ಟಿಕ್​ಟಾಕ್​​ ವಿಶ್ವದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಬ್ರ್ಯಾಂಡ್​​​​​​​​​.. ಸ್ನ್ಯಾಪ್​​ಚಾಟ್​, ಯೂಟ್ಯೂಬ್​​​​​​​​ಗೂ ಸ್ಥಾನ!

ದಕ್ಷಿಣ ಕೊರಿಯಾದ ಇಂಟರ್​​​ನೆಟ್​ ಬ್ರ್ಯಾಂಡ್​​ ಕಾಕೋ ಶೇ 161 ರಷ್ಟು ಬೆಳವಣಿಗೆ ಕಾಣುವ ಮೂಲಕ ಸುಮಾರು 4.7 ಬಿಲಿಯನ್​ ಡಾಲರ್​ ಮೌಲ್ಯವನ್ನು ಹೊಂದಿದೆ. ಮೂಲಕ ಟಿಕ್​ಟಾಕ್​ಗೆ ಟಕ್ಕರ್​ ಕೊಡುತ್ತಿದೆ.

ನ್ಯೂಯಾರ್ಕ್( ಅಮೆರಿಕ): ಟಿಕ್​ಟಾಕ್​ ಕಳೆದ ವರ್ಷ ತನ್ನ ಬ್ರ್ಯಾಂಡ್​ ಮೌಲ್ಯದಲ್ಲಿ ಮೂರು ಪಟ್ಟು ಹೆಚ್ಚಳ ಮಾಡಿಕೊಂಡಿದೆ. ಈ ಮೂಲಕ ಅದು ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಬ್ರ್ಯಾಂಡ್ ಆಗಿ ಮಾರ್ಪಾಡಾಗಿದೆ. 215 ರಷ್ಟು ಬೆಳವಣಿಗೆಯೊಂದಿಗೆ, ಅದರ ಬ್ರ್ಯಾಂಡ್ ಮೌಲ್ಯವು 2021 ರಲ್ಲಿ $ 18.7 ಶತಕೋಟಿಯಿಂದ $ 59.0 ಶತಕೋಟಿ ಡಾಲರ್​ಗೆ ಹೆಚ್ಚಾಗಿದೆ.

ವಿಶ್ವದ ಟಾಪ್ 500 ಅತ್ಯಮೂಲ್ಯ ಬ್ರಾಂಡ್‌ಗಳಲ್ಲಿ 18 ನೇ ಸ್ಥಾನವನ್ನು ಪಡೆದುಕೊಂಡಿರುವ ಟಿಕ್​​ಟಾಕ್​​​​ ಬ್ರ್ಯಾಂಡ್ ಫೈನಾನ್ಸ್ ಗ್ಲೋಬಲ್ 500- 2022 ಪಟ್ಟಿಯಲ್ಲಿ ಹೊಸ ಪ್ರವೇಶ ಪಡೆದುಕೊಂಡು ಮಿಂಚಿದೆ.

ಸ್ನ್ಯಾಪ್​ ಚಾಟ್​ ಈಗ ಪ್ರಮುಖ ಬ್ರ್ಯಾಂಡ್​:ಟಿಕ್​ಟಾಕ್​ ನಂತರದ ಪ್ರಮುಖ ಬ್ರ್ಯಾಂಡ್​ ಅಂದರೆ ಅದು, ಸ್ನ್ಯಾಪ್​ ಚಾಟ್​, ಈ ಕಂಪನಿ ಶೇ 184 ರಷ್ಟು ಬೆಳವಣಿಗೆ ಕಾಣುವ ಮೂಲಕ 6.6 ಬಿಲಿಯನ್​ ಡಾಲರ್​ ಮೌಲ್ಯವನ್ನು ಹೊಂದಿದೆ. ಇನ್ನು ದಕ್ಷಿಣ ಕೊರಿಯಾದ ಇಂಟರ್​​​ನೆಟ್​ ಬ್ರ್ಯಾಂಡ್​​ ಕಾಕೋ ಶೇ 161 ರಷ್ಟು ಬೆಳವಣಿಗೆ ಕಾಣುವ ಮೂಲಕ ಸುಮಾರು 4.7 ಬಿಲಿಯನ್​ ಡಾಲರ್​ ಮೌಲ್ಯವನ್ನು ಹೊಂದಿದೆ. ಈ ಮೂಲಕ ಟಿಕ್​ಟಾಕ್​ಗೆ ಟಕ್ಕರ್​ ಕೊಡುತ್ತಿದೆ.

ಕಳೆದ 9 ತಿಂಗಳಲ್ಲಿ ಸ್ನ್ಯಾಪ್​ ಚಾಟ್​​​ ಶೇ 77 ರಷ್ಟು ಆದಾಯವನ್ನು ಹೆಚ್ಚಿಸಿಕೊಂಡಿದ್ದು, ಶಾರ್ಟ್​ ವಿಡಿಯೋಗಳು ಇದರ ಜೀವಾಳವಾಗಿದೆ. ಇನ್ನುಳಿದಂತೆ ಮೀಡಿಯಾ ಫೀಲ್ಡ್​​ನಲ್ಲಿ ಡಿಸ್ನಿ ಪ್ರಮುಖ ಬ್ರ್ಯಾಂಡ್​ ಆಗಿ ಬೆಳವಣಿಗೆ ಸಾಧಿಸುತ್ತಿದೆ. ಶೇ 11 ರಷ್ಟು ಬೆಳವಣಿಗೆ ಸಾಧಿಸಿರುವ ಈ ಕಂಪನಿ ಸುಮಾರು 57 ಬಿಲಿಯನ್​ ಡಾಲರ್​ ಮಾರುಕಟ್ಟೆ ಮೌಲ್ಯವನ್ನು ಹೊಂದಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ನೆಟ್​​​​​ಫ್ಲಿಕ್ಸ್​​ನಿಂದಲೂ ಅಮೋಘ ಸಾಧನೆ:ಇನ್ನು ನೆಟ್​​​ಫ್ಲಿಕ್ಸ್​​ ಶೇ 18ರಷ್ಟು ಬೆಳವಣಿಗೆ ದಾಖಲಿಸುವ ಮೂಲಕ ಮಾರುಕಟ್ಟೆ ಮೌಲ್ಯವನ್ನು 29.4 ಶತಕೋಟಿ ಡಾಲರ್​​ಗೆ ಹೆಚ್ಚಿಸಿಕೊಂಡಿದೆ. ಮತ್ತೊಂದು ಮಾಧ್ಯಮದ ಬ್ರ್ಯಾಂಡ್​ ಅದು ಯೂ ಟ್ಯೂಬ್​, ಯೂಟ್ಯೂಬ್​​​​​​ ಶೇ 38 ರಷ್ಟು ಬೆಳವಣಿಗೆ ಸಾಧಿಸುವ ಮೂಲಕ 23.9 ಶತಕೋಟಿ ಡಾಲರ್​ ವ್ಯವಹಾರ ನಡೆಸಿದೆ.

ಮತ್ತೊಂದು ಪ್ರಮುಖ ಬ್ರ್ಯಾಂಡೆಡ್​​​ ಕಂಪನಿ ಅಂದರೆ ಅದು ಸ್ಪೂಟಿಪೈ. ಈ ಕಂಪನಿ ಕಳೆದ ಸಾಲಿನಲ್ಲಿ ಶೇ 13 ರಷ್ಟು ಬೆಳವಣಿಗೆ ಕಾಣುವ ಮೂಲಕ ತನ್ನ ಮಾರುಕಟ್ಟೆ ಮೌಲ್ಯವನ್ನು 6.3 ಬಿಲಿಯನ್​ ಡಾಲರ್​​​ಗೆ ಏರಿಕೆ ಮಾಡಿಕೊಂಡಿದೆ.

ಸಾಂಪ್ರದಾಯಿಕ ಮಾಧ್ಯಮಗಳ ಮೌಲ್ಯದಲ್ಲಿ ಸತತ ಕುಸಿತ:ವಿಶೇಷ ಎಂದರೆ ಸಾಂಪ್ರದಾಯಿಕ ಮಾಧ್ಯಮಗಳು ಸತತವಾಗಿ ತಮ್ಮ ಮೌಲ್ಯವನ್ನು ಕಳೆದುಕೊಳ್ಳುತ್ತಾ ಸಾಗಿದೆ. ಆದರೆ, ಸೋಷಿಯಲ್​ ಮೀಡಿಯಾ ಪ್ಲಾಟ್​​ಫಾರ್ಮ್​ಗಳು, ಲೈವ್​ ಸ್ಟ್ರೀಮಿಂಗ್​ಗಳು ತಮ್ಮ ಮೌಲ್ಯವನ್ನು ದಿನದಿಂದ ದಿನಕ್ಕೆ ಹೆಚ್ಚಿಸಿಕೊಳ್ಳುತ್ತಲೇ ಸಾಗಿವೆ.

ಬ್ರ್ಯಾಂಡ್ ಫೈನಾನ್ಸ್ ಗ್ಲೋಬಲ್ 500 ರ ಶ್ರೇಯಾಂಕದಲ್ಲಿ ತಂತ್ರಜ್ಞಾನ ಕಂಪನಿಗಳ ಮೇಲುಗೈ:ಇನ್ನು ತಂತ್ರಜ್ಞಾನ ಕ್ಷೇತ್ರದ ಕಂಪನಿಗಳ ಒಟ್ಟಾರೆ ಬೆಳವಣಿಗೆ ಆಶಾದಾಯವಾಗಿದೆ. ಬ್ರ್ಯಾಂಡ್ ಫೈನಾನ್ಸ್ ಗ್ಲೋಬಲ್ 500 ರ ಶ್ರೇಯಾಂಕದಲ್ಲಿ ಟೆಕ್​​​​​​​ ಕಂಪನಿಗಳು ಅತ್ಯಂತ ಮೌಲ್ಯಯುತ ಎಂದು ಸಾಬೀತಾಗಿದೆ. ಈ ಕಂಪನಿಗಳ ಸಂಚಿತ ಬ್ರ್ಯಾಂಡ್ ಮೌಲ್ಯವು ಸುಮಾರು $1.3 ಟ್ರಿಲಿಯನ್ ಆಗಿದೆ.

ಒಟ್ಟಾರೆಯಾಗಿ 50 ಟೆಕ್ ಬ್ರ್ಯಾಂಡ್‌ಗಳು ಶ್ರೇಯಾಂಕದಲ್ಲಿ ಪ್ರಮುಖ ಭೂಮಿಕೆಯನ್ನು ನಿಭಾಯಿಸಿವೆ. ಆಪಲ್, ಮೈಕ್ರೋಸಾಫ್ಟ್ (ಬ್ರಾಂಡ್ ಮೌಲ್ಯ $184.2 ಬಿಲಿಯನ್) ಮತ್ತು ಸ್ಯಾಮ್‌ಸಂಗ್ ಗ್ರೂಪ್ (ಬ್ರ್ಯಾಂಡ್ ಮೌಲ್ಯ $107.3 ಬಿಲಿಯನ್) ಜೊತೆಗೆ ಇತರ ಕಂಪನಿಗಳು ಪಟ್ಟಿಯಲ್ಲಿ ಪಾರಮ್ಯ ಮೆರೆದಿವೆ.

ಇನ್ನು ಹ್ಯುವಾಯ್​ ವಿಶ್ವದ 10ನೇ ಟಾಪ್​ ಬ್ರ್ಯಾಂಡ್​​​​ ಆಗಿ ಗುರುತಿಸಿಕೊಂಡಿದೆ. ಶೇ 29ರಷ್ಟು ಬೆಳವಣಿಗೆ ಸಾಧಿಸಿರುವ Huawei $71.2 ಶತಕೋಟಿ ಡಾಲರ್​ ಮಾರುಕಟ್ಟೆ ಮೌಲ್ಯವನ್ನು ಹೊಂದಿದೆ.

ಇದನ್ನೂ ಓದಿ:ಸತ್ಯ ನಾಡೆಲ್ಲ ವಿಶ್ವದ ನಂಬರ್​ ಒನ್​ ಸಿಇಒ.. ಟಾಟಾದ ಚಂದ್ರಶೇಖರನ್​​ಗೆ 25ನೇ ಸ್ಥಾನ.. ಮುಖೇಶ್​ ಅಂಬಾನಿ ಸ್ಥಾನ ಎಷ್ಟು ಗೊತ್ತಾ?