ನವದೆಹಲಿ:ಮುಂದಿನ ವಾರ ಸುಪ್ರೀಂಕೋರ್ಟ್ ವಿಚಾರಣೆ ಹೊರಬೀಳುವವರೆಗೂ ಯಾವುದೇ ಎಜಿಆರ್ನ ಬಾಕಿ ಹಣ ಪಾವತಿಸುವುದಿಲ್ಲ ಎಂದು ಭಾರ್ತಿ ಏರ್ಟೆಲ್ ಟೆಲಿಕಾಂ ಇಲಾಖೆಗೆ ತಿಳಿಸಿದೆ.
'ಇಂದು ಎಜಿಆರ್ ಬಾಕಿ ಪಾವತಿ ಮಾಡುವುದಿಲ್ಲ. ಸುಪ್ರೀಂಕೋರ್ಟ್ನ ಮಾರ್ಪಾಡು ಅರ್ಜಿ ವಿಚಾರಣೆ ಮುಗಿದು ತೀರ್ಪು ಬರುವವರೆಗೂ ಕಾಯುವಂತೆ' ಏರ್ಟೆಲ್, ಡಿಒಟಿಗೆ ಪತ್ರ ಮುಖೇನ ತಿಳಿಸಿದೆ.
ಅಕ್ಟೋಬರ್ 24ರ ಸುಪ್ರೀಂಕೋರ್ಟ್ ಆದೇಶದ ಪ್ರಕಾರ, ಜನವರಿ 23ರ ಗಡುವು ಇಂದಿಗೆ ಕೊನೆಗೊಳ್ಳುತ್ತದೆ. ಯಾವುದೇ ಶುಲ್ಕ ಪಾವತಿಸುವುದಿಲ್ಲ ಮತ್ತು ಮುಂದಿನ ತೀರ್ಪಿನವರೆಗೂ ಕಾಯುವುದಾಗಿ ತಿಳಿಸಿದೆ. ವೊಡಾಫೋನ್- ಐಡಿಯಾ ಕೂಡ ಇದೇ ನಿಲುವು ತೆಗೆದುಕೊಂಡಿದೆ.
ಏರ್ಟೆಲ್ನ ಎಜಿಆರ್ ಬಾಕಿ ಮೊತ್ತ ₹ 35,586 ಕೋಟಿ ಮತ್ತು ವೊಡಾಫೋನ್- ಐಡಿಯಾದ ಮೊತ್ತ ₹ 52,039 ಕೋಟಿಯಷ್ಟಿದೆ. ಟಾಟಾ ಟೆಲಿಸರ್ವೀಸ್ ಸೇರಿ ಒಟ್ಟು ಎಜಿಆರ್ ಬಾಕಿ 1.02 ಲಕ್ಷ ಕೋಟಿಯಷ್ಟಿದೆ.
