ಲಂಡನ್: ದಿವಾಳಿತನದ ವಿಚಾರಣೆಯ ಭಾಗವಾಗಿ ನ್ಯಾಯಾಲಯದ ಸುರ್ಪದಿಯಲ್ಲಿರುವ ಫಂಡ್ಸ್ ಕಚೇರಿ ನಿಧಿಯಿಂದ ತನ್ನ ಜೀವನ ವೆಚ್ಚ ಮತ್ತು ಕಾನೂನು ಹೋರಾಟದ ಶುಲ್ಕ ಭರಿಸಲು ಲಕ್ಷಾಂತರ ಪೌಂಡ್ ಪಡೆಯಲು ಅನುಮತಿ ಕೋರಿ ತಲೆಮರೆಸಿಕೊಂಡ ಮದ್ಯದ ಉದ್ಯಮಿ ವಿಜಯ್ ಮಲ್ಯ ಶುಕ್ರವಾರ ಯುಕೆ ಹೈಕೋರ್ಟ್ಗೆ ತುರ್ತು ಅರ್ಜಿ ಸಲ್ಲಿಸಿದ್ದಾರೆ.
ಭಾರತೀಯ ಬ್ಯಾಂಕ್ಗಳಿಂದ ಸಾಲ ಪಡೆದು ಮರುಪಾವತಿಸಿದೆ ತಲೆ ಮರೆಸಿಕೊಂಡ ವಿಜಯ್ ಮಲ್ಯ ವಿರುದ್ಧ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ನೇತೃತ್ವದ ಭಾರತೀಯ ಬ್ಯಾಂಕ್ಗಳ ಒಕ್ಕೂಟ ಯುಕೆ ಕೋರ್ಟ್ನಲ್ಲಿ ದೂರ ಸಲ್ಲಿಸಿದೆ.
ದಿವಾಳಿತನ ಮತ್ತು ಕಂಪನಿಗಳ ನ್ಯಾಯಾಲಯದ ನ್ಯಾಯಮೂರ್ತಿ ರಾಬರ್ಟ್ ಶಾಫರ್ ಅವರು ಈ ವರ್ಷದ ಆರಂಭದಲ್ಲಿ ಮಲ್ಯ ಅವರ ಫ್ರೆಂಚ್ ಐಷಾರಾಮಿ ಆಸ್ತಿ ಲೆ ಗ್ರ್ಯಾಂಡ್ ಜಾರ್ಡಿನ್ ಮಾರಾಟದಿಂದ ಗಳಿಸಿದ ಅಂದಾಜು 1.5 ದಶಲಕ್ಷ ಪೌಂಡ್‌ಗಳ ನ್ಯಾಯಾಲಯದ ನಿಧಿಯಿಂದ ಡ್ರಾ ಮಾಡಲು ಅವಕಾಶ ನೀಡಲು ನಿರಾಕರಿಸಿದ್ದರು.
ಮುಂದಿನ ಶುಕ್ರವಾರ ನಡೆಯಲಿರುವ ದಿವಾಳಿತನದ ವಿಚಾರಣೆಯಲ್ಲಿ ಸಬ್ಸ್ಟಾಂಟಿವ್ ವಿಚಾರಣೆಯ ಕಾನೂನು ವೆಚ್ಚ ಭರಿಸಲು 240,000 ಪೌಂಡ್ ಮತ್ತು ವ್ಯಾಟ್ ಬಿಡುಗಡೆಗೆ ಅವರು ಅವಕಾಶ ನೀಡಿದರು.
ಮುಂದಿನ ವಾರದ ವಿಚಾರಣೆ ಶುಲ್ಕವನ್ನು ಒಳಗೊಂಡ ಒಂದು ಎಚ್ಚರಿಕೆಯಾಗಿ ನಾನು ಈ ವಿಚಾರಣೆಯನ್ನು ಮುಂದೂಡುತ್ತೇನೆ ಎಂದು ನ್ಯಾಯಮೂರ್ತಿ ಶಾಫರ್ ಶುಕ್ರವಾರ ನಡೆದ ವಿಚಾರಣೆಯ ಸಂದರ್ಭದಲ್ಲಿ ಸೂಚಿಸಿದ್ದಾರೆ.