ಒಪ್ಪಂದ ಉಲ್ಲಂಘಿಸಿದ ಇಸ್ರೋ ಅಂಗಸಂಸ್ಥೆಗೆ 8,952 ಕೋಟಿ ರೂ. ಪರಿಹಾರಕ್ಕೆ ಯುಎಸ್​ ಕೋರ್ಟ್​ ಸೂಚನೆ!

ಅಕ್ಟೋಬರ್ 27ರ ಆದೇಶದಲ್ಲಿ ಸಿಯಾಟಲ್‌ನ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಜಿಲ್ಲೆಯ ಯುಎಸ್​ ಜಿಲ್ಲಾ ನ್ಯಾಯಾಧೀಶರಾದ ಥಾಮಸ್ ಎಸ್ ಜಿಲ್ಲಿ, ಆಂಟ್ರಿಕ್ಸ್ ಕಾರ್ಪೊರೇಷನ್ ದೇವಾಸ್ ಮಲ್ಟಿಮೀಡಿಯಾ ಕಾರ್ಪೊರೇಷನ್‌ಗೆ 562.5 ಮಿಲಿಯನ್ ಡಾಲರ್ ಪರಿಹಾರ ಮತ್ತು ಒಟ್ಟು ಬಡ್ಡಿದರ ಸೇರಿ ಒಟ್ಟು 1.2 ಬಿಲಿಯನ್​ ಡಾಲರ್​ ಪಾವತಿಸುವಂತೆ ತೀರ್ಪು ನೀಡಿತ್ತು..

ವಾಷಿಂಗ್ಟನ್:ಉದ್ದೇಶಿತ ಉಪಗ್ರಹ ಒಪ್ಪಂದ ರದ್ದುಗೊಳಿಸಿದ್ದಕ್ಕಾಗಿ ಬೆಂಗಳೂರು ಮೂಲದ ಸ್ಟಾರ್ಟ್​​​​​ಅಪ್​ ದೇವಾಸ್ ಮಲ್ಟಿಮೀಡಿಯಾಗೆ 1.2 ಬಿಲಿಯನ್ ಡಾಲರ್ (8,952 ಕೋಟಿ ರೂ.) ಪರಿಹಾರ ನೀಡುವಂತೆ ಅಮೆರಿಕದ ನ್ಯಾಯಾಲಯ ಇಸ್ರೋದ ವಾಣಿಜ್ಯ ವಿಭಾಗದ ಆಂಟ್ರಿಕ್ಸ್ ಕಾರ್ಪೊರೇಷನ್‌ಗೆ ಸೂಚಿಸಿದೆ.

2005ರ ಜನವರಿಯಲ್ಲಿನ ಒಪ್ಪಂದದ ಪ್ರಕಾರ, ಆಂಟ್ರಿಕ್ಸ್ ಎರಡು ಉಪಗ್ರಹಗಳ ನಿರ್ಮಿಸಿ ಉಡಾವಣೆ ಮಾಡಲು ಮತ್ತು ನಿರ್ವಹಿಸಲು 70 ಎಂಎಚ್​ಝಡ್​​ ಎಸ್ - ಬ್ಯಾಂಡ್ ಸ್ಪೆಕ್ಟ್ರಮ್ ಅನ್ನು ದೇವಾಸ್​ಗೆ ಲಭ್ಯವಾಗುವಂತೆ ಒಪ್ಪಿಕೊಂಡಿತ್ತು. ನಂತರ ಭಾರತದಾದ್ಯಂತ ಹೈಬ್ರಿಡ್ ಉಪಗ್ರಹ ಮತ್ತು ಭೂ ಸಂವಹನ ಸೇವೆಗಳನ್ನು ನೀಡಲು ಯೋಜಿಸಿದರು.

ಫೆಬ್ರವರಿ 2011ರಲ್ಲಿ ಆಂಟ್ರಿಕ್ಸ್ ಈ ಒಪ್ಪಂದ ಕೊನೆಗೊಳಿಸಿತು. ಮುಂದಿನ ಹಲವು ವರ್ಷಗಳಲ್ಲಿ ದೇವಸ್ ಭಾರತದ ಹಲವು ನ್ಯಾಯಿಕ ಸಂಸ್ಥೆಗಳಲ್ಲಿ ಪ್ರಕರಣ ದಾಖಲಿಸಿತ್ತು. ಈ ಕುರಿತು ನ್ಯಾಯಮಂಡಳಿ ರಚಿಸುವಂತೆ ಕೋರ್ಟ್ ನಿರ್ದೇಶನ ನೀಡಿತ್ತು.

ಅಕ್ಟೋಬರ್ 27ರ ಆದೇಶದಲ್ಲಿ ಸಿಯಾಟಲ್‌ನ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಜಿಲ್ಲೆಯ ಯುಎಸ್​ ಜಿಲ್ಲಾ ನ್ಯಾಯಾಧೀಶರಾದ ಥಾಮಸ್ ಎಸ್ ಜಿಲ್ಲಿ, ಆಂಟ್ರಿಕ್ಸ್ ಕಾರ್ಪೊರೇಷನ್ ದೇವಾಸ್ ಮಲ್ಟಿಮೀಡಿಯಾ ಕಾರ್ಪೊರೇಷನ್‌ಗೆ 562.5 ಮಿಲಿಯನ್ ಡಾಲರ್ ಪರಿಹಾರ ಮತ್ತು ಒಟ್ಟು ಬಡ್ಡಿದರ ಸೇರಿ ಒಟ್ಟು 1.2 ಬಿಲಿಯನ್​ ಡಾಲರ್​ ಪಾವತಿಸುವಂತೆ ತೀರ್ಪು ನೀಡಿತ್ತು.