ಲಂಡನ್:ವಿವಿಧ ಬ್ಯಾಂಕ್ಗಳಿಂದ ಬಹು ಸಾವಿರ ಕೋಟಿ ಸಾಲ ಪಡೆದು ಮರುಪಾವತಿಸದೇ ವಂಚಿಸಿ ಲಂಡನ್ನಲ್ಲಿ ವಾಸವಾಗಿರುವ ಮದ್ಯದ ದೊರೆ ವಿಜಯ್ ಮಲ್ಯ, ಸಾಲ ತೀರಿಸುವುದಾಗಿ ಖಾಸಗಿ ಬ್ಯಾಂಕ್ಗಳಿಗೆ ಮನವಿ ಮಾಡಿದ್ದಾರೆ.
100 ಪರ್ಸೆಂಟ್ ಸಾಲ ತೀರಿಸುತ್ತೇನೆ ನನ್ನನ್ನು ನಂಬಿ: ಬ್ಯಾಂಕ್ಗಳಿಗೆ ವಿಜಯ್ ಮಲ್ಯ ಕೋರಿದ್ದೇಕೆ? - Insolvency and Bankruptcy Code
ಕಿಂಗ್ಫಿಶರ್ ಏರ್ಲೈನ್ಸ್ನ ಮಾಜಿ ಮುಖ್ಯಸ್ಥ ಮಲ್ಯ, ಬ್ಯಾಂಕ್ಗಳಿಂದ ಪಡೆದ ಸಾಲದ ವಂಚನೆ ಮತ್ತು ಮನಿ ಲಾಂಡರಿಂಗ್ ಆರೋಪಗಳಿಗೆ ಸಂಬಂಧಿಸಿದಂತೆ ಭಾರತಕ್ಕೆ ಹಸ್ತಾಂತರದ ವಿರುದ್ಧ ಲಂಡನ್ನಲ್ಲಿ ಕಾನೂನು ಹೋರಾಟ ನಡೆಸುತ್ತಿದ್ದಾರೆ. ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಅವರು ಸಂಸತ್ ಅಧಿವೇಶನದಲ್ಲಿ ಕಂಪನಿಗಳ ದಿವಾಳಿತನ ಸಂಹಿತೆಯ (ಐಬಿಸಿ) ನೂತನ ಮಸೂದೆ ಮಂಡಿಸಿದ್ದರು. ಇದನ್ನು ಉಲ್ಲೇಖಿಸಿ ಸಾರ್ವಜನಿಕ ವಲಯದ ಬ್ಯಾಂಕ್ಗಳಿಗೆ ಸಾಲ ತೀರಿಸುವುದಾಗಿ ಮನವಿ ಮಾಡಿಕೊಂಡಿದ್ದಾರೆ.
ಸಾಂದರ್ಭಿಕ ಚಿತ್ರ
''ಈ ದೇಶದಲ್ಲಿನ ವ್ಯವಹಾರ ವೈಫಲ್ಯಗಳನ್ನು ನಿಷೇಧಿಸುವುದಾಗಲಿ ಅಥವಾ ಕೀಳಾಗಿ ಕಾಣಬಾರದು. ಇದಕ್ಕೆ ಬದಲಾಗಿ ಐಬಿಸಿ (ಕಂಪನಿಗಳ ದಿವಾಳಿತನ ಸಂಹಿತೆ) ಪತ್ರದ ಮುಖೇನ ಗೌರವಾನ್ವಿತ ನಿರ್ಗಮನಕ್ಕೆ ಅಥವಾ ಪರಿಹಾರ ಕಂಡುಕೊಳ್ಳಲು ಅನುವು ಮಾಡಿಕೊಡಬೇಕು. ಹಣಕಾಸು ಸಚಿವರ ವರದಿ ಹೇಳಿಕೆಯನ್ನು ಉಲ್ಲೇಖಿಸಿದ ಮಲ್ಯ 'ನಾನು ನೂರಕ್ಕೆ ನೂರರಷ್ಟು ಸಾಲ ತಿರಿಸುವ ಆಫರ್ ಅನ್ನು ಪರಿಗಣಿಸಿ'' ಎಂದು ಬ್ಯಾಂಕ್ಗಳಿಗೆ ಮನವಿ ಮಾಡಿ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.
Last Updated : Aug 10, 2019, 10:56 PM IST