800+ ಸಿಬಿಲ್​ ಸ್ಕೋರ್​ದಾರರಿಗೆ LIC ಗೃಹ ಸಾಲ ದರ ಶೇ 7.5ಕ್ಕೆ ಇಳಿಕೆ

ವ್ಯವಸ್ಥೆಯಲ್ಲಿ ಸಾಕಷ್ಟು ದ್ರವ್ಯತೆಯನ್ನು ಒದಗಿಸಲು ಆರ್‌ಬಿಐ ಹಲವಾರು ಕ್ರಮಗಳನ್ನು ಇತ್ತೀಚೆಗೆ ತೆಗೆದುಕೊಂಡಿತ್ತು. ಇದರ ಲಾಭವನ್ನು ಗ್ರಾಹಕರಿಗೆ ವರ್ಗಾಯಿಸಲು ಎಲ್‌ಐಸಿ ಹೌಸಿಂಗ್ ಫೈನಾನ್ಸ್ ಮುಂದಾಗಿದೆ.

ನವದೆಹಲಿ: ಅಡಮಾನ ಸಾಲದ ಎಲ್‌ಐಸಿ ಹೌಸಿಂಗ್ ಫೈನಾನ್ಸ್ ಲಿಮಿಟೆಡ್ (ಎಲ್‌ಐಸಿಎಚ್‌ಎಫ್ಎಲ್) ಸಿಬಿಲ್ ಸ್ಕೋರ್ 800 ಮತ್ತು ಅದಕ್ಕಿಂತ ಹೆಚ್ಚಿನ ಅಂಕ ಹೊಂದಿದ್ದರೇ ಹೊಸ ಗೃಹಬಳಕೆದಾರರಿಗೆ ಸಾಲ ನೀಡುವ ದರ ಶೇ 7.5ಕ್ಕೆ ಇಳಿಸುವುದಾಗಿ ತಿಳಿಸಿದೆ.

ವ್ಯವಸ್ಥೆಯಲ್ಲಿ ಸಾಕಷ್ಟು ದ್ರವ್ಯತೆಯನ್ನು ಒದಗಿಸಲು ಆರ್‌ಬಿಐ ಹಲವಾರು ಕ್ರಮಗಳನ್ನು ತೆಗೆದುಕೊಂಡಿದೆ. ಇದರ ಲಾಭವನ್ನು ಗ್ರಾಹಕರಿಗೆ ವರ್ಗಾಯಿಸಲು ಎಲ್‌ಐಸಿ ಮುಂದಾಗಿದೆ.

ನಾವು ಹಣದ ಅಗ್ಗದ ವೆಚ್ಚ ಸಹ ಪಡೆಯುತ್ತಿದ್ದೇವೆ. ಆ ಪ್ರಯೋಜನವನ್ನು ಗ್ರಾಹಕರಿಗೆ ತಲುಪಿಸಲು ಬಯಸುತ್ತೇವೆ. ಈ ವಲಯಕ್ಕೆ ಗ್ರಾಹಕರ ವಿಶ್ವಾಸವನ್ನು ಮರಳಿ ತರಲು ಇದು ನೆರವಾಗಲಿದೆ ಎಂದು ಎಲ್‌ಐಸಿಎಚ್‌ಎಫ್ಎಲ್ ವ್ಯವಸ್ಥಾಪಕ ನಿರ್ದೇಶಕ/ ಸಿಇಒ ಸಿದ್ಧಾರ್ಥ ಮೊಹಂತಿ ಹೇಳಿದರು.

ವಸತಿ ಹಣಕಾಸು ತಜ್ಞರು ನೂತನ ವಸತಿ ಖರೀದಿದಾರರಿಗೆ ಹೆಚ್ಚುವರಿ 10 ಬೇಸಿಸ್ ಪಾಯಿಂಟ್‌ ಲಾಭ ನೀಡುತ್ತಾರೆ. ತಮ್ಮ ಅಸ್ತಿತ್ವದಲ್ಲಿರುವ ಅಥವಾ ಹೊಸ ಸಿಂಗಲ್ ಟರ್ಮ್ ವಿಮೆ ಪಾಲಿಸಿಯನ್ನು ಅದರಿಂದ ಪಡೆದ ಸಾಲಕ್ಕೆ ಜೋಡಿಸುವ ಗ್ರಾಹಕರಿಗೆ ಶೇ 7.4ರಷ್ಟು ಗೃಹ ಸಾಲ ನೀಡುತ್ತಾರೆ.

ಸಾಲಗಾರನ ಅಕಾಲಿಕ ಮರಣದ ಸಂದರ್ಭದಲ್ಲಿ, ಟರ್ಮ್ ಪಾಲಿಸಿ ಸಾಲ ನೋಡಿಕೊಳ್ಳುತ್ತದೆ ಎಂದು ಮೊಹಾಂತಿ ಹೇಳಿದರು.

ಸಿಬಿಲ್ ಸ್ಕೋರ್ 800ಕ್ಕಿಂತ ಕಡಿಮೆ ಆದರೆ ಹೆಚ್ಚಿನ ಬಡ್ಡಿದರ ಹೊಂದಿರುವ ಹೊಸ ಮನೆ ಖರೀದಿದಾರರಿಗೆ ಗೃಹ ಸಾಲಗಳ ಕಡಿತವು ಲಭ್ಯವಿರುತ್ತದೆ. ಸಾಲಗಾರರ ಸಿಬಿಲ್ ಸ್ಕೋರ್‌ ಅನ್ವಯ ಬಡ್ಡಿದರದ ಕ್ರೆಡಿಟ್ ಅರ್ಹತೆಗೆ ಸಂಬಂಧಿಸಿದೆ ಎಂದು ಕಂಪನಿ ತಿಳಿಸಿದೆ.