ನವದೆಹಲಿ:ಮೇ 15ರಿಂದ ಜಾರಿಗೆ ಬಂದ ಹೊಸ ಗೌಪ್ಯತೆ ನೀತಿ ಒಪ್ಪಿಕೊಳ್ಳದ ಬಳಕೆದಾರರಿಗೆ ಕ್ರಿಯಾತ್ಮಕತೆಯನ್ನು ಮಿತಿಗೊಳಿಸುವುದಿಲ್ಲ ಎಂದು ವಾಟ್ಸ್ಆ್ಯಪ್(WhatsApp) ಯು-ಟರ್ನ್ ಹೊಡೆದಿದೆ.
ಚಾಟ್ 'ಪತ್ತೆಹಚ್ಚುವಿಕೆ' ಕುರಿತು ಕೇಂದ್ರ ಸರ್ಕಾರದ ವಿರುದ್ಧ ದೆಹಲಿ ಹೈಕೋರ್ಟ್‌ನಲ್ಲಿ ಮೊಕದ್ದಮೆ ಹೂಡಿದ ಫೇಸ್‌ಬುಕ್ ಒಡೆತನದ ಪ್ಲಾಟ್ಫಾರ್ಮ್, ಮೇ 15ರಿಂದ ತನ್ನ ವಿವಾದಾತ್ಮಕ ಬಳಕೆದಾರರ ಗೌಪ್ಯತೆ ನೀತಿ ಜಾರಿಗೆ ತರಲು ಮುಂದಾಯಿತು. ಹೊಸ ಬದಲಾವಣೆಗಳನ್ನು ಸ್ವೀಕರಿಸದವರು ಮುಂಬರುವ ವಾರಗಳಲ್ಲಿ ಸೀಮಿತ ಕಾರ್ಯಕ್ಕೆ ಒಳಗಾಗಲಿದ್ದಾರೆ ಎಂದು ಹೇಳಿತ್ತು. ಬದಲಾದ ಸ್ಥಿತಿಯಲ್ಲಿ ಬಳಕೆದಾರರು ಸದ್ಯಕ್ಕೆ ಹೊಸ ನೀತಿಯನ್ನು ಸ್ವೀಕರಿಸದಿದ್ದರೂ ಸಹ ಯಾವುದೇ ಕಾರ್ಯವನ್ನು ನಿರ್ಬಂಧಿಸುವುದಿಲ್ಲ ಎಂದು ದಿ ನೆಕ್ಸ್ಟ್ ವೆಬ್‌ಗೆ ನೀಡಿದ ಪ್ರಕಟಣೆಯಲ್ಲಿ WhatsApp ಹೇಳಿದೆ.
ವಿವಿಧ ಅಧಿಕಾರಿಗಳು ಮತ್ತು ಗೌಪ್ಯತೆ ತಜ್ಞರೊಂದಿಗಿನ ಇತ್ತೀಚಿನ ಚರ್ಚೆಗಳ ಹಿನ್ನೆಲೆಯಲ್ಲಿ ನವೀಕರಣವನ್ನು ಇನ್ನೂ ಸ್ವೀಕರಿಸದವರಿಗೆ WhatsApp ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದರ ಕಾರ್ಯವನ್ನು ಸೀಮಿತಗೊಳಿಸುವ ಯೋಜನೆಯನ್ನು ನಾವು ಹೊಂದಿಲ್ಲ ಎಂದು ಸ್ಪಷ್ಟಪಡಿಸಲು ನಾವು ಬಯಸುತ್ತೇವೆ ಎಂದಿದೆ.
ವಾಟ್ಸ್ಆ್ಯಪ್ ಭಾರತ ಸೇರಿದಂತೆ ಜಾಗತಿಕವಾಗಿ ತನ್ನ ಗೌಪ್ಯತೆ ನೀತಿ ಹೊರತಂದಿದೆ. ಅಲ್ಲಿ 400 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿದೆ. ಬಳಕೆದಾರರು ತಕ್ಷಣವೇ ತಮ್ಮ ಖಾತೆಗಳನ್ನು ಕಳೆದುಕೊಳ್ಳುವುದಿಲ್ಲ ಅಥವಾ ಮೊಟಕುಗೊಳಿಸಿದ ಕಾರ್ಯಗಳನ್ನು ಎದುರಿಸುವುದಿಲ್ಲ. ಆದರೆ ಸಮಯಕ್ಕೆ ತಕ್ಕಂತೆ ಹೊಸ ನಿಯಮಗಳು ಸ್ವೀಕರಿಸಲು ವಿಫಲವಾದರೆ, ಅವರು ಅಂತಿಮವಾಗಿ ಸೀಮಿತ ಕಾರ್ಯಗಳ ಮೂಲಕ ಹೋಗಬೇಕಾಗುತ್ತದೆ. ನಿರಂತರ ಜ್ಞಾಪನೆಗಳ ನಂತರ, ನವೀಕರಣ ಸ್ವೀಕರಿಸುವವರೆಗೂ ಬಳಕೆದಾರರು ಸೀಮಿತ ಕಾರ್ಯವನ್ನು ಎದುರಿಸುತ್ತಾರೆ ಎಂದು ಕಂಪನಿ ಹೇಳಿದೆ.
