ರಿಂದ ದೆಹಲಿ ಮತ್ತು ಮುಂಬೈ ಒಳಗೊಂಡು ಲಂಡನ್‌ನ ಹೀಥ್ರೂ ವಿಮಾನ ನಿಲ್ದಾಣಕ್ಕೆ ನೇರ ವಿಮಾನಗಳ ಸೇವೆ ಪ್ರಾರಂಭಿಸಲಿದೆ.

ಸ್ಪೈಸ್‌ಜೆಟ್ ಯುಕೆಗೆ ವಿಮಾನಗಳನ್ನು ನಿರ್ವಹಿಸುವ ಮೊದಲ ಭಾರತೀಯ ಕಡಿಮೆ-ವೆಚ್ಚದ ವಿಮಾನಯಾನ ಸಂಸ್ಥೆಯಾಗಲಿದೆ. ಈ ವಿಮಾನಗಳು ಯುಕೆ ಜೊತೆಗಿನ ಏರ್ ಬಬಲ್ ಒಪ್ಪಂದದಡಿ ಕಾರ್ಯನಿರ್ವಹಿಸಲಿವೆ.

ವಿಮಾನಯಾನವು ದೆಹಲಿಯಿಂದ ಎರಡು ಬಾರಿ ಮತ್ತು ಮುಂಬೈನಿಂದ ವಾರಕ್ಕೊಮ್ಮೆ ಸೇರಿ ವಾರಕ್ಕೆ ಮೂರು ಬಾರಿ ಲಂಡನ್‌ಗೆ ಪ್ರಯಾಣ ಬೆಳಸಲಿವೆ ಎಂದು ವಿಮಾನಯಾನ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.