ಮುಂಬೈ:ಒಮನ್ ಕೊಲ್ಲಿಯಲ್ಲಿ ಎರಡು ತೈಲ ಟ್ಯಾಂಕರ್ಗಳ ಮೇಲೆ ನಡೆದ ದಾಳಿಯಿಂದ ಬೆಂಕಿ ಹತ್ತಿಕೊಂಡಿದ್ದು, ಅಂತಾರಾಷ್ಟ್ರೀಯ ಇಂಧನ ಮಾರುಕಟ್ಟೆಯಲ್ಲಿ ಬೆಲೆ ಏರಿಕೆಯಾಗಿದೆ.
ಅಮೆರಿಕ ಮತ್ತು ಇರಾನ್ ನಡುವಿನ ಉದ್ವಿಗ್ನತೆ ಹೆಚ್ಚುತ್ತಿರುವಂತೆಯೇ ಈ ಘಟನೆ ಜರುಗಿದೆ. ಆಯಕಟ್ಟಿನ ಈ ಸಮುದ್ರದಲ್ಲಿ ಈ ರೀತಿಯ ದಾಳಿ ನಡೆಯುತ್ತಿರುವುದು ವಾರಗಳ ಅವಧಿಯಲ್ಲಿ ಇದು ಎರಡನೇ ಬಾರಿಯಾಗಿದೆ.
ತನ್ನ ಕರಾವಳಿ ವ್ಯಾಪ್ತಿಯಲ್ಲಿ ಈ ಅಪಘಾತ ನಡೆದ ಬಳಿಕ ಎರಡು ಹಡಗುಗಳಿಂದ 44 ಸಿಬ್ಬಂದಿಯನ್ನು ತನ್ನ ನೌಕಾಪಡೆ ರಕ್ಷಿಸಿದೆ ಎಂದು ಇರಾನ್ ತಿಳಿಸಿದೆ.
ಜಾಗತಿಕ ತೈಲ ಪೇಟೆಯ ಬ್ರೆಂಟ್ ಕಚ್ಚಾ ಇಂಧನದಲ್ಲಿ ಶೇ 4ರಷ್ಟು ಏರಿಕೆಯಾಗಿದೆ. ಗುರುವಾರದ ಸಂಜೆ 5.28ರ ವೇಳೆಗೆ ಪ್ರತಿ ಬ್ಯಾರೆಲ್ 62.30 ಡಾಲರ್ನಲ್ಲಿ ಮಾರಾಟವಾಗಿತ್ತು.
ಫಾರೆಕ್ಸ್ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ ಸಹ ಕುಸಿತಕ್ಕೆ ಒಳಗಾಯಿತು. ಬುಧವಾರದ ಪೇಟೆಯಲ್ಲಿ ₹ 69.35ರಲ್ಲಿ ವಹಿವಾಟು ನಿರತವಾಗಿದ್ದ ರೂಪಾಯಿ. ನಿನ್ನೆ 16 ಪೈಸೆಯಷ್ಟು ಕ್ಷೀಣಿಸಿ ₹ 69.51 ವಹಿವಾಟು ನಿರತವಾಗಿತ್ತು.
