ಕೇಂದ್ರ 'ಬ್ಯಾಡ್ ಬ್ಯಾಂಕ್' ಸ್ಥಾಪಿಸಲು ಹೊರಟಿದ್ದು ದೊಡ್ಡ ಜೋಕ್: ಬ್ಯಾಂಕ್ ಯೂನಿಯನ್ ಮುಖಂಡ

ಖಾಸಗಿ ಕಂಪನಿಗಳು ಕೋಟಿಗಟ್ಟಲೆ ಬ್ಯಾಂಕ್ ಸಾಲ ತೆಗೆದುಕೊಂಡಿವೆ. ಅವು ಮರುಪಾವತಿ ಮಾಡುತ್ತಿಲ್ಲ. ಈ ಸಾಲಗಳನ್ನು ತ್ಯಜಿಸಿರುವುದರಿಂದ ನಾವು ನಷ್ಟ ಅನುಭವಿಸುತ್ತಿದ್ದೇವೆ. ಈ ಸಮಸ್ಯೆಯನ್ನು ಪರಿಹರಿಸಲು ಖಾಸಗಿ ವಲಯಕ್ಕೆ ಬ್ಯಾಂಕ್​ಗಳನ್ನು ನೀಡಲಾಗುವುದು ಎಂದು ಹೇಳುವುದು ಈಗ ತಮಾಷೆಯಾಗಿದೆ ಎಂದು ಆಲ್ ಇಂಡಿಯನ್ ಬ್ಯಾಂಕ್ ನೌಕರರ ಸಂಘದ (ಎಐಬಿಇಎ) ಪ್ರಧಾನ ಕಾರ್ಯದರ್ಶಿ ಸಿ ಹೆಚ್ ವೆಂಕಟಾಚಲಂ ದೂರಿದ್ದಾರೆ.

ಚೆನ್ನೈ: ದೇಶಾದ್ಯಂತ ಮಾರ್ಚ್ 15 ಮತ್ತು 16ರಂದು ಕರ ನೀಡಿದ್ದ ರಾಷ್ಟ್ರವ್ಯಾಪಿ ಬ್ಯಾಂಕ್ ಮುಷ್ಕರ 'ದೊಡ್ಡ ಯಶಸ್ಸು' ಕಂಡಿದೆ. ಎರಡು ಸಾರ್ವಜನಿಕ ವಲಯದ ಬ್ಯಾಂಕ್​ಗಳನ್ನು ಖಾಸಗೀಕರಣಗೊಳಿಸುವ ಪ್ರಸ್ತಾಪವನ್ನು ಕೇಂದ್ರ ಸರ್ಕಾರ ಪರಿಶೀಲಿಸಬೇಕು ಎಂದು ಬ್ಯಾಂಕ್ ಉದ್ಯೋಗಿಗಳ ಸಂಘದ ಉನ್ನತ ಮುಖಂಡರು ಒತ್ತಾಯಿಸಿದ್ದಾರೆ.

ಈಟಿವಿ ಭಾರತ ಜತೆ ಮಾತನಾಡಿದ ಆಲ್ ಇಂಡಿಯನ್ ಬ್ಯಾಂಕ್ ನೌಕರರ ಸಂಘದ (ಎಐಬಿಇಎ) ಪ್ರಧಾನ ಕಾರ್ಯದರ್ಶಿ ಸಿ.ಹೆಚ್. ವೆಂಕಟಾಚಲಂ, ಬಹುತೇಕ ರಾಜಕೀಯ ಪಕ್ಷಗಳು, ಕಾರ್ಮಿಕ ಸಂಘಗಳು ಮತ್ತು ಗ್ರಾಹಕರು ಸಹ ಪ್ರತಿಭಟನೆಗೆ ಬೆಂಬಲಿಸಿದ್ದು, ನಮ್ಮ ಪ್ರತಿಭಟನೆ ಯಶಸ್ವಿಯಾಗಿದೆ. ಸರ್ಕಾರ ಅದನ್ನು ನೋಡಿರಬೇಕು. ಈಗಾಗಲೇ ಹೆಚ್ಚಿನ ರಾಜಕೀಯ ಪಕ್ಷಗಳು ಬೆಂಬಲ ವ್ಯಕ್ತಪಡಿಸಿವೆ. ಎಲ್ಲಾ ಕಾರ್ಮಿಕ ಸಂಘಗಳು ಬೆಂಬಲಿಸುತ್ತಿವೆ. ಜನ ಹಾಗೂ ಗ್ರಾಹಕರ ಕೂಡ ಬೆಂಬಲವಾಗಿ ನಿಂತಿದ್ದಾರೆ. ಇದೊಂದು ಸರ್ಕಾರಕ್ಕೆ ಎಚ್ಚರಿಕೆಯ ಸಂಕೇತವಾಗಿದೆ ಎಂದರು.

ಪ್ರಸ್ತಾವನೆ ಪರಿಶೀಲಿಸಲು ಸರ್ಕಾರ ಸಿದ್ಧವಾದರೆ ನೌಕರರ ಸಂಘ ಮಾತುಕತೆ ನಡೆಸಲಿದೆ. ಇಲ್ಲದಿದ್ದರೆ ನಾವು ನಮ್ಮ ಪ್ರತಿಭಟನೆಯನ್ನು ಇನ್ನಷ್ಟು ತೀವ್ರಗೊಳಿಸುತ್ತೇವೆ ಎಂದು ಹೇಳಿದರು.

ಐಡಿಬಿಐ ಬ್ಯಾಂಕ್ ಹೊರತುಪಡಿಸಿ 2021-22ರಲ್ಲಿ ಎರಡು ಸಾರ್ವಜನಿಕ ವಲಯದ ಬ್ಯಾಂಕ್​ಗಳು ಮತ್ತು ಒಂದು ಸಾಮಾನ್ಯ ವಿಮಾ ಕಂಪನಿಯ ಖಾಸಗೀಕರಣ ಕೈಗೊಳ್ಳಲು ನಾವು ಪ್ರಸ್ತಾಪಿಸುತ್ತೇವೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫೆಬ್ರವರಿ 1ರಂದು ಲೋಕಸಭೆಯಲ್ಲಿ ಬಜೆಟ್ ಮಂಡಿಸುವಾಗ ಹೇಳಿದ್ದರು.

ಬ್ಯಾಂಕ್​ಗಳ ಖಾಸಗೀಕರಣದ ಜೊತೆಗೆ, ಯುಎಫ್‌ಬಿಯು ಕೆಟ್ಟ ಬ್ಯಾಂಕ್ ಸ್ಥಾಪನೆ, ಎಲ್‌ಐಸಿಯ ಆರಂಭಿಕ ಸಾರ್ವಜನಿಕ ಕೊಡುಗೆ ವಿರೋಧಿಸುತ್ತಿದ್ದು, ವಿಮಾ ಕ್ಷೇತ್ರಕ್ಕೆ ಶೇ 74ರಷ್ಟು ವಿದೇಶಿ ನೇರ ಹೂಡಿಕೆಗೆ ಅವಕಾಶ ನೀಡುತ್ತದೆ.

5 ಟ್ರಿಲಿಯನ್ ಅಮೆರಿಕ ಡಾಲರ್​ ಆರ್ಥಿಕತೆ ಸಾಧಿಸಲು ಪಿಎಸ್​​ಬಿಗಳು ಅವಶ್ಯಕ:

ಸಾರ್ವಜನಿಕ ವಲಯದ ಬ್ಯಾಂಕ್​ಗಳ ಖಾಸಗೀಕರಣವು ನೌಕರರ ಮೇಲೆ ಮತ್ತು ಸಾರ್ವಜನಿಕರ ಮೇಲೆ ವಿನಾಶಕಾರಿ ಪರಿಣಾಮಗಳನ್ನು ಬೀರುತ್ತದೆ. ಇದು ಬ್ಯಾಂಕ್ ಉದ್ಯೋಗಿಗಳ ಸಾಮಾಜಿಕ ಭದ್ರತೆ, ಬಡ್ತಿ ಮತ್ತು ಸಮಾನ ವೇತನದ ಮೇಲೆ ಪರಿಣಾಮ ಕಸಿದುಕೊಳ್ಳುತ್ತದೆ. ಹೊಸ ಉದ್ಯೋಗಾವಕಾಶಗಳು ಕಡಿಮೆಯಾಗುತ್ತವೆ. ಸಾಮಾಜಿಕವಾಗಿ ಹಿಂದುಳಿದ ವರ್ಗಗಳು ಉದ್ಯೋಗಾವಕಾಶಗಳಲ್ಲಿ ಮೀಸಲಾತಿ ಕಳೆದುಕೊಳ್ಳುತ್ತವೆ ಎಂದು ಹೇಳಿದರು.

ಟ್ರೇಡ್ ಯೂನಿಯನ್ ನಾಯಕ ಗ್ರಾಮೀಣ ಅಭಿವೃದ್ಧಿ ಮತ್ತು ಬ್ಯಾಂಕಿಂಗ್ ಖಾಸಗಿ ಉದ್ಯಮಿಗಳು ಕೈ ಸೇರುವುದರ ಬಗ್ಗೆ ಕಳವಳ ವ್ಯಕ್ತಪಡಿಸಿದರು.

ಖಾಸಗಿ ಸಂಸ್ಥೆಗಳು ಲಾಭದಾಯಕವಾಗಿದ್ದು, ಬಡ ಜನರಿಗೆ ಸೇವೆ ಸಲ್ಲಿಸಲು ಗ್ರಾಮೀಣ ಪ್ರದೇಶಗಳಲ್ಲಿ ಶಾಖೆಗಳನ್ನು ಸ್ಥಾಪಿಸಲು ಅವರು ಹೆದರುವುದಿಲ್ಲ. ರಾಷ್ಟ್ರೀಯ ಅಭಿವೃದ್ಧಿಯ ಪ್ರಮುಖ ಕ್ಷೇತ್ರಗಳಾದ ಕೃಷಿ, ಶಿಕ್ಷಣ, ಗ್ರಾಮೀಣಾಭಿವೃದ್ಧಿ, ಮಹಿಳಾ ಸಬಲೀಕರಣಕ್ಕೆ ಖಾಸಗಿ ಬ್ಯಾಂಕ್​​ಗಳು ಸಾಲ ನೀಡುವುದಿಲ್ಲ. ಮೋದಿ ಸರ್ಕಾರದ 5 ಟ್ರಿಲಿಯನ್ ಡಾಲರ್ ಆರ್ಥಿಕ ಗುರಿ ಸಾಧಿಸಲು ಸೆಕ್ಟರ್ ಬ್ಯಾಂಕ್​ಗಳು ಅತ್ಯಗತ್ಯ ಎಂದರು.

ಬ್ಯಾಡ್ ಬ್ಯಾಂಕ್ ಪ್ರಸ್ತಾವನೆ

2021-22ರ ಬಜೆಟ್ ಪ್ರಸ್ತಾಪಿಸಿದ ‘ಕೆಟ್ಟ ಬ್ಯಾಂಕ್’ ಬಗ್ಗೆ ಪ್ರಶ್ನಿಸಿದಾಗ, ಹಿರಿಯ ಕಂಪನಿಗಳು ಸಾಲ ತಪ್ಪಿಸಲು ಖಾಸಗಿ ಕಂಪನಿಗಳಿಗೆ ಅವಕಾಶ ನೀಡಿದ್ದರಿಂದ ಈ ಪ್ರಸ್ತಾಪವು ದೊಡ್ಡ ತಮಾಷೆಯಾಗಿ ಕಾಣುತ್ತದೆ ಎಂದರು.

ಖಾಸಗಿ ಕಂಪನಿಗಳು ಕೋಟಿಗಟ್ಟಲೆ ಬ್ಯಾಂಕ್ ಸಾಲ ತೆಗೆದುಕೊಂಡಿವೆ. ಅವು ಮರುಪಾವತಿ ಮಾಡುತ್ತಿಲ್ಲ. ಈ ಸಾಲಗಳನ್ನು ತ್ಯಜಿಸಿರುವುದರಿಂದ ನಾವು ನಷ್ಟ ಅನುಭವಿಸುತ್ತಿದ್ದೇವೆ. ಈ ಸಮಸ್ಯೆಯನ್ನು ಪರಿಹರಿಸಲು ಖಾಸಗಿ ವಲಯಕ್ಕೆ ಬ್ಯಾಂಕ್​ಗಳನ್ನು ನೀಡಲಾಗುವುದು ಎಂದು ಹೇಳುವುದು ಈಗ ತಮಾಷೆಯಾಗಿದೆ ಎಂದು ವೆಂಕಟಾಚಲಂ ದೂರಿದ್ದಾರೆ.