ನವದೆಹಲಿ: ಲಾಕ್ಡೌನ್ನಿಂದ ಆರ್ಬಿಐ ತಾತ್ಕಾಲಿಕವಾಗಿ ಇಎಂಐ ಪಾವತಿಯನ್ನು ನಿಷೇಧಿಸಿದೆ. ದುಷ್ಕರ್ಮಿಗಳು ಇದನ್ನು ದುರುಪಯೋಗಪಡಿಸಿಕೊಂಡು ವಂಚಿಸುವ ಸಾಧ್ಯತೆ ಇದೆ. ಬ್ಯಾಂಕ್ಗಳ ಹೆಸರಿನಲ್ಲಿ ಯಾರಾದರೂ ಕರೆ ಮಾಡಿ ಒಟಿಪಿ ಮತ್ತು ಇತರೆ ಮಾಹಿತಿ ಕೇಳಿದರೆ ನೀಡಬಾರದು ಎಂದು ಪ್ರಮುಖ ಬ್ಯಾಂಕ್ಗಳು ತಮ್ಮ ಗ್ರಾಹಕರಿಗೆ ಎಚ್ಚರಿಕೆ ನೀಡಿವೆ.
ಕಳೆದ ಕೆಲವು ದಿನಗಳಿಂದ ಎಕ್ಸಿಸ್ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸೇರಿದಂತೆ ಇತರ ಬ್ಯಾಂಕ್ಗಳು ತಮ್ಮ ಗ್ರಾಹಕರಿಗೆ ಎಸ್‌ಎಂಎಸ್ ಮತ್ತು ಇ-ಮೇಲ್‌ಗಳನ್ನು ವಂಚನೆಯ ಬಗ್ಗೆ ಕಳುಹಿಸಿವೆ.
ಆನ್ಲೈನ್ ವಂಚಕರು ಇಎಂಐ ವಿನಾಯಿತಿ ನೀಡುವುದಾಗಿ ಬ್ಯಾಂಕ್ಗಳ ಪ್ರತಿನಿಧಿ ಹೆಸರಿನಲ್ಲಿ ವಂಚಿಸುವ ಸಾಧ್ಯತೆ ಇದೆ. ಇದು ಹೊಸ ಸೈಬರ್ ವಂಚನೆ ವಿಧಾನವಾಗಿದೆ. ಈ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ಎಕ್ಸಿಸ್ ಬ್ಯಾಂಕ್ ತನ್ನ ಗ್ರಾಹಕರಿಗೆ ಇ-ಮೇಲ್ ಮೂಲಕ ಎಚ್ಚರಿಕೆ ನೀಡಿದೆ.