ನವದೆಹಲಿ:ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದಲ್ಲಿ ಬೀಜಿಂಗ್‌ನ ಪಾತ್ರವನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತಾರೂಢ ಸರ್ಕಾರ ವನ್ನು ದೂಷಿಸುವ ಪ್ರಯತ್ನಗಳು ಹೆಚ್ಚುತ್ತಿದೆ. ವೈದ್ಯಕೀಯ ಸಾಧನಗಳ ದೈತ್ಯ ಅಬಾಟ್ ಲ್ಯಾಬೊರೇಟರೀಸ್ ಸೇರಿದಂತೆ ಅಮೆರಿಕದ ವ್ಯವಹಾರಗಳನ್ನು ಚೀನಾದಿಂದ ಸ್ಥಳಾಂತರಿಸಲು ಪ್ರಯತ್ನಿಸುತ್ತಿದೆ.
ಚೀನಾದಿಂದ ಹೊರಬರಲು ಬಯಸುವ ತಯಾರಕರಿಗೆ ಪ್ರೋತ್ಸಾಹಧನ ನೀಡಲು ಕೇಂದ್ರ, ಏಪ್ರಿಲ್ನಲ್ಲಿ ಅಮೆರಿಕ ಮತ್ತು ಸಾಗರೋತ್ತರ ಕಾರ್ಯಾಚರಣೆಗಳ ಮೂಲಕ 1,000ಕ್ಕೂ ಅಧಿಕ ಕಂಪನಿಗಳನ್ನು ಮಾತುಕತೆ ಮೂಲಕ ತಲುಪಿದೆ ಎನ್ನಲಾಗುತ್ತಿದೆ.
ಈ ಚರ್ಚೆಯಲ್ಲಿ 550ಕ್ಕೂ ಹೆಚ್ಚು ಉತ್ಪನ್ನ ಕಂಪನಿಗಳಲ್ಲಿ ವೈದ್ಯಕೀಯ ಸಲಕರಣೆಗಳ ಪೂರೈಕೆದಾರರು, ಆಹಾರ ಸಂಸ್ಕರಣಾ ಘಟಕಗಳು, ಜವಳಿ, ಚರ್ಮ ಮತ್ತು ವಾಹನ ಬಿಡಿ ಭಾಗ ತಯಾರಕರಿಗೆ ಭಾರತ ಆದ್ಯತೆ ನೀಡುತ್ತಿದೆ.
ವಿಶ್ವಾದ್ಯಂತ ಕಾಲು ಮಿಲಿಯನ್‌ಗಿಂತಲೂ ಅಧಿಕ ಜನರನ್ನು ಕೋವಿಡ್ -19 ಸೋಂಕು ಕೊಂದಿದೆ. ಚೀನಾ ಆರಂಭದಲ್ಲೇ ನಿಭಾಯಿಸಬಹುದಿತ್ತು. ಆದರೆ, ಅದು ವಿಫಲಲವಾಗಿದೆ ಎಂದು ಟ್ರಂಪ್ ಆರೋಪಿಸಿದರು. ಇದು ಜಾಗತಿಕ ವ್ಯಾಪಾರ ಸಂಬಂಧಗಳನ್ನು ಇನ್ನಷ್ಟು ಹದಗೆಡಿಸಲಿದೆ ಎಂದು ನಿರೀಕ್ಷಿಸಲಾಗಿದೆ.
ಕಾರ್ಖಾನೆಗಳನ್ನು ತನ್ನ ನೆರೆಯವರಿಂದ ಸ್ಥಳಾಂತರಿಸಲು ಜಪಾನ್ 2.2 ಬಿಲಿಯನ್ ಡಾಲರ್ ಮೀಸಲಿಟ್ಟಿದೆ. ಯುರೋಪಿಯನ್ ಯೂನಿಯನ್ ಸದಸ್ಯರು ಚೀನಾದ ಪೂರೈಕೆದಾರರ ಮೇಲಿನ ಅವಲಂಬನೆಯನ್ನು ಕಡಿತಗೊಳಿಸಲು ಯೋಜಿಸಿದ್ದಾರೆ.
ಆರೋಗ್ಯ ಉತ್ಪನ್ನಗಳು ಮತ್ತು ಸಾಧನಗಳಲ್ಲಿ ತೊಡಗಿರುವ ಅಮೆರಿಕದ ಕಂಪನಿಗಳ ಮನ ಗೆಲ್ಲುವ ನಿರೀಕ್ಷೆಯನ್ನು ಭಾರತ ಹೊಂದಿದೆ. ಮೆಡ್ಟ್ರಾನಿಕ್ ಮೆಡಿಕಲ್ ಡಿವೈಸ್ ಕಂಪನಿ ಮತ್ತು ಅಬಾಟ್ ಲ್ಯಾಬೊರೇಟರೀಸ್ ಜೊತೆ ತಮ್ಮ ಘಟಕಗಳನ್ನು ದೇಶಕ್ಕೆ ಸ್ಥಳಾಂತರಿಸುವ ಕುರಿತು ಮಾತುಕತೆ ನಡೆಸುತ್ತಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮೆಡ್ಟ್ರಾನಿಕ್ ಮತ್ತು ಅಬಾಟ್ ಎರಡೂ ಕಂಪನಿಗಳು ಭಾರತದಲ್ಲಿ ಅಸ್ತಿತ್ವ ಹೊಂದಿದೆ. ಇದರಿಂದಾಗಿ ಅವರ ಚೀನಾ ಪೂರೈಕೆ ಸರಪಳಿಗಳನ್ನು ದೇಶಕ್ಕೆ ಸಾಗಿಸಲು ಅವರಿಗೆ ಸುಲಭವಾಗಬಹುದು.
