ಕೋಲ್​ ಇಂಡಿಯಾ ಬಂಡವಾಳ ವೆಚ್ಚ ಶೇ 30ರಷ್ಟು ಹೆಚ್ಚಳ

ಹೆಚ್ಚುವರಿ 3,000 ಕೋಟಿ ರೂ. ಕ್ಯಾಪೆಕ್ಸ್ ಬಜೆಟ್​​ನಲ್ಲಿ ಸಿಐಎಲ್​ನ ಅತಿದೊಡ್ಡ ಕಲ್ಲಿದ್ದಲು ಉತ್ಪಾದನಾ ಅಂಗಸಂಸ್ಥೆಯಾದ ಸೌತ್ ಈಸ್ಟರ್ನ್ ಕೋಲ್​ಫೀಲ್ಡ್ಸ್ ಲಿಮಿಟೆಡ್ 800 ಕೋಟಿ ರೂ., ಸಿಐಎಲ್ ಕೇಂದ್ರ ಕಚೇರಿ 585 ಕೋಟಿ ರೂ. ಮತ್ತು ಮಹಾನದಿ ಕೋಲ್​ಫೀಲ್ಡ್ಸ್ ಲಿಮಿಟೆಡ್ 550 ಕೋಟಿ ರೂ.ನದ್ದು ಇರಲಿದೆ. ಸೆಂಟ್ರಲ್ ಕೋಲ್​ಫೀಲ್ಡ್ಸ್ ಲಿಮಿಟೆಡ್ (ಸಿಐಎಲ್) 460 ಕೋಟಿ ರೂ.ಯಷ್ಟಿದೆ.

ನವದೆಹಲಿ: ತನ್ನ ಪ್ರಸ್ತುತ ಹಣಕಾಸು ವರ್ಷದ ಬಂಡವಾಳ ವೆಚ್ಚದ (ಕ್ಯಾಪೆಕ್ಸ್) ಬಜೆಟ್ ಅನ್ನು 3,000 ಕೋಟಿ ರೂ. ಹೆಚ್ಚಿಸಿ 13,000 ಕೋಟಿ ರೂ.ಗೆ ಪರಿಷ್ಕರಿಸಿದೆ ಎಂದು ಸರ್ಕಾರಿ ಸ್ವಾಮ್ಯದ ಕೋಲ್ ಇಂಡಿಯಾ ಹೇಳಿದೆ.

ಇದು 2020-21ರ ಸಿಐಎಲ್‌ನ ಮೂಲ ಕ್ಯಾಪೆಕ್ಸ್ ಗುರಿ 10,000 ಕೋಟಿ ರೂ.ಗಿಂತ ಶೇ 30ರಷ್ಟು ಹೆಚ್ಚಳವನ್ನು ಪ್ರತಿನಿಧಿಸುತ್ತದೆ ಎಂದು ಕೋಲ್ ಇಂಡಿಯಾ ಲಿಮಿಟೆಡ್ (ಸಿಐಎಲ್) ಪ್ರಕಟಣೆಯಲ್ಲಿ ತಿಳಿಸಿದೆ.

ಹೆಚ್ಚುವರಿ 3,000 ಕೋಟಿ ರೂ. ಕ್ಯಾಪೆಕ್ಸ್ ಬಜೆಟ್​​ನಲ್ಲಿ ಸಿಐಎಲ್​ನ ಅತಿದೊಡ್ಡ ಕಲ್ಲಿದ್ದಲು ಉತ್ಪಾದನಾ ಅಂಗಸಂಸ್ಥೆಯಾದ ಸೌತ್ ಈಸ್ಟರ್ನ್ ಕೋಲ್​ಫೀಲ್ಡ್ಸ್ ಲಿಮಿಟೆಡ್ 800 ಕೋಟಿ ರೂ., ಸಿಐಎಲ್ ಕೇಂದ್ರ ಕಚೇರಿ 585 ಕೋಟಿ ರೂ. ಮತ್ತು ಮಹಾನದಿ ಕೋಲ್​ಫೀಲ್ಡ್ಸ್ ಲಿಮಿಟೆಡ್ 550 ಕೋಟಿ ರೂ.ನದ್ದು ಇರಲಿದೆ. ಸೆಂಟ್ರಲ್ ಕೋಲ್​ಫೀಲ್ಡ್ಸ್ ಲಿಮಿಟೆಡ್ (ಸಿಐಎಲ್) 460 ಕೋಟಿ ರೂ.ಯಷ್ಟಿದೆ.

ಇದನ್ನೂ ಓದಿ: ಜೆಇಇಗೆ ಸಜ್ಜಾಗುತ್ತಿರುವ ಆಕಾಂಕ್ಷಿಗಳಿಗೆ ಗುಡ್ ನ್ಯೂಸ್: 'ಅಮೆಜಾನ್​ನಿಂದ ಬಂತು 'Amazon Academy' ಆ್ಯಪ್​

ಪ್ರಸಕ್ತ ಹಣಕಾಸು ವರ್ಷದ ಮೊದಲ ಒಂಬತ್ತು ತಿಂಗಳಲ್ಲಿ ಸಿಐಎಲ್ ತನ್ನ ಕ್ಯಾಪೆಕ್ಸ್‌ನಲ್ಲಿ ಶೇ 166ರಷ್ಟು ಏರಿಕೆ ಕಂಡು 7,801 ಕೋಟಿ ರೂ.ಗೆ ತಲುಪಿದೆ. 2019-20ರ ಏಪ್ರಿಲ್-ಡಿಸೆಂಬರ್ ಅವಧಿಯಲ್ಲಿ ಕಂಪನಿ ವೆಚ್ಚ ಮಾಡಿದ 2,930 ಕೋಟಿ ರೂ. ಕ್ಯಾಪೆಕ್ಸ್‌ಗೆ ಹೋಲಿಸಿದರೆ, 2021ರ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ನೈಜ ಖರ್ಚು 4,871 ಕೋಟಿ ರೂ.ಯಷ್ಟಿದೆ.

ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್-ಡಿಸೆಂಬರ್ ಅವಧಿಯಲ್ಲಿ ಸಿಐಎಲ್ ತನ್ನ ಒಟ್ಟು ಮೂಲ ಕ್ಯಾಪೆಕ್ಸ್ ಬಜೆಟ್‌ನ ಶೇ 78ರಷ್ಟು ಹಣ ಬಳಸಿಕೊಂಡಿತ್ತು. ಡಿಸೆಂಬರ್ ಅಂತ್ಯದ ವೇಳೆಗೆ 7,500 ಕೋಟಿ ರೂ. ಕ್ಯಾಪೆಕ್ಸ್ ಬಳಕೆಯನ್ನು ಸಾಧಿಸಲು ಸಿಐಎಲ್​ಗೆ ನಿರ್ದೇಶನ ನೀಡಲಾಯಿತು.