ನವದೆಹಲಿ: ಕೈಗಾರಿಕಾ ಸಂಸ್ಥೆ ಭಾರತೀಯ ವಾಣಿಜ್ಯೋದ್ಯಮ ಮಹಾಸಂಘಗಳ ಒಕ್ಕೂಟ (ಫಿಕ್ಕಿ) ನಡೆಸಿದ ಸಮೀಕ್ಷೆಯಲ್ಲಿ, 2008-09ರ ಜಾಗತಿಕ ಆರ್ಥಿಕ ಬಿಕ್ಕಟ್ಟಿನ ನಂತರ ಇಂಡಿಯಾ ಇಂಕ್‌ನ (ಭಾರತದ ವ್ಯವಹಾರ) ವಿಶ್ವಾಸಾರ್ಹ ಮಟ್ಟ ತೀರ ಕೆಳಗೆ ಇಳಿದಿದೆ, ಕೊರೊನಾ ವೈರಸ್ ವ್ಯವಹಾರಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ ಎಂದು ಹೇಳಿದೆ.
ಉದ್ಯಮ ಒಕ್ಕೂಟದ ವ್ಯವಹಾರ ವಿಶ್ವಾಸ ಸಮೀಕ್ಷೆಯ ಪ್ರಕಾರ, ಸರ್ಕಾರದ ಸಮಯೋಚಿತ ಕ್ರಮಗಳು ದೇಶೀಯ ಆರ್ಥಿಕತೆ ಶೀಘ್ರ ಸಹಜ ಸ್ಥಿತಿಗೆ ಮರಳುವಂತೆ ಅನುವು ಮಾಡಿಕೊಡುತ್ತವೆ. ಆರ್‌ಬಿಐ ರೆಪೊ ದರದಲ್ಲಿ ಇನ್ನೂ 100 ಬೇಸಿಸ್ ಪಾಯಿಂಟ್‌ ಕಡಿತಗೊಳಿಸುವಂತೆ ಒತ್ತಾಯಿಸಿದೆ.
ಕೊರೊನಾ ವೈರಸ್ನಿಂದ ಜಾಗತಿಕ ಆರ್ಥಿಕತೆಯ ಭವಿಷ್ಯವೇ ಹದಗೆಟ್ಟಿದೆ. ಸಾಂಕ್ರಾಮಿಕ ರೋಗ ಹರಡುವುದನ್ನು ತಡೆಗಟ್ಟಲು ಭಾರತ ಸೇರಿದಂತೆ ಅನೇಕ ದೇಶಗಳು ಕಟ್ಟುನಿಟ್ಟಾದ ಸಾಮಾಜಿಕ ಅಂತರ ಕಾಪಾಡಲು ಲಾಕ್‌ಡೌನ್‌ ಜಾರಿಗೊಳಿಸಿವೆ.