ನವದೆಹಲಿ:ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ ಭಾರತಕ್ಕೆ ವಿಧಿಸಲಾಗಿದ್ದ ಪ್ರಯಾಣ ನಿರ್ಬಂಧವನ್ನು ರಷ್ಯಾ ತೆಗೆದು ಹಾಕಿದೆ ಎಂದು ರಷ್ಯಾ ರಾಯಭಾರ ಕಚೇರಿ ಟ್ವೀಟ್ ಮೂಲಕ ದೃಢಪಡಿಸಿದೆ. ಭಾರತ ಹೊರತುಪಡಿಸಿ ಫಿನ್ಲ್ಯಾಂಡ್, ವಿಯೆಟ್ನಾಂ ಮತ್ತು ಕತಾರ್ ದೇಶಗಳಿಂದಲೂ ಪ್ರಯಾಣದ ನಿರ್ಬಂಧ ತೆಗೆದು ಹಾಕಲಾಗಿದೆ.
ಫಿನ್ಲ್ಯಾಂಡ್, ವಿಯೆಟ್ನಾಂ, ಭಾರತ ಮತ್ತು ಕತಾರ್ ನಾಗರಿಕರಿಗೆ ಕೋವಿಡ್-19 ಹರಡುವಿಕೆಯಿಂದ ವಿಧಿಸಲಾದ ರಷ್ಯಾ ಪ್ರವೇಶದ ಮೇಲಿನ ನಿರ್ಬಂಧಗಳನ್ನು ತೆಗೆದು ಹಾಕಲಾಗುತ್ತಿದೆ.
ಈ ಆದೇಶಕ್ಕೆ ರಷ್ಯಾ ಸರ್ಕಾರದ ಅಧ್ಯಕ್ಷ ಮಿಖಾಯಿಲ್ ಮಿಶುಸ್ಟಿನ್ ಅವರು 2021ರ ಜನವರಿ 25ರಂದು ಸಹಿ ಹಾಕಿದರು ಎಂದು ರಷ್ಯಾದ ರಾಯಭಾರ ಕಚೇರಿ ಟ್ವೀಟ್ ಮಾಡಿದೆ.
ರಷ್ಯಾ ಸರ್ಕಾರದ ಪತ್ರಿಕಾ ಹೇಳಿಕೆಯಲ್ಲಿ ಫಿನ್ಲ್ಯಾಂಡ್, ವಿಯೆಟ್ನಾಂ, ಭಾರತ ಮತ್ತು ಕತಾರ್ ರಾಷ್ಟ್ರಗಳು ನಾಗರಿಕರು ಮತ್ತು ನಿವಾಸ ಪರವಾನಿಗೆ ಹೊಂದಿರುವವರಿಗೆ ವಾಯು ಮಾರ್ಗದ ಮೂಲಕ ರಷ್ಯಾಕ್ಕೆ ಪ್ರವೇಶಿಸಲು ಅವಕಾಶ ನೀಡಲಾಗಿದೆ. ರಷ್ಯಾದ ನಾಗರಿಕರು ಈ ಯಾವುದೇ ದೇಶಗಳಿಗೆ ಪ್ರಯಾಣಿಸಬಹುದು.
2020ರ ಮಾರ್ಚ್ 16ರಂದು ದೇಶದಲ್ಲಿ ಕೊರೊನಾ ವೈರಸ್ ಪ್ರಕರಣಗಳ ಉಲ್ಬಣ ತಡೆಯುವ ಸಲುವಾಗಿ ರಷ್ಯಾ ಪ್ರಯಾಣ ನಿರ್ಬಂಧಗಳನ್ನು ವಿಧಿಸಿತ್ತು. ಕಳೆದ 24 ಗಂಟೆಗಳಲ್ಲಿ ರಷ್ಯಾ 19,290 ಹೊಸ ಕೋವಿಡ್ -19 ಪ್ರಕರಣಗಳನ್ನು ದಾಖಲಿಸಿದ್ದು, ಒಟ್ಟಾರೆ ಸಂಖ್ಯೆ 3,738,690ಕ್ಕೆ ತಲುಪಿದೆ.
