ನವದೆಹಲಿ:ದೇಶೀಯ ಖಾಸಗಿ ವಿಮಾನಯಾನ ಸಂಸ್ಥೆ ಇಂಡಿಗೊ, ತನ್ನ ಪ್ರಯಾಣಿಕರ ಅನುಕೂಲಕ್ಕಾಗಿ ಹೊಸ ಸೇವೆ ಪ್ರಾರಂಭಿಸಿದೆ.
ಇನ್ನು ಮುಂದೆ ಪ್ರಯಾಣಿಕರು ತಮ್ಮ ಬ್ಯಾಗ್‌ಗಳನ್ನು ಮನೆಯಿಂದ ವಿಮಾನ ನಿಲ್ದಾಣಕ್ಕೆ ಅಥವಾ ವಿಮಾನ ನಿಲ್ದಾಣದಿಂದ ಮನೆಗೆ (ಡೋರ್ ಟು ಡೋರ್ ಲಗೇಜ್ ಸರ್ವೀಸ್) ಮೂಲಕ ಸಾಗಿಸಬಹುದು. ಈ ಸೇವೆ ಪ್ರಸ್ತುತ ದೆಹಲಿ ಮತ್ತು ಹೈದರಾಬಾದ್‌ನಲ್ಲಿ ಲಭ್ಯವಿದೆ. ಶೀಘ್ರದಲ್ಲೇ ಮುಂಬೈ ಮತ್ತು ಬೆಂಗಳೂರಿನಲ್ಲಿ ಲಭ್ಯವಾಗಲಿದೆ ಎಂದು ವಿಮಾನಯಾನ ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.
ಪ್ರಮುಖ ಆನ್‌ಲೈನ್ ಲಾಜಿಸ್ಟಿಕ್ಸ್ ಸೇವೆಗಳ ಕಂಪನಿಯಾದ ಕಾರ್ಟರ್ ಪೋರ್ಟರ್‌ನ ಸಹಭಾಗಿತ್ವದಲ್ಲಿ ಇಂಡಿಗೊ ಈ ಸೇವೆಗಳನ್ನು ‘6 ಇಬ್ಯಾಗ್‌ಪೋರ್ಟ್’ ಹೆಸರಿನಲ್ಲಿ ಶುರು ಮಾಡಿದೆ. 6 ಇಬ್ಯಾಗ್‌ಪೋರ್ಟ್‌ನೊಂದಿಗೆ ಪ್ರಯಾಣಿಕರಿಂದ ಸಾಮಾನುಗಳನ್ನು ತೆಗೆದುಕೊಂಡು ಅದನ್ನು ಸುರಕ್ಷಿತವಾಗಿ ಅವರಿಗೆ ಸಂಬಂಧಿಸಿದ ನಿಗದಿತ ಸ್ಥಳಕ್ಕೆ ತಲುಪಿಸುವುದಾಗಿ ವಿಮಾನಯಾನ ಸಂಸ್ಥೆ ಭರವಸೆ ಕೊಟ್ಟಿದೆ.