ಗಂಟೆಗೆ 75,000 ಕೋಟಿ ರೂ. ಗಳಿಸಿದ್ರೂ ಮಸ್ಕ್​ಗೆ ಧಕ್ಕಲಿಲ್ಲ ವಿಶ್ವದ ನಂ.1 ಶ್ರೀಮಂತ ಪಟ್ಟ: ಏಕೆ ಗೊತ್ತೇ?

ಬೆಜೋಸ್‌ನ ಅಮೆಜಾನ್.ಕಾಮ್ ಇಂಕ್ ಷೇರುಗಳ ಏರಿಕೆಯು ಆತನಿಗೆ 6 ಬಿಲಿಯನ್ ಗಳಿಸಲು ಸಹಾಯ ಮಾಡಿತು. ಬೆಜೋಸ್​​ ಅವರ ನಿವ್ವಳ ಮೌಲ್ಯ 180 ಬಿಲಿಯನ್‌ ಡಾಲರ್​ಗೆ ತಲುಪಿದೆ. ಸ್ಥಿರ ತ್ರೈಮಾಸಿಕ ಲಾಭ, ಅಧ್ಯಕ್ಷ ಜೋ ಬೈಡನ್ ಅವರ ಶುದ್ಧ ತಂತ್ರಜ್ಞಾನಗಳ ಸ್ವೀಕಾರ ಮತ್ತು ಚಿಲ್ಲರೆ ಹೂಡಿಕೆದಾರರ ಉತ್ಸಾಹದಿಂದ ಟೆಸ್ಲಾ ಷೇರುಗಳ ಏರಿಕೆಗೆ ಕಾರಣವಾಯಿತು.

ನ್ಯೂಯಾರ್ಕ್​: ಸಂಪತ್ತಿನ ಗಳಿಕೆಯಲ್ಲಿ ಎಲೆಕ್ಟ್ರಿಕ್​ ಕಾರು ತಯಾರಿಕ ಟೆಸ್ಲಾ ಕಂಪನಿ ಸಿಇಒ ಎಲೋನ್ ಮಸ್ಕ್ ಹೊಸ ಮೈಲಿಗಲ್ಲನ್ನು ಮುಟ್ಟಿದ್ದಾರೆ. ಒಂದೇ ದಿನದಲ್ಲಿ 25 ಬಿಲಿಯನ್ ಡಾಲರ್ (1.82 ಲಕ್ಷ ಕೋಟಿ​ ರೂ.; ಗಂಟೆಗೆ 75,000 ಕೋಟಿ ರೂ.) ಗಳಸಿದ್ದಾರೆ.

ಬ್ಲೂಮ್‌ಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, ಟೆಸ್ಲಾ ಇಂಕ್‌ನ ಮಂಗಳವಾರದ ಶೇ 20ರಷ್ಟು ಜಿಗಿತ -ಒಂದು ವರ್ಷಕ್ಕಿಂತಲೂ ದೊಡ್ಡದಾಗಿದೆ. ಇದು ಮಸ್ಕ್​ ಅವರನ್ನು 174 ಬಿಲಿಯನ್‌ ಡಾಲರ್​ಗೆ ತಳ್ಳಿದ್ದು, ವಿಶ್ವದ ಶ್ರೀಮಂತ ವ್ಯಕ್ತಿ ಜೆಫ್ ಬೆಜೋಸ್ ಅವರೊಂದಿಗಿನ ಅಂತರ ತಗ್ಗಿಸಿದೆ. ರಾತ್ರೋರಾತ್ರಿ ನಾಸ್ಡಾಕ್ ಶೇ 3.7ರಷ್ಟು ಏರಿಕೆಯಾಗಿದ್ದು, ಆ್ಯಪಲ್, ಅಮೆಜಾನ್ ಮತ್ತು ಫೇಸ್‌ಬುಕ್‌ನಂತಹ ಬಿಗ್ ಟೆಕ್ ಕಂಪನಿಗಳ ಭಾರಿ ಲಾಭಗಳಿಸಿಕೊಂಡಿವೆ.

ಇದನ್ನೂ ಓದಿ: ಆದ್ಯತಾ ಸಾಲದಡಿ ಎಲೆಕ್ಟ್ರಿಕ್ ವೆಹಿಕಲ್​ ಲೋನ್​ಗೆ ನೀತಿ ಆಯೋಗ ಶಿಫಾರಸು: ಕೊಳ್ಳುವವರಿಗೆ ಏನು ಲಾಭ?

ಬೆಜೋಸ್‌ನ ಅಮೆಜಾನ್.ಕಾಮ್ ಇಂಕ್ ಷೇರುಗಳ ಏರಿಕೆಯು ಆತನಿಗೆ 6 ಬಿಲಿಯನ್ ಗಳಿಸಲು ಸಹಾಯ ಮಾಡಿದೆ. ಬೆಜೋಸ್​​ ಅವರ ನಿವ್ವಳ ಮೌಲ್ಯ 180 ಬಿಲಿಯನ್‌ ಡಾಲರ್​ಗೆ ತಲುಪಿದೆ. ಸ್ಥಿರ ತ್ರೈಮಾಸಿಕ ಲಾಭ, ಅಧ್ಯಕ್ಷ ಜೋ ಬೈಡನ್ ಅವರ ಶುದ್ಧ ತಂತ್ರಜ್ಞಾನಗಳ ಸ್ವೀಕಾರ ಮತ್ತು ಚಿಲ್ಲರೆ ಹೂಡಿಕೆದಾರರ ಉತ್ಸಾಹದಿಂದ ಟೆಸ್ಲಾ ಷೇರುಗಳ ಏರಿಕೆಗೆ ಕಾರಣವಾಯಿತು. ಎಲೆಕ್ಟ್ರಿಕ್ ವಾಹನ ತಯಾರಕ ಟೆಸ್ಲಾ ಇಂಕ್‌ನ ಷೇರುಗಳು ಮಂಗಳವಾರ ಸುಮಾರು ಶೇ 20ಷ್ಟು ಏರಿಕೆಯಾಗಿದೆ.