ಬರೀ ಜನಸಂಖ್ಯೆಯಲ್ಲ ಇಂಟರ್ನೆಟ್​ ಬಳಕೆಯಲ್ಲಿ ಚೀನಾ- ಭಾರತ ಸ್ಪರ್ಧೆ... ಯಾರು ನಂ.1?

ವಿಶ್ವದಲ್ಲಿ ಅತಿಹೆಚ್ಚು ಅಂತರ್ಜಾಲ ಬಳಕೆದಾರರ ಸಂಖ್ಯೆಯಲ್ಲಿ ಶೇ 12ರಷ್ಟು ಪಾಲು ಹೊಂದಿರುವ ಭಾರತ ಎರಡನೇ ಸ್ಥಾನದಲ್ಲಿದೆ. ಅಗ್ಗದ ದರದಲ್ಲಿ ಡೇಟಾ ಹಾಗೂ ಉಚಿತ ಅನಿಯಮಿತ ಕರೆ ಸೇವೆ ನೀಡುತ್ತಿರುವ ರಿಲಯನ್ಸ್​ ಜಿಯೋ ಇದಕ್ಕೆ ಪೂರಕವಾಗಿದೆ ಎಂದು ಮೇರಿ ಮೀಕರ್​-2019 ಸಮೀಕ್ಷೆ ತಿಳಿಸಿದೆ.

ನವದೆಹಲಿ: ಜಗತ್ತಿನಲ್ಲಿ ಅತಿಹೆಚ್ಚು ಮೊಬೈಲ್​ ಬಳಕೆದಾರರನ್ನು ಹೊಂದಿರುವ ಏಷ್ಯಾದ ಪ್ರಬಲ ಆರ್ಥಿಕ ರಾಷ್ಟ್ರಗಳಾದ ಭಾರತ ಮತ್ತು ಚೀನಾ ನಡುವೆ ಇಂಟರ್ನೆಟ್​ ಬಳಕೆಯಲೂ ಸ್ಪರ್ಧೆ ಇದೆ.

ವಿಶ್ವದಲ್ಲಿ ಅತಿಹೆಚ್ಚು ಅಂತರ್ಜಾಲ ಬಳಕೆದಾರರ ಸಂಖ್ಯೆಯಲ್ಲಿ ಶೇ 12ರಷ್ಟು ಪಾಲು ಹೊಂದಿರುವ ಭಾರತ ಎರಡನೇ ಸ್ಥಾನದಲ್ಲಿದೆ. ಅಗ್ಗದ ದರದಲ್ಲಿ ಡೇಟಾ ಹಾಗೂ ಉಚಿತ ಅನಿಯಮಿತ ಕರೆ ಸೇವೆ ನೀಡುತ್ತಿರುವ ರಿಲಯನ್ಸ್​ ಜಿಯೋ ಇದಕ್ಕೆ ಪೂರಕವಾಗಿದೆ ಎಂದು ಮೇರಿ ಮೀಕರ್​-2019 ಸಮೀಕ್ಷೆ ತಿಳಿಸಿದೆ.

2018ರಲ್ಲಿ 3.8 ಬಿಲಿಯನ್​ ಅಥವಾ ವಿಶ್ವದ ಒಟ್ಟು ಜನಸಂಖ್ಯೆಯಲ್ಲಿ ಶೇ 51ರಷ್ಟು ಜನರು ಇಂಟರ್ನೆಟ್​ ಬಳಸುತ್ತಿದ್ದಾರೆ. ಇದಕ್ಕೂ ಹಿಂದಿನ ವರ್ಷ 3.6 ಬಿಲಿಯನ್ (ಶೇ 49ರಷ್ಟು) ಜನರು ಅಂತರ್ಜಾಲ ಸೇವೆ ಪಡೆಯುತ್ತಿದ್ದರು.

ಜಾಗತಿಕ ಪಾಲಿನಲ್ಲಿ ಶೇ 21ರಷ್ಟು ಇಂಟರ್ನೆಟ್​ ಸೇವಾದಾರರನ್ನು ಹೊಂದಿರುವ ಚೀನಾ ನಂಬರ್ 1 ಸ್ಥಾನದಲ್ಲಿದೆ. ಇದರ ಬಳಿಕ ಅಮೆರಿಕ ಶೇ 8ರಷ್ಟು ಮೂಲಕ ನಂತರದಲ್ಲಿದೆ ಎಂದು ಸಮೀಕ್ಷೆ ತಿಳಿಸಿದೆ.