RBI ಖಡಕ್ ಎಚ್ಚರಿಕೆ: ಈ ವಿಧಾನಗಳ ಮೂಲಕ ಸಾಲ ಪಡೆಯುವ ಮುನ್ನ ಒಮ್ಮೆ ಯೋಚಿಸಿ

ಅತಿಯಾದ ಬಡ್ಡಿ ದರಗಳು ಮತ್ತು ಹೆಚ್ಚುವರಿ ಗುಪ್ತ ಶುಲ್ಕಗಳನ್ನು ಸಾಲಗಾರರಿಂದ ಬೇಡಿಕೆಯಿಡುತ್ತವೆ. ಇದು ಸ್ವೀಕಾರಾರ್ಹವಲ್ಲದ ನಡೆಯಾಗಿದೆ. ತ್ವರಿತ ಸಾಲ ನೀಡುವ ಅನಧಿಕೃತ ಪ್ಲಾಟ್​ಫಾರ್ಮ್​ಗಳು ಹೆಚ್ಚಿನ ಬಡ್ಡಿ ದರ ಹಾಗೂ ಶುಲ್ಕಗಳನ್ನು ವಿಧಿಸುತ್ತವೆ. ಅಲ್ಲದೆ ಸಾಲಗಾರರ ಮೊಬೈಲ್ ಫೋನ್‌ಗಳಲ್ಲಿ ಡೇಟಾ ಪ್ರವೇಶಿಸುವ ಮೂಲಕ ಒಪ್ಪಂದಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿವೆ ಎಂದು ಆರ್​ಬಿಐ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದೆ.

ಮುಂಬೈ: ಹೆಚ್ಚುತ್ತಿರುವ ಅನಧಿಕೃತ ಡಿಜಿಟಲ್ ಸಾಲ ಪ್ಲಾಟ್‌ಫಾರ್ಮ್‌ ಮತ್ತು ಮೊಬೈಲ್ ಅಪ್ಲಿಕೇಷನ್‌ಗಳಿಗೆ ಬಲಿಯಾಗದಂತೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದೆ.

ಅನೇಕ ವ್ಯಕ್ತಿಗಳು ಮತ್ತು ಸಣ್ಣ ಉದ್ಯಮಗಳು ಅನಧಿಕೃತ ಪ್ಲಾಟ್‌ಫಾರ್ಮ್‌ ಮತ್ತು ಅಪ್ಲಿಕೇಷನ್‌ಗಳಿಗೆ ಬಲಿಯಾಗುತ್ತಿರುವ ಬಗ್ಗೆ ವರದಿಗಳು ಆರ್​ಬಿಐ ಗಮನಕ್ಕೆ ಬಂದಿವೆ. ಅವು ತ್ವರಿತ ಮತ್ತು ತೊಂದರೆಯಿಲ್ಲದ ಸಾಲ ನೀಡುವ ಭರವಸೆ ನೀಡುತ್ತಿವೆ. ಈ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು ಎಂದು ಸೂಚಿಸಿದೆ.

ಅತಿಯಾದ ಬಡ್ಡಿ ದರಗಳು ಮತ್ತು ಹೆಚ್ಚುವರಿ ಗುಪ್ತ ಶುಲ್ಕಗಳನ್ನು ಸಾಲಗಾರರಿಂದ ಬೇಡಿಕೆಯಿಡುತ್ತವೆ. ಇದು ಸ್ವೀಕಾರಾರ್ಹವಲ್ಲದ ನಡೆಯಾಗಿದೆ. ತ್ವರಿತ ಸಾಲ ನೀಡುವ ಅನಧಿಕೃತ ಪ್ಲಾಟ್​ಫಾರ್ಮ್​ಗಳು ಹೆಚ್ಚಿನ ಬಡ್ಡಿ ದರ ಹಾಗೂ ಶುಲ್ಕಗಳನ್ನು ವಿಧಿಸುತ್ತವೆ. ಅಲ್ಲದೆ ಸಾಲಗಾರರ ಮೊಬೈಲ್ ಫೋನ್‌ಗಳಲ್ಲಿ ಡೇಟಾ ಪ್ರವೇಶಿಸುವ ಮೂಲಕ ಒಪ್ಪಂದಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿವೆ ಎಂದಿದೆ.

ಇದನ್ನೂ ಓದಿ: ಆನಂದ್ ಮಹೀಂದ್ರಾ ಹೃದಯ ಗೆದ್ದ ಧರ್ಮಸ್ಥಳದ ಎತ್ತಿನ ಬಂಡಿಯ ಕಾರು: ಟೆಸ್ಲಾ ಕಂಪನಿಗೆ ಖರ್ಚಿನ​ ಸವಾಲ್!

ಸಾರ್ವಜನಿಕರು ಇಂತಹ ಅನಧಿಕೃತ ಚಟುವಟಿಕೆಗಳಿಗೆ ಬಲಿಯಾಗದಂತೆ ಎಚ್ಚರಿಕೆ ವಹಿಸಬೇಕು. ಆನ್‌ಲೈನ್ ಅಥವಾ ಮೊಬೈಲ್ ಅಪ್ಲಿಕೇಷನ್‌ಗಳ ಮೂಲಕ ಸಾಲ ನೀಡುವ ಕಂಪನಿ / ಸಂಸ್ಥೆಯ ಹಿಂದಿನ ಅಂಶಗಳನ್ನು ಪರಿಶೀಲಿಸಬೇಕು ಎಂದು ಆರ್‌ಬಿಐ ತಿಳಿಸಿದೆ.

ಕೆವೈಸಿ ದಾಖಲೆಗಳ ಪ್ರತಿಗಳನ್ನು ಗುರುತು-ಪರಿಚಯ ಇಲ್ಲದ ವ್ಯಕ್ತಿಗಳು ಅಥವಾ ಅನಧಿಕೃತ ಅಪ್ಲಿಕೇಷನ್‌ಗಳೊಂದಿಗೆ ಎಂದಿಗೂ ಹಂಚಿಕೊಳ್ಳಬೇಡಿ. ಅಪ್ಲಿಕೇಷನ್‌ಗಳಿಗೆ ಸಂಬಂಧಿಸಿದಂತೆ ಯಾವುದಾದರೂ ಮಾಹಿತಿ ಕಂಡುಬಂದರೆ ಸಂಬಂಧಪಟ್ಟ ಕಾನೂನು ಸಂಸ್ಥೆಗಳಿಗೆ ವರದಿ ಮಾಡಿ ಎಂದು ಕೇಂದ್ರೀಯ ಬ್ಯಾಂಕ್, ಗ್ರಾಹಕರಿಗೆ ಮನವಿ ಮಾಡಿದೆ. ಆನ್‌ಲೈನ್ ದೂರು ದಾಖಲಿಸಲು ಪೋರ್ಟಲ್ https: achet.rbi.org.in ಸಹ ಬಳಸಬಹುದಾಗಿದೆ.