ನವದೆಹಲಿ:ಚೀನಾ ಮೂಲದ ತಂತ್ರಜ್ಞಾನ ದೈತ್ಯ ಲೆನೋವೋ ಕಂಪನಿ ಭಾರತೀಯ ಮಾರುಕಟ್ಟೆಗೆ ನೂತನ ಶೈಲಿಯ ಸ್ಮಾರ್ಟ್ ಕೈ ಗಡಿಯಾರವನ್ನು ಬಿಡುಗಡೆ ಮಾಡಿದ್ದು, ಇದರಲ್ಲಿ ಎಚ್ಡಬ್ಲ್ಯು 25ಪಿ ಸಾಮರ್ಥ್ಯದ ಕ್ಯಾಮೆರ್ ಫೀಚರ್ ಹೊಂದಿದೆ.
ಆಕರ್ಷಣಿಯ ಕಪ್ಪು ಮತ್ತು ಹಸಿರು ಬಣ್ಣದ ಸ್ಮಾರ್ಟ್‌ವಾಚ್ ಸೆಪ್ಟೆಂಬರ್ 15ರಿಂದ ಫ್ಲಿಪ್ಕಾರ್ಟ್ನಲ್ಲಿ ಖರೀದಿಗೆ ದೊರೆಯಲಿದ್ದು, ಪ್ರತಿ ವಾಚ್ನ ಬೆಲೆಯನ್ನು ₹ 3,499 ನಿಗದಿಪಡಿಸಲಾಗಿದೆ.
1.3 ಇಂಚಿನ ಐಪಿಎಸ್ ವರ್ಣರಂಜಿತ ಡಿಸ್ಪ್ಲೇ ಜೊತೆಗೆ 2.5 ಡಿ ಬಾಗಿದ ಮೇಲ್ಮೈ ವಿನ್ಯಾಸ ಹೊಂದಿದೆ. ಐಪಿ 68 ರೇಟ್ ಹೊಂದಿದ್ದು, ನೀರು ಮತ್ತು ಧೂಳು ನಿರೋಧಕವಾಗಿದೆ. ಬಳಕೆದಾರರ ನಿದ್ರೆ ಮತ್ತು ದೈನಂದಿನ ಚಟುವಟಿಕೆಯನ್ನು ಸಹ ಟ್ರ್ಯಾಕ್ ಮಾಡಲಿದೆ.
ಒಂದು ಬಾರಿ ಚಾರ್ಜ್‌ ಮಾಡಿದರೆ 7 ದಿನಗಳವರೆಗೆ ಬ್ಯಾಟರಿ ಬಾಳ್ವಿಕೆ ಬರಲಿದೆ. ಸ್ಪೋರ್ಟ್ಸ್ ಮೋಡ್ ಸಹ ಹೊಂದಿದ್ದು ಸ್ಕಿಪ್ಪಿಂಗ್, ಬ್ಯಾಡ್ಮಿಂಟನ್, ಬ್ಯಾಸ್ಕೆಟ್‌ಬಾಲ್, ಫುಟ್‌ಬಾಲ್, ಈಜು, ವಾಕಿಂಗ್, ರನ್ನಿಂಗ್, ಸೈಕ್ಲಿಂಗ್ ಸೇರಿದಂತೆ ಇತರೆ ಕ್ರೀಡೆಗಳಲ್ಲೂ ಧರಿಸಬಹುದು.
