2020-21ರಲ್ಲಿ ಭಾರತದ ಆರ್ಥಿಕತೆ ಮೈನಸ್ ಶೇ. 7.3ರಷ್ಟು ಕುಸಿತ.. ಅಧಿಕೃತ ವರದಿ

2020-21ನೇ ಸಾಲಿನ ಸ್ಥಿರ (2011-12) ಬೆಲೆಗಳಲ್ಲಿನ ನೈಜ ಜಿಡಿಪಿ ಅಥವಾ ಒಟ್ಟು ದೇಶೀಯ ಉತ್ಪನ್ನ (ಜಿಡಿಪಿ) ಈಗ ₹ 135.13 ಲಕ್ಷ ಕೋಟಿ ಮಟ್ಟ ತಲುಪಲಿದೆ ಎಂದು ಅಂದಾಜಿಸಲಾಗಿತ್ತು..

ನವದೆಹಲಿ : ಭಾರತೀಯ ಆರ್ಥಿಕತೆಯು 2020-21ರಲ್ಲಿ ಶೇ.7.3ರಷ್ಟು ಕುಸಿದಿದ್ದು, 2019-20ರಲ್ಲಿ ಶೇ. 4.0ರಷ್ಟು ಬೆಳವಣಿಗೆ ಆಗಿತ್ತು.

ಕೇಂದ್ರ ಅಂಕಿ-ಅಂಶ ಮತ್ತು ಯೋಜನಾ ಅನುಷ್ಠಾನ ಸಚಿವಾಲಯದ ರಾಷ್ಟ್ರೀಯ ಸಾಂಖಿಕ್ಯ ಕಚೇರಿ (ಎನ್‌ಎಸ್‌ಒ) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಒಟ್ಟು ದೇಶೀಯ ಉತ್ಪನ್ನ (ಜಿಡಿಪಿ) 2019-20ರಲ್ಲಿ ಸುಮಾರು 145 ಲಕ್ಷ ಕೋಟಿ ರೂ.ಗಳಿಂದ ಇಳಿದು ಹಿಂದಿನ ಹಣಕಾಸು ವರ್ಷದ ಅವಧಿಯಲ್ಲಿ 135 ಲಕ್ಷ ಕೋಟಿ ರೂ.ಗೆ ತಲುಪಿದೆ.

2020-21ನೇ ಸಾಲಿನ ಸ್ಥಿರ (2011-12) ಬೆಲೆಗಳಲ್ಲಿನ ನೈಜ ಜಿಡಿಪಿ ಅಥವಾ ಒಟ್ಟು ದೇಶೀಯ ಉತ್ಪನ್ನ (ಜಿಡಿಪಿ) ಈಗ ₹ 135.13 ಲಕ್ಷ ಕೋಟಿ ಮಟ್ಟ ತಲುಪಲಿದೆ ಎಂದು ಅಂದಾಜಿಸಲಾಗಿತ್ತು.

ಇದು 2019-ನೇ ಸಾಲಿನ ಜಿಡಿಪಿಯ ಮೊದಲ ಪರಿಷ್ಕೃತ ಅಂದಾಜಿನಂತೆ 45.69 ಲಕ್ಷ ಕೋಟಿ ರೂ. ಇತ್ತು ಎಂದು ಎನ್ಎಸ್ಒ ಪ್ರಕಟಣೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ಸುಡು ಬಿಸಿಲ ಮೇ ತಿಂಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಏರಿಕೆ ಶಾಕ್​: 30 ದಿನಗಳಲ್ಲಿ 16 ಭಾರಿ ಜಿಗಿತ!

2019-20ರಲ್ಲಿ ಶೇ.4.0ಕ್ಕೆ ಹೋಲಿಸಿದರೆ 2020-21ರ ಅವಧಿಯಲ್ಲಿ ಜಿಡಿಪಿಯಲ್ಲಿನ ಬೆಳವಣಿಗೆ ಮೈನಸ್ 7.3ರಷ್ಟು ಕ್ಷೀಣಿಸಿದೆ ಎಂದು ಅಂದಾಜಿಸಲಾಗಿದೆ ಎಂದಿದೆ.

ಜಿಡಿಪಿ ದೇಶದಲ್ಲಿ ಉತ್ಪಾದನೆಯಾಗುವ ಸರಕು ಮತ್ತು ಸೇವೆಗಳ ಒಟ್ಟು ಪ್ರಮಾಣವಾಗಿದೆ. ಇದು ಆರ್ಥಿಕತೆಯ ಸ್ಥಿತಿಯ ಪ್ರಮುಖ ಸೂಚಕವಾಗಿದೆ.