ನವದೆಹಲಿ: ದೇಶದ ಅತಿದೊಡ್ಡ ಕಾರು ತಯಾರಕ ಮಾರುತಿ ಸುಜುಕಿ ಇಂಡಿಯಾ, ಮಾರ್ಚ್ನಲ್ಲಿ ಉತ್ಪಾದನೆಯನ್ನು ಶೇ 32.05ರಷ್ಟು ತಗ್ಗಿಸಿದೆ ಎಂದು ಕಂಪನಿಯ ನಿಯಂತ್ರಕ ಫೈಲಿಂಗ್ನಲ್ಲಿ ತಿಳಿಸಿದೆ.
ಕಂಪನಿಯು ಮಾರ್ಚ್ನಲ್ಲಿ ಒಟ್ಟು 92,540 ಯುನಿಟ್‌ಗಳನ್ನು ಉತ್ಪಾದಿಸಿದ್ದು, ಹಿಂದಿನ ವರ್ಷ ಅವಧಿಯಲ್ಲಿ 1,36,201 ಯುನಿಟ್‌ಗಳನ್ನು ಮಾರಾಟ ಮಾಡಿದೆ ಎಂದಿದೆ.
ಕಳೆದ ತಿಂಗಳು ಪ್ರಯಾಣಿಕರ ವಾಹನ ಉತ್ಪಾದನೆಯು 91,602 ಯುನಿಟ್ ಆಗಿದ್ದು, 2019ರ ಮಾರ್ಚ್ನಲ್ಲಿ 1,35,236 ಯುನಿಟ್ ಇತ್ತು. ಇದು ಶೇ 32.26ರಷ್ಟು ಕಡಿಮೆಯಾಗಿದೆ ಎಂದು ಹೇಳಿದೆ.
ಆಲ್ಟೊ, ಎಸ್-ಪ್ರೆಸ್ಸೊ ವ್ಯಾಗನಾರ್, ಸಿಲೆರಿಯೊ, ಇಗ್ನಿಸ್, ಸ್ವಿಫ್ಟ್, ಬಾಲೆನೊ ಮತ್ತು ಡಿಜೈರ್ ಸೇರಿದಂತೆ ಮಿನಿ ಮತ್ತು ಕಾಂಪ್ಯಾಕ್ಟ್ ಸೆಗ್ಮೆಂಟ್ ಕಾರುಗಳ ಉತ್ಪಾದನೆಯು 67,708 ಯುನಿಟ್ಗಳಾಗಿದ್ದು, ಕಳೆದ ಮಾರ್ಚ್ನಲ್ಲಿ 98,602 ಯುನಿಟ್ಗಳಷ್ಟು ಇದದ್ದು ಶೇ 31.33ರಷ್ಟು ಕಡಿಮೆಯಾಗಿದೆ.
ಯುಟಿಲಿಟಿ ವಾಹನಗಳಾದ ವಿಟಾರಾ ಬ್ರೆಝಾ, ಎರ್ಟಿಗಾ ಮತ್ತು ಎಸ್-ಕ್ರಾಸ್‌ಗಳ ಉತ್ಪಾದನೆಯು ಶೇ 14.19ರಷ್ಟು ಕುಸಿದು 15,203 ಯುನಿಟ್‌ಗಳಿಗೆ ತಲುಪಿದೆ. ಮಧ್ಯಮ ಗಾತ್ರದ ಸೆಡಾನ್ ಸಿಯಾಜ್ ಕಳೆದ ವರ್ಷ ಇದೇ ತಿಂಗಳಲ್ಲಿ 3,205 ಯುನಿಟ್‌ಗಳಿದ್ದು, ಈ ಮಾರ್ಚ್ನಲ್ಲಿ ಇದರ ಉತ್ಪಾದನೆ 2,146ಕ್ಕೆ ಇಳಿದಿದೆ.
ಲಘು ವಾಣಿಜ್ಯ ವಾಹನ ಉತ್ಪಾದನೆಯು 2019ರ ಮಾರ್ಚ್ನಲ್ಲಿ 965 ಯುನಿಟ್‌ಗಳಿಂದ ಕಳೆದ ತಿಂಗಳು 938 ಯುನಿಟ್‌ಗಳಿಗೆ ಇಳಿದಿದೆ ಎಂದು ಫೈಲಿಂಗ್ನಲ್ಲಿ ತಿಳಿಸಿದೆ.