ನವದೆಹಲಿ :ಮಹಾಲೇಖಪಾಲರ (ಸಿಎಜಿ) ಅಂಕಿ-ಅಂಶಗಳ ಪ್ರಕಾರ, 2020-21ರ ಹಣಕಾಸಿನ ಕೊರತೆಯು ಒಟ್ಟು ದೇಶೀಯ ಉತ್ಪನ್ನದ (ಜಿಡಿಪಿ) ಶೇ.9.3ರಷ್ಟಿದ್ದು, ಪರಿಷ್ಕೃತ ಬಜೆಟ್ ಅಂದಾಜುಗಳಲ್ಲಿ ಹಣಕಾಸು ಸಚಿವಾಲಯವು ಅಂದಾಜು ಮಾಡಿದ ಶೇ. 9.5ಕ್ಕಿಂತ ಕಡಿಮೆಯಾಗಿದೆ.
2020-21ರ ಕೇಂದ್ರ ಸರ್ಕಾರದ ಆದಾಯ-ಖರ್ಚು ದತ್ತಾಂಶ ಬಿಡುಗಡೆ ಮಾಡಿದ ಮಹಾಲೇಖಪಾಲರ (ಸಿಎಜಿ) ವರದಿಯ ಹಣಕಾಸಿನ ಕೊನೆಯಲ್ಲಿ ಆದಾಯದ ಕೊರತೆಯು ಶೇ. 7.42ರಷ್ಟಿದೆ ಎಂದು ಹೇಳಿದೆ. ಸಂಪೂರ್ಣವಾಗಿ ಹೇಳುವುದಾದರೆ, ಹಣಕಾಸಿನ ಕೊರತೆಯು 18,21,461 ಕೋಟಿ ರೂ.ಯಷ್ಟಿದೆ.
ಈ ಹಣಕಾಸು ವರ್ಷದಲ್ಲಿ ಸರ್ಕಾರವು 2020ರ ಫೆಬ್ರವರಿಯಲ್ಲಿ ಮಂಡಿಸಿದ ಬಜೆಟ್‌ನಲ್ಲಿ ಹಣಕಾಸಿನ ಕೊರತೆಯನ್ನು ಆರಂಭದಲ್ಲಿ 7.96 ಲಕ್ಷ ಕೋಟಿ ರೂ. ಅಥವಾ ಜಿಡಿಪಿಯ ಶೇ. 3.5ರಷ್ಟಕ್ಕೆ ಇರಿಸಿಕೊಂಡಿತ್ತು.