ಬೆಂಗಳೂರು: ಡಿಜಿಟಲ್ ಪಾವತಿ ವಹಿವಾಟು ಹೆಚ್ಚಿಸಲು ಮತ್ತೊಂದು ಹೆಜ್ಜೆ ಇಟ್ಟಿರುವ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ಈ ವರ್ಷದ ಡಿಸೆಂಬರ್‌ನಿಂದ ರಿಯಲ್ ಟೈಮ್ ಗ್ರಾಸ್ ಸೆಟಲ್ಮೆಂಟ್ (ಆರ್ಟಿಜಿಎಸ್) ಪಾವತಿ ವ್ಯವಸ್ಥೆಯು ವಾರದ ಎಲ್ಲ ದಿನವೂ ಕಾರ್ಯಗತವಾಗಲಿದೆ.
ಅಕ್ಟೋಬರ್ ಮಾಸಿಕದ ವಿತ್ತೀಯ ನೀತಿ ಪರಿಶೀಲನಾ ಸಭೆಯ ಬಳಿಕ ಫಲಿತಾಂಶ ಘೋಷಿಸಿದ ಆರ್ಬಿಐ ಗವರ್ನರ್ ಶಕ್ತಿಕಾಂತ ದಾಸ್, ಜಾಗತಿಕವಾಗಿ 24x7x365 ವೇಳೆ ನೈಜ ಸಮಯ ಪಾವತಿ ವ್ಯವಸ್ಥೆ (ಆರ್ಟಿಜಿಎಸ್) ಹೊಂದಿರುವ ಭಾರತವು ಜಾಗತಿಕವಾಗಿ ಕೆಲವೇ ದೇಶಗಳಲ್ಲಿ ಮುಂಚೂಣಿಯಲ್ಲಿ ಇರಲಿದೆ. ಇದು ದೊಡ್ಡ ಮೌಲ್ಯ ಪಾವತಿ ಪರಿಸರ ವ್ಯವಸ್ಥೆ ಮತ್ತು ಸುಲಲಿತ ವ್ಯವಹಾರಗಳ ಹೊಸತನಗಳಿಗೆ ಅನುಕೂಲ ಮಾಡಿಕೊಡಲಿದೆ ಎಂದರು.