ಬೆಂಗಳೂರು: 'ಮೆಡಿಸಿನ್ ಮೇಕರ್ ಪವರ್ ಲಿಸ್ಟ್ 2020'ರ ಪಟ್ಟಿಯಲ್ಲಿ ಬೆಂಗಳೂರಿನ ಬಯೋಕಾನ್ ಲಿಮಿಟೆಡ್ನ ಕಾರ್ಯನಿರ್ವಾಹಕ ಅಧ್ಯಕ್ಷೆ ಕಿರಣ್ ಮಜುಂದಾರ್ ಶಾ ಅವರು ವಿಶ್ವದ ಅಗ್ರ 20 ಸ್ಪೂರ್ತಿದಾಯಕ ನಾಯಕರಲ್ಲಿ ಸ್ಥಾನ ಪಡೆದಿದ್ದಾರೆ.
ಜಾಗತಿಕ ಉದ್ಯಮ ಮತ್ತು ನವೀನ ವ್ಯಾಪಾರ ನಾಯಕತ್ವದ ಔಷಧ ಕ್ಷೇತ್ರಕ್ಕೆ ನೀಡಿದ ಕೊಡುಗೆಗಾಗಿ ಶಾ ಅವರಿಗೆ ಈ ಗೌರವ ಲಭಿಸಿದೆ.
'2020ರ ಮೆಡಿಸಿನ್ ಮೇಕರ್ ಪವರ್ ಲಿಸ್ಟ್ 20' ಅಡಿ, ಸಣ್ಣ ಅಣು (ಸ್ಮಾಲ್ ಮಾಲಿಕ್ಯೂಲ್), ಜೈವಿಕ ಔಷಧಗಳು ಮತ್ತು ಸುಧಾರಿತ ಔಷಧಗಳಲ್ಲಿ ಹೊಸತನ ತಂದ ಜಾಗತಿಕವಾಗಿ 60 ಸಾಧಕರನ್ನು ಗುರುತಿಸಲಾಗಿದೆ. ಇದರಲ್ಲಿ ಕಿರನ್ ಮಜುಂದಾರ್ ಶಾ ಅಗ್ರ 20ನೇ ಸ್ಥಾನ ಪಡೆದಿದ್ದಾರೆ.
ಹೊಸ ಔಷಧಗಳನ್ನು ಅಭಿವೃದ್ಧಿಪಡಿಸುವ ಮೂಲಕ ಮತ್ತು ಕೋವಿಡ್ -19 ಲಸಿಕೆಗಳು ಹಾಗೂ ಚಿಕಿತ್ಸೆಯನ್ನು ಆದಷ್ಟು ಬೇಗ ಮಾರುಕಟ್ಟೆಗೆ ತರುವಲ್ಲಿ ಸಹಾಯ ಹಸ್ತ ನೀಡಿ, ಉದ್ಯಮವನ್ನು ಮುಂದಕ್ಕೆ ಸಾಗಿಸುವ ಹಾಗೂ ಜೀವ ಉಳಿಸುವ ವೃತ್ತಿಪರರು ಒಳಗೊಂಡಂತೆ ತೋರುತ್ತಿದೆ. ಮಜುಂದಾರ್-ಶಾ ಅವರು 2015ರಿಂದ ಸತತ ಆರು ವರ್ಷಗಳಿಂದ ಮೆಡಿಸಿನ್ ಮೇಕರ್ ಪವರ್ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ.