ನವದೆಹಲಿ:ಮುಂದಿನ ವಾರದ ಒಳಗೆ ಹೊಸ ಮಾಲೀಕರನ್ನು ಹುಡುಕಿಕೊಳ್ಳದೇ ಹೋದರೆ ಜೆಟ್ ಏರ್ವೇಸ್ ಅನ್ನು ವಿದೇಶ ಹಾರಾಟದ ಹಕ್ಕುಗಳನ್ನು ಬೇರೆ ಏರ್ಲೈನ್ಸ್ಗೆ ವಿತರಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಕೇಂದ್ರ ಸರ್ಕಾರ ತ್ವರಿತವಾಗಿ ಪರಿಸ್ಥಿತಿಯನ್ನು ತಿಳಿಗೊಳಿಸಲು ಹಾಗೂ ಆರ್ಥಿಕ ಸಂಕಷ್ಟ ನಿವಾರಿಸಲು ಈ ನಡೆ ತೆಗೆದುಕೊಳ್ಳಲು ಮುಂದಾಗಿದೆ.
ಜೆಟ್ ಏರ್ವೇಸ್ ಹೊಂದಿರುವ ಅಬುದಾಬಿ, ಥಾಯ್ಲೆಂಡ್, ದುಬೈ, ಸಿಂಗಾಪುರ ಸೇರಿದಂತೆ ಮತ್ತಿತರ ವಿದೇಶಗಳಿಗೆ ಸಂಬಂಧಿಸಿದ ಹಾರಾಟದ ಹಕ್ಕುಗಳನ್ನು ಇತರೆ ಏರ್ಲೈನ್ಸ್ಗಳೀಗೆ ಕ್ಷಿಪ್ರವಾಗಿ ಮಾರಾಟ ಮಾಡಬಹುದು. ಆದರೆ, 'ಜೆಟ್ ಏರ್ವೇಸ್ ತನ್ನ ಖರೀದಿದಾರರನ್ನು ಹುಡುಕಿಕೊಳ್ಳಲು ಕಾಯುತ್ತಿದ್ದೇವೆ. ಆ ಹಕ್ಕುಗಳನ್ನು ಇತರೆ ಏರ್ಲೈನ್ಸ್ಗಳೀಗೆ ನೀಡಬೇಡಿ ಎನ್ನುವ ಮನವಿಗಳು ಬರುತ್ತಿವೆ' ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಜೆಟ್ ಏರ್ವೇಸ್ನ ಹಿತಾಸಕ್ತಿಯನ್ನು ಕಾಯಬೇಕೆಂದು ಬ್ಯಾಂಕ್ಗಳು, ಸಿಬ್ಬಂದಿ, ಆಡಳಿತ ವರ್ಗ ಸರ್ಕಾರಕ್ಕೆ ಪತ್ರ ಬರೆದಿವೆ. ಕಳೆದ ತಿಂಗಳು ಜೆಟ್ ಸಿಇಒ ವಿನಯ್‌ ದುಬೆ ಅವರು ಸಿಬ್ಬಂದಿ ಜೊತೆಗೆ ವಿತ್ತ ಸಚಿವರನ್ನು ಭೇಟಿ ಮಾಡಿದ್ದಾರೆ. ಜೆಟ್ ಉಳಿಸುವಂತೆ ಕೋರಿದ್ದಾರೆ.
ಹೊಸ ಮಾಲೀಕರು ಬರುವ ತನಕ ಕಾಯುವಂತೆ ಸರ್ಕಾರಕ್ಕೆ ವಿನಂತಿ ಸಲ್ಲಿಕೆಯಾಗಿದೆ. ಆರಂಭದಲ್ಲಿ ಎತಿಹಾದ್, ಟಿಪಿಜಿ ಮತ್ತು ಎನ್ಐಐಎಫ್ನಿಂದ ಏಟ್ ಏರ್ವೇಸ್ ಖರೀದಿಗೆ ಮುತುವರ್ಜಿ ವಹಿಸಿದ್ದವು. ಆನಂತರ ಬಿಡ್ ಸಲ್ಲಿಸುವ ವೇಳೆ ಮತ್ತೆ ಬಂದಿರಲಿಲ್ಲ.
