ನವದೆಹಲಿ: ಪ್ರಸಕ್ತ ವರ್ಷದ ಸೆಪ್ಟೆಂಬರ್ 25 ರಿಂದ ಡಿಸೆಂಬರ್ 31ರ ನಡುವಿನ ಪ್ರಯಾಣದ ಅವಧಿಗೆ ಭಾರತೀಯ ಸಶಸ್ತ್ರ ಪಡೆಗಳ ಸಿಬ್ಬಂದಿಗೆ ಮೂಲ ಶುಲ್ಕವಿಲ್ಲದೆ 50,000 ಸೀಟ್ಗಳನ್ನು ಏರ್ ಏಷ್ಯಾ ಇಂಡಿಯಾ ನೀಡಿದೆ.
ಸ್ವಾತಂತ್ರ್ಯ ದಿನಾಚರಣೆಯ ಮುನ್ನಾದಿನ ಪ್ರಯಾಣಿಕರು ತಮ್ಮ ವಿವರಗಳನ್ನು ಆನ್‌ಲೈನ್‌ನಲ್ಲಿ ಆಗಸ್ಟ್ 15 ಮತ್ತು ಆಗಸ್ಟ್ 21ರ ನಡುವೆ ಸಲ್ಲಿಸಬಹುದು.
'ರೆಡ್‌ಪಾಸ್' ಪ್ರಸ್ತಾಪದಡಿ ಮೂಲ ಶುಲ್ಕ ಮನ್ನಾ ಮಾಡಲಾಗುವುದು. ವಿಮಾನ ನಿಲ್ದಾಣ ಶುಲ್ಕ, ಟಿಕೆಟ್ ಶುಲ್ಕ ಮತ್ತು ತೆರಿಗೆ ಸಿಬ್ಬಂದಿ ಭರಿಸುತ್ತಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
'ಅರ್ಜಿ ಪರಿಶೀಲಿಸಿದ ನಂತರ, ಏರ್ ಏಷ್ಯಾ ಇಂಡಿಯಾ ನಿರ್ವಹಿಸುವ ಯಾವುದೇ ದೇಶಿಯ ವಿಮಾನದ ಪ್ರಕ್ರಿಯೆ ಕುರಿತು ವಿವರಗಳನ್ನು ಅರ್ಜಿದಾರರಿಗೆ ಕಳುಹಿಸಲಾಗುತ್ತದೆ. ಈ ರೆಡ್‌ಪಾಸ್ ಏಕಮುಖ ಹಾರಾಟಕ್ಕೆ ಮಾತ್ರವೇ ಮಾನ್ಯವಾಗಿರುತ್ತದೆ. ಇದಕ್ಕಾಗಿ ನಿರ್ಗಮನದ ದಿನಾಂಕಕ್ಕಿಂತ ಕನಿಷ್ಠ 21 ದಿನ ಮೊದಲು ಕಾಯ್ದಿರಿಸಬೇಕಾಗುತ್ತದೆ ಎಂದು ಉಲ್ಲೇಖಿಸಿದೆ.
ಮೂಲ ಶುಲ್ಕ ರಿಯಾಯಿತಿಯ ಜೊತೆಗೆ ಚೆಕ್-ಇನ್ ಲಗೇಜ್ ಅನ್ನು ಬೋರ್ಡಿಂಗ್ ಮತ್ತು ಠೇವಣಿ ಮಾಡುವಾಗ ಸಿಬ್ಬಂದಿ ಆದ್ಯತೆ ನೀಡುತ್ತಾರೆ. ಭಾರತೀಯ ಸೇನೆ, ನೌಕಾಪಡೆ, ವಾಯುಪಡೆ, ಕೋಸ್ಟ್ ಗಾರ್ಡ್, ಅರೆಸೈನಿಕ ಪಡೆ ಮತ್ತು ತರಬೇತಿ ಕೆಡೆಟ್‌ಗಳ ಸಿಬ್ಬಂದಿ ಪಡೆಯಬಹುದು ಎಂದು ವಿವರಿಸಿದೆ.
