ಭಾರತದಲ್ಲಿ ತ್ವರಿತ 5ಜಿ ಸೇವೆಗೆ ಏರ್​ಟೆಲ್ ​​- ಕ್ವಾಲ್ಕಾಮ್​ ಜಂಟಿ ಸಹಭಾಗಿತ್ವ

ಇತ್ತೀಚೆಗೆ ಹೈದರಾಬಾದ್​​ನಲ್ಲಿ ಲೈವ್ ವಾಣಿಜ್ಯ ಜಾಲದ ಮೂಲಕ 5ಜಿ ಪ್ರದರ್ಶಿಸಿದ ಭಾರತದ ಮೊದಲ ಟೆಲಿಕಾಂ ಕಂಪನಿ ಎಂಬ ಹೆಗ್ಗಳಿಕೆಗೆ ಏರ್​ಟೆಲ್​ ಪಾತ್ರವಾಯಿತು. ಈ ಬಳಿಕ ಭಾರ್ತಿ ಏರ್‌ಟೆಲ್ ಮತ್ತು ಕ್ವಾಲ್ಕಾಮ್ ಟೆಕ್ನಾಲಜೀಸ್ ಇಂಕ್ ಭಾರತದಲ್ಲಿ 5ಜಿ ಸೇವೆ ನೀಡಲು ಜಂಟಿ ಸಹಭಾಗಿತ್ವ ಘೋಷಿಸಿವೆ.

ನವದೆಹಲಿ: ಟೆಲಿಕಾಂ ದೈತ್ಯ ಭಾರ್ತಿ ಏರ್‌ಟೆಲ್ ಮತ್ತು ಕ್ವಾಲ್ಕಾಮ್ ಟೆಕ್ನಾಲಜೀಸ್ ಇಂಕ್ ಭಾರತದಲ್ಲಿ 5ಜಿ ಸೇವೆ ನೀಡಿಕೆ ವೇಗಗೊಳಿಸಲು ತಮ್ಮ ಜಂಟಿ ಸಹಯೋಗ ಪ್ರಕಟಿಸಿವೆ.

ಇತ್ತೀಚೆಗೆ ಹೈದರಾಬಾದ್​​ನಲ್ಲಿ ಲೈವ್ ವಾಣಿಜ್ಯ ಜಾಲದ ಮೂಲಕ 5ಜಿ ಪ್ರದರ್ಶಿಸಿದ ಭಾರತದ ಮೊದಲ ಟೆಲಿಕಾಂ ಕಂಪನಿ ಎಂಬ ಹೆಗ್ಗಳಿಕೆಗೆ ಏರ್​ಟೆಲ್​ ಪಾತ್ರವಾಯಿತು.

ತನ್ನ ನೆಟ್‌ವರ್ಕ್ ಮಾರಾಟಗಾರರು ಮತ್ತು ಸಾಧನಗಳ ಪಾಲುದಾರರ ಮೂಲಕ ಟೆಲಿಕಾಂ ಕ್ವಾಲ್ಕಾಮ್ 5ಜಿ ಒಪನ್​ ರಾನ್ ಪ್ಲಾಟ್‌ಫಾರ್ಮ್‌ಗಳನ್ನು ವರ್ಚುವಲೈಸ್ಡ್ ಹಾಗೂ ರಾನ್ ಆಧಾರಿತ 5ಜಿ ನೆಟ್‌ವರ್ಕ್‌ ಬಳಸಿಕೊಳ್ಳಲಾಗುವುದು ಎಂದು ಏರ್‌ಟೆಲ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ಐವರು ಹೂಡಿಕೆದಾರರಿಂದ 1,800 ಕೋಟಿ ಸಂಗ್ರಹಿಸಿದ ಜೊಮ್ಯಾಟೋ

ಒ -ರಾನ್ ಅಲೈಯನ್ಸ್‌ ಮಂಡಳಿಯ ಸದಸ್ಯರಾಗಿ ಏರ್‌ಟೆಲ್, ಒ-ರಾನ್‌ನ ಯಶಸ್ಸನ್ನು ಹೆಚ್ಚಿಸಲು ಬದ್ಧವಾಗಿದೆ. ಕ್ವಾಲ್ಕಾಮ್ ಟೆಕ್ನಾಲಜೀಸ್‌ ಜತೆಗೆ ಭಾರತದಲ್ಲಿ ಒ-ರಾನ್ ವಿಧಾನ ಅನ್ವೇಷಣೆ ಮತ್ತು ಕಾರ್ಯಗತಗೊಳಿಸಲು ಕಾರ್ಯ ನಿರತವಾಗಲಿದೆ ಎಂದಿದೆ.