ಐಒಎಸ್​, ಐಪ್ಯಾಡ್​ ಒಎಸ್​ ಬಳಕೆದಾರರಿಗೆ ಹೊಸ ಫೀಚರ್​ ಪರಿಚಯಿಸಲಿದೆ ಆ್ಯಪಲ್

ಐಫೋನ್, ಐಪ್ಯಾಡ್​ ಬಳಕೆದಾರರಿಗೆ ನೂತನ ಫೀಚರ್​ ಅನ್ನು ಆ್ಯಪಲ್ ಪರಿಚಯಿಸಲಿದ್ದು, ಐಒಎಸ್​ 14 ಮತ್ತು ಐಪ್ಯಾಡ್​ ಒಎಸ್​ 14 ಬಳಕೆದಾರರಿಗೆ ಶೀಘ್ರದಲ್ಲೇ ಲಭ್ಯವಾಗಲಿದೆ.

ನವದೆಹಲಿ:ಐಫೋನ್ ಮತ್ತು ಐಪ್ಯಾಡ್ ಬಳಕೆದಾರರಿಗೆ ಹೊಸ ಐಒಎಸ್ 14 ಮತ್ತು ಐಪ್ಯಾಡ್​ ಒಎಸ್​ 14 ನಲ್ಲಿ ಡಿಫಾಲ್ಟ್ ಇ-ಮೈಲ್ ಮತ್ತು ಬ್ರೌಸರ್ ಅಪ್ಲಿಕೇಶನ್‌ಗಳನ್ನು ಬದಲಾಯಿಸಲು ಆ್ಯಪಲ್ ಹೊಸ ಫೀಚರ್​ ಪರಿಚಯಿಸಲಿದೆ.

ಇನ್ನು ಬದಲಾವಣೆಯ ಬಗ್ಗೆ ಕಂಪನಿ ವಿವರ ನೀಡಿಲ್ಲ. ನೂತನ ಫೀಚರ್​ ಅಪ್ಡೇಟ್​ ಆದರೆ, ಹೊಸ ಇ-ಮೈಲ್ ರಚಿಸುವಾಗ ಅಥವಾ ಲಿಂಕ್ ಕ್ಲಿಕ್​ ಮಾಡಿದಾಗ ಡಿಫಾಲ್ಟ್ ವೆಬ್ ಬ್ರೌಸರ್ ಮತ್ತು ಇ -ಮೈಲ್​ ಅಪ್ಲಿಕೇಶನ್ ಹೊಂದಿಸಲು(ಸೆಟ್​ ಮಾಡಲು) ಪ್ರಿ-ವೀವ್​ ಪೇಜ್ ಆಯ್ಕೆಯಾಗಿ ಬರಲಿದೆ. ​

ಹೊಸ ಫೀಚರ್​ ಇನ್ನೂ ಅಪ್ಡೇಟ್​ ಮಾಡಲಾಗಿಲ್ಲ. ಡೆವಲಪರ್​ಗಳು ಇದರ ಮೇಲೆ ಕಾರ್ಯ ನಿರ್ವಹಿಸುತ್ತಿದ್ದಾರೆ ಎಂದು ಮೊಬೈಲ್ ಕಂಪನಿ ದಿ ವರ್ಜ್​ ಹೇಳಿದೆ.