ನವದೆಹಲಿ: ತೆರಿಗೆ ವಂಚನೆ ಆರೋಪದ ಮೇಲೆ ವಿಶ್ವದಲ್ಲಿಯೇ ಅತಿ ಹೆಚ್ಚು ಮಾರಾಟವಾಗುವ ಪ್ರತಿಷ್ಠಿತ ಮದ್ಯದ ಕಂಪನಿಯ ಉತ್ಪನ್ನಕ್ಕೆ ಆದಾಯ ತೆರಿಗೆ ಇಲಾಖೆ ತಾತ್ಕಾಲಿಕ ನಿಷೇಧ ವಿಧಿಸಿದೆ.
ಬಿಯರ್ ಪ್ರಿಯರಿಗೆ ಕಹಿಸುದ್ದಿ! ಪಾಪ್ಯುಲರ್ ಬ್ರ್ಯಾಂಡ್ 3 ವರ್ಷ ನಿಷೇಧ - ಆದಾಯ ತೆರಿಗೆ ಇಲಾಖೆ
ಆದಾಯ ತೆರಿಗೆ ಇಲಾಖೆ ರಾಷ್ಟ್ರ ರಾಜಧಾನಿ ದೆಹಲಿ ಮಾರುಕಟ್ಟೆಯಲ್ಲಿ ಬಡ್ವೈಸರ್- ಎಬಿ ಇನ್ಬೆವ್ ಬಿಯರ್ ಬಾಟಲಿ ಮಾರಾಟವನ್ನು 3 ವರ್ಷಗಳ ಕಾಲ ನಿಷೇಧಿಸಿದೆ ಎಂದು ತಿಳಿದು ಬಂದಿದೆ.
ಸಾಂದರ್ಭಿಕ ಚಿತ್ರ
ದೆಹಲಿ ಮಾರುಕಟ್ಟೆಯಲ್ಲಿ ಬಡ್ವೈಸರ್- ಎಬಿ ಇನ್ಬೆವ್ ಬಿಯರ್ ಬಾಟಲಿ ಮಾರಾಟವನ್ನು 3 ವರ್ಷಗಳ ಕಾಲ ಐಟಿ ಇಲಾಖೆ ನಿಷೇಧಿಸಿದೆ ಎಂದು ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.
ಬಿಯರ್ ತಯಾರಕ ಎಸ್ಬಿ ಮಿಲ್ಲರ್ ಎಬಿಎನ್ಬೆವ್ ನಿಂದ 2016ರಲ್ಲಿ 100 ಬಿಲಿಯನ್ ಡಾಲರ್ (6.8 ಲಕ್ಷ ಕೋಟಿ) ಮೊತ್ತದಷ್ಟು ಬಿಯರ್ ಉತ್ಪನ್ನಗಳನ್ನು ಸ್ವಾಧೀನಪಡಿಸಿಕೊಂಡಿತ್ತು. ಆ ವರ್ಷ ನಗರದ ಚಿಲ್ಲರೆ ವ್ಯಾಪಾರಿಗಳಿಗೆ ಸರಬರಾಜು ಮಾಡಲಾದ ಬಿಯರ್ ಬಾಟಲಿಗಳಲ್ಲಿ ನಕಲಿ ಬಾರ್ಕೋಡ್ ಬಳಸಿತ್ತು. ಜೊತೆಗೆ ಕಡಿಮೆ ಮೊತ್ತದ ತೆರಿಗೆ ಪಾವತಿಸಿ ಆದಾಯ ತೆರಿಗೆ ಇಲಾಖೆಗೆ ವಂಚನೆ ಎಸಗಿತ್ತು. ಮೂರು ವರ್ಷಗಳ ತನಿಖೆಯ ಬಳಿಕ ಮಾರಾಟದ ಮೇಲೆ ನಿಷೇಧ ಹೇರಲಾಗಿದೆ.