Maruti Suzukiಯಿಂದ ಚಂದಾದಾರಿಕೆ ಸೇವೆ ವಿಸ್ತರಣೆ: ಖರೀದಿಸದಿದ್ರೂ ಕಾರಿನ ಮಾಲೀಕರಾಗಬಹುದು...!

ಎಲ್ಲರಿಗೂ ಸ್ವಂತ ಮನೆ ಇರಬೇಕು, ಜೊತೆಗೆ ಒಡಾಡಲು ಒಂದು ಕಾರು ಇರಬೇಕೆಂಬ ಆಸೆ ಇದ್ದೇ ಇರುತ್ತೆ. ಆದರೆ, ಹಣಕಾಸಿನ ಪರಿಸ್ಥಿತಿಗಳು ಇಂತಹ ಕನಸುಗಳನ್ನು ದೂರ ಮಾಡಿರುತ್ತವೆ. ದೇಶದಲ್ಲೇ ಮೊದಲು ಎಂಬಂತೆ ಅತಿ ದೊಡ್ಡ ಕಾರು ತಯಾರಿಕಾ ಸಂಸ್ಥೆ ಮಾರುತಿ ಸುಜುಕಿ, ತಿಂಗಳ ಚಂದಾದಾರಿಕೆ ಎಂಬ ನೂತನ ಸೇವೆಯಡಿ ಖರೀದಿಸದಿದ್ದರು ಕಾರಿನ ಮಾಲೀಕರಾಗುವ ಅವಕಾಶ ಮಾಡಿಕೊಟ್ಟಿದೆ.

ನವದೆಹಲಿ: ದೇಶದ ಅತಿ ದೊಡ್ಡ ಕಾರು ತಯಾರಿಕಾ ಸಂಸ್ಥೆ ಮಾರುತಿ ಸುಜುಕಿ ಇಂಡಿಯಾ ತನ್ನ ವಾಹನ ಚಂದಾದಾರಿಕೆ ಸೇವೆಗಳನ್ನು ನಾಲ್ಕು ನಗರಗಳಿಗೆ ವಿಸ್ತರಿಸಿದೆ. ಮೈಸೂರು, ಮಂಗಳೂರು, ಜೈಪುರ್ ಮತ್ತು ಇಂದೋರ್ ನಗರಗಳಿಗೆ ನೂತನ ಸೇವೆಯನ್ನು ಹೆಚ್ಚಿಸಿರುವುದಾಗಿ ಪ್ರಕಟಿಸಿದೆ.

ಚಂದಾದಾರಿಕೆ ಸೇವೆ ನೀಡಲು ಒರಿಕ್ಸ್ ಆಟೋ ಇನ್ಫ್ರಾಸ್ಟ್ರಕ್ಚರ್ ಸರ್ವೀಸಸ್ ಲಿಮಿಟೆಡ್ (ಒರಿಕ್ಸ್), ಎಎಲ್ಡಿ ಆಟೋಮೋಟಿವ್ ಇಂಡಿಯಾ (ಎಎಲ್ಡಿ ಆಟೋಮೋಟಿವ್) ಮತ್ತು ಮೈಲೆಸ್ ಆಟೋಮೋಟಿವ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ (ಮೈಲ್ಸ್) ನೊಂದಿಗೆ ಒಡಂಬಡಿಕೆ ಮಾಡಿಕೊಂಡಿರುವುದಾಗಿ ಹೇಳಿದೆ.

ಕಾರು ಚಂದಾದಾರಿಕೆ ಭಾರತೀಯ ಮಾರುಕಟ್ಟೆಗೆ ಹೊಸ ಮತ್ತು ಮುಂಬರುವ ಪರಿಕಲ್ಪನೆಯಾಗಿದೆ. ಗ್ರಾಹಕರ ಕಲಿಕೆ ಮತ್ತು ಪ್ರತಿಕ್ರಿಯೆಯೊಂದಿಗೆ ನಾವು ನಿಯಮಿತವಾಗಿ ನಮ್ಮ ಚಂದಾದಾರಿಕೆ ಕಾರ್ಯಕ್ರಮವನ್ನು ನವೀಕರಿಸುತ್ತಿದ್ದೇವೆ. ನಮ್ಮ ನೆಟ್‌ವರ್ಕ್‌ನಲ್ಲಿ ನಾಲ್ಕು ಹೊಸ ನಗರಗಳನ್ನು ಸೇರಿಸುವುದರೊಂದಿಗೆ, ಹೆಚ್ಚಿನ ಗ್ರಾಹಕರಿಗೆ ಸೇವೆ ಸಲ್ಲಿಸಲು ನಾವು ಎದುರು ನೋಡುತ್ತಿದ್ದೇವೆ ಎಂಎಸ್‌ಐ ಹಿರಿಯ ಕಾರ್ಯನಿರ್ವಾಹಕ ನಿರ್ದೇಶಕ (ಮಾರ್ಕೆಟಿಂಗ್ ಮತ್ತು ಸೇಲ್ಸ್) ಶಶಾಂಕ್ ಶ್ರೀವಾಸ್ತವ ಹೇಳಿದರು.

ಇದನ್ನೂ ಓದಿ: ಜಮ್ಮು ಕಾಶ್ಮೀರ, ಲಡಾಖ್​ ಪ್ರತ್ಯೇಕ ರಾಷ್ಟ್ರ ಎಂದು ತೋರಿಸಿದ Twitter ವೆಬ್​ಸೈಟ್​: ಕೇಂದ್ರದಿಂದ ಕಠಿಣ ಕ್ರಮ ಸಾಧ್ಯತೆ

ಮಾರುತಿ ಸುಜುಕಿ ಚಂದಾದಾರರ ಯೋಜನೆ ಎಂದರೇನು?

ಮಾರುತಿ ಸುಜುಕಿ ಚಂದಾದಾರಿಕೆ ಯೋಜನೆಯನ್ನು ಕಳೆದ ವರ್ಷ ಜುಲೈನಲ್ಲಿ ಪ್ರಾರಂಭಿಸಲಾಯಿತು. ಕಂಪನಿಯ ವಾಹನಗಳಾದ ವ್ಯಾಗನ್​ ಆರ್​, ಸ್ವಿಫ್ಟ್, ಡಿಜೈರ್, ವಿಟಾರಾ ಬ್ರೆಜಾ, ಮಾರುತಿ ಸುಜುಕಿ ಅರೆನಾ ಮತ್ತು ಇಗ್ನಿಸ್, ಬಲೆನೋ, ಸಿಯಾಜ್, ಎಸ್ - ಕ್ರಾಸ್ ಮತ್ತು ಎಕ್ಸ್‌ಎಲ್‌ಎ 6 ಕಾರುಗಳನ್ನು ಖರೀದಿಸದೇ ನಿಗದಿತ ಮಾಸಿಕ ಶುಲ್ಕ ಪಾವತಿಸಿ ಚಲಾಯಿಸಬಹುದಾಗಿದೆ.

ಈ ಮಾಸಿಕ ಪಾವತಿಯು ವಾಹನ ಬಳಕೆಯ ಶುಲ್ಕಗಳು, ನೋಂದಣಿ ಶುಲ್ಕಗಳು, ನಿರ್ವಹಣೆ, ವಿಮೆ ಮತ್ತು ವಾಹನ ಬಳಕೆಗೆ ಸಂಬಂಧಿಸಿದ ಇತರ ಸಾಮಾನ್ಯ ಸೇವೆಗಳನ್ನು ಒಳಗೊಂಡಿದೆ. ಗ್ರಾಹಕರು ಹೊಸ ಕಾರಿಗೆ ಬದಲಾಯಿಸಲು ಅಥವಾ ಅಧಿಕಾರಾವಧಿಯನ್ನು ಪೂರ್ಣಗೊಳಿಸಿದ ನಂತರ ಚಂದಾದಾರರಾದ ಕಾರನ್ನು ಖರೀದಿಸುವ ಆಯ್ಕೆಯನ್ನು ಪಡೆಯುವ ಅವಕಾಶ ಇದೆ. ಮತ್ತೊಂದೆಡೆ, ಗ್ರಾಹಕರು ಯಾವುದೇ ಸಮಯದಲ್ಲಾದರೂ ತಮ್ಮ ಚಂದಾದಾರಿಕೆಯನ್ನು ರದ್ದು ಮಾಡಿಕೊಳ್ಳಬಹುದಾಗಿದೆ.