ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮ (ಎಲ್ಐಸಿ) 8,000 ಅಸಿಸ್ಟೆಂಟ್ ಹುದ್ದೆಗಳ ನೇಮಕಾತಿಗೆ ಪ್ರಕಟಣೆ ಹೊರಡಿಸಿದೆ.
ಆಸಕ್ತ ಅಭ್ಯರ್ಥಿಗಳು ಸೆಪ್ಟೆಂಬರ್ 17ರಿಂದ ಆನ್ಲೈನ್ ಮುಖಾಂತರ ಪ್ರಕಟಿತ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು. ಅರ್ಜಿ ಸಲ್ಲಿಕೆಗೆ ಅಕ್ಟೋಬರ್ 1 ಕೊನೆಯ ದಿನಾಂಕವಾಗಿದ್ದು, ಹೆಚ್ಚಿನ ಮಾಹಿತಿಗೆ ttps://licindia.inಗೆ ಭೇಟಿ ನೀಡುವಂತೆ ಕೋರಿದೆ.
ಅರ್ಹತೆ:
ಮಾನ್ಯತೆ ಪಡೆದ ಯಾವುದೇ ವಿಶ್ವವಿದ್ಯಾನಿಲಯದಿಂದ ಪದವಿ ಪಡೆದಿರಬೇಕು.
ಸಂಬಳ:
ಮಾಸಿಕ ವೇತನ ₹ 14,435 ನಿಗದಿಪಡಿಸಲಾಗಿದೆ
ಪರೀಕ್ಷಾ ವಿಧಾನ:
ಬ್ಯಾಂಕ್ ಮತ್ತು ಪಿಒ ಪರೀಕ್ಷೆಗಳಂತೆ ಎಲ್ಐಸಿ ಪರೀಕ್ಷಾ ವಿಧಾನ ನಡೆಯಲಿದೆ
ಕೆಲ ಮಹತ್ವದ ದಿನಾಂಕಗಳು:
ಅರ್ಜಿ ಸಲ್ಲಿಕೆಯ ಆರಂಭ- ಸೆಪ್ಟೆಂಬರ್ 17
ಅರ್ಜಿ ಸಲ್ಲಿಕೆಯ ಕೊನೆಯ ದಿನ- ಅಕ್ಟೋಬರ್ 1
ಮುದ್ರಿತ ಅರ್ಜಿ ಸಲ್ಲಿಸುವ ಕೊನೆಯ ದಿನ- 22 ಅಕ್ಟೋಬರ್
ಆಯ್ಕೆ ವಿಧಾನ:
ಪ್ರೈಮರಿ ಆನ್ಲೈನ್ ಪರೀಕ್ಷೆ ಮತ್ತು ಮುಖ್ಯ ಆನ್ಲೈನ್ ಪರೀಕ್ಷೆಯಲ್ಲಿ ಅಭ್ಯರ್ಥಿ ಜ್ಯೇಷ್ಠತೆ ಆಧರಿಸಿ ನೇಮಕಾತಿ ನಡೆಯಲಿದೆ. ನಂತರ ನೇರ ಸಂದರ್ಶನ ನಡೆಯಲಿದೆ. ಮುಖ್ಯ ಪರೀಕ್ಷೆ ಮತ್ತು ಸಂದರ್ಶನದಲ್ಲಿ ಪಡೆದ ಅಂಕಗಳನ್ನು ತಾಳೆ ಹಾಕಿ ಅಂತಿಮ ನೇಮಕಾತಿ ನಡೆಯಲಿದೆ.