ಜನವರಿಯಲ್ಲಿ ಶೇ.6.01ಕ್ಕೆ ತಲುಪಿದ ಚಿಲ್ಲರೆ ಹಣದುಬ್ಬರ

ಚಿಲ್ಲರೆ ಹಣದುಬ್ಬರವು ಜನವರಿಯಲ್ಲಿ ಶೇ. 6.01 ಕ್ಕೆ ಏರಿಕೆಯಾಗಿದೆ. ಹಿಂದಿನ ತಿಂಗಳಲ್ಲಿ ಶೇ.5.66ರಷ್ಟು ಇದು ಇತ್ತು. ಸಂಖ್ಯಾಶಾಸ್ತ್ರ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯದ ರಾಷ್ಟ್ರೀಯ ಅಂಕಿ- ಅಂಶ ಕಚೇರಿ (NSO) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಗ್ರಾಮೀಣ ಹಣದುಬ್ಬರವು ಜನವರಿ 2022 ರಲ್ಲಿ ಶೇ.5.36 ರಿಂದ ಶೇ. 6.12 ಕ್ಕೆ ಏರಿದೆ.

ನವದೆಹಲಿ: ಭಾರತದ ಚಿಲ್ಲರೆ ಹಣದುಬ್ಬರವು ಜನವರಿಯಲ್ಲಿ ಶೇ. 6.01ಕ್ಕೆ ಏರಿಕೆಯಾಗಿದ್ದು, ಏಳು ತಿಂಗಳಲ್ಲಿ ಮೊದಲ ಬಾರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್​ (RBI)ನ ಟಾಲರೆನ್ಸ್​​ ಬ್ಯಾಂಡ್‌ನ ಮೇಲಿನ ಮಿತಿ ದಾಟಿದೆ ಎಂದು ಸರ್ಕಾರದ ಅಂಕಿ - ಅಂಶಗಳು ತೋರಿಸಿವೆ.

ಗ್ರಾಹಕ ಬೆಲೆ ಸೂಚ್ಯಂಕ (CPI) ಆಧಾರದ ಮೇಲೆ ಹಣದುಬ್ಬರವನ್ನು ಅಳೆಯಲಾಗುತ್ತದೆ. ಹಿಂದಿನ ತಿಂಗಳಲ್ಲಿ ಶೇ.5.66ರಷ್ಟು ಇದ್ದು, 2022 ರ ಜನವರಿಯಲ್ಲಿ ಶೇ. 6.01ಕ್ಕೆ ಏರಿದೆ. ಗ್ರಾಮೀಣ ಪ್ರದೇಶದಲ್ಲಿ ಬೆಲೆ ಏರಿಕೆಯು ನಗರ ಪ್ರದೇಶಗಳಿಗಿಂತ ತೀಕ್ಷ್ಣವಾಗಿದೆ. ಸಂಖ್ಯಾಶಾಸ್ತ್ರ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯದ ರಾಷ್ಟ್ರೀಯ ಅಂಕಿ- ಅಂಶ ಕಚೇರಿ (NSO) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಗ್ರಾಮೀಣ ಹಣದುಬ್ಬರವು ಜನವರಿ 2022 ರಲ್ಲಿ ಶೇ.5.36 ರಿಂದ ಶೇ. 6.12 ಕ್ಕೆ ಏರಿಕೆ ಕಂಡಿದೆ.

ನಗರ ಪ್ರದೇಶದ ಸಿಪಿಐ ಹಣದುಬ್ಬರವು ಜನವರಿಯಲ್ಲಿ ಶೇ.5.91 ಇದ್ದು, ಹಿಂದಿನ ತಿಂಗಳಲ್ಲಿ ಶೇ.5.90 ರಷ್ಟು ಇತ್ತು. ಗ್ರಾಮೀಣ ಹಣದುಬ್ಬರವು ಜನವರಿ 2021 ರಲ್ಲಿ ಶೇಕಡಾ 3.23 ರಷ್ಟಿತ್ತು. ಇದು ಜನವರಿ 2022 ರಲ್ಲಿ ಶೇಕಡಾ 6.12 ಕ್ಕೆ ಏರಿಕೆಯಾಗಿದೆ. ಆದರೆ ನಗರ ಪ್ರದೇಶದಲ್ಲಿ ಜನವರಿ 2021 ರಲ್ಲಿ ಶೇ. 5.13ರಷ್ಟಿದ್ದ ಹಣದುಬ್ಬರವು ಜನವರಿ 2022ರಲ್ಲಿ ಶೇ. 5.91ಕ್ಕೆ ನಿಧಾನಗತಿಯಲ್ಲಿ ಏರಿದೆ.

ಒಟ್ಟಾರೆ CPI ಆಧಾರಿತ ಹಣದುಬ್ಬರವು ಜನವರಿ 2021 ರಲ್ಲಿ ಶೇಕಡಾ 4.06 ರಷ್ಟಿತ್ತು. ಸುದ್ದಿಗಾರರೊಂದಿಗೆ ಮಾತನಾಡಿದ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಗವರ್ನರ್ ಶಕ್ತಿಕಾಂತ ದಾಸ್, ಹಣದುಬ್ಬರವು ಶೇಕಡಾ 6ರನ್ನು ದಾಟುವುದು ಆಶ್ಚರ್ಯ ಅಥವಾ ಆತಂಕದ ವಿಷಯವಲ್ಲ. ಕಳೆದ ಅಕ್ಟೋಬರ್‌ನಿಂದ ನೀವು ಹಣದುಬ್ಬರದ ಆವೇಗವನ್ನು ಗಮನಿಸಿದರೆ, ಅದು ಇಳಿಜಾರಿನಲ್ಲಿದೆ ಎಂದು ಹೇಳಿದರು.

ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ಸೋಮವಾರ ಬಿಡುಗಡೆ ಮಾಡಿದ ಅಂಕಿ - ಅಂಶಗಳ ಪ್ರಕಾರ, ಭಾರತದ ಸಗಟು ಹಣದುಬ್ಬರವು ಹಿಂದಿನ ತಿಂಗಳಿನಲ್ಲಿ ಶೇಕಡಾ 13.56 ರಿಂದ ಜನವರಿಯಲ್ಲಿ ಶೇಕಡಾ 12.96 ಕ್ಕೆ ಇಳಿದಿದೆ.

ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯುಪಿಐ) ಆಧಾರಿತ ಹಣದುಬ್ಬರವು ಇತ್ತೀಚಿನ ತಿಂಗಳುಗಳಲ್ಲಿ ಸ್ಥಿರವಾಗಿ ಇಳಿಮುಖವಾಗಿದೆ. ಇದು ನವೆಂಬರ್ 2021 ರಲ್ಲಿ ಶೇಕಡಾ 14.87 ರಿಂದ ಡಿಸೆಂಬರ್ 2021 ರಲ್ಲಿ ಶೇಕಡಾ 13.56 ಕ್ಕೆ ಮತ್ತು ಜನವರಿ 2022 ರಲ್ಲಿ ಶೇಕಡಾ 12.96 ಕ್ಕೆ ಕುಸಿದಿದೆ.